Isaya 8:16 - KITABU KITAKATIFU

¹⁶ Mubohe lilolekidza yilyo, na u vike muhuri ku malago hagati ha vegidzwi vange.

Isaya 8:16 ပူးပေါင်းရင်းမြစ်များ

2 Avami 11:12

Hene yaho ya leta mwana womwami, nokumuvika itaji ku mutwe gwigwe, nokumuha lilolekidza; ni va mu kola mwami, ni va mbaka maguta; ni va kong'onda makono, nokuvola, Mwami a ve mwoyo.

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Isaya 50:4

Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.

Isaya 54:13

Na avana vovo vosi va legidzwa ku Yahova; nemirembe gyavana vovo gyi la va minene.

Isaya 8:20

Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

Danyeli 12:4

Navutswa ive Danyeli, u kunike amakuva yaga nokuvika muhuri ku kitabu, kali kuduka ku inyinga ye kiheri: avanyingi va la nyagula yiyi na yiyi, na limanya li la medeka.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Matayo 13:11

Naye ya tivula na a va volera, Mwinye mu hebeywi kumanya ama kuva ga viswa gobwami bwomigulu, navutswa yava si va hebeywi ndiyo.

Marko 10:10

Lwa va li mu inyumba avegidzwi mu teva kandi ku likuva yili.

Marko 4:34

navutswa bugira lugano si a va volera mbakandi lwa va li veng'ine ya vuulira avegidzwi veve tsyosi.

1 Vakorintho 2:14

Mundu wolugano lwo mubiri si ya vugula vindu vya Roho wa Nyasaye: kigira vi veye ubusiru kuye; naye si ya nyala kuvimanya, kigira vi manyekana ku roho.

Kwidzulitsa 4:45

yili nilyo lilolekidza, na malago, nelikalaga, lya Musa ya volera avana va Israeli, inyinga va twula Egepeti,

Vahebraina 3:5

Kandi Musa ligali ya li musuuvirifu mu inyumba yeye yosi kuli mutumwa, a ve kilolekidzu kyevindu vi li volwa inyima;

Likunula 10:4

Kandi lwetsinkupa tsitano na tsiviri tsya vola, ndenya kung'oda: na nda hulira mwoyo gwa twula migulu, ni gu vola, U vike muhuri ku makuva yaga getsinkupa tsitano na tsiviri tsi voye, u ta ga ng'oda mba.

Likunula 19:10

Kandi nda gwa hasi ha virenge vivye kumusigamira. Naye ya mbolera, Henza, u ta kola mba; inze mbeye wakyo halala na ive navamwavo vovo ava gumira lilolekidza lya Yesu: U sigamire Nyasaye: kigira lilolekidza lya Yesu li veye roho gwobuprofeti.

Likunula 2:17

Uyu u veye nogutu, a hulire likuva lya Roho a voleranga mavugano. Uyu u guutanga nda mu ha mana i viseywi, kandi nda mu ha ligina lilavu, li ng'odeywi ku lieta lihya, lya u vula ho mundu u manyi, na a ta li uyu u hebeywi.

Likunula 5:1

Kandi nda lola mu mukono mulungi gwa uyu wikaye ku intebe, kitabu kya ng'odwa mugati nokwigulu, kya vikwa mihuri gyitano na gyiviri.

Likunula 5:5

Nomundu mulala ku vakulundu yavo ya mbolera, U ta lira mba; henza uyu King'ang'a u veye wehiri ya Yuda, Kitinya kya Daudi, u guuti a duke kukunula kitabu nokuboholola mihuri gyakyo gyitano na gyiviri.