Isaya 8:13 - KITABU KITAKATIFU

¹³ Yahova wa mahe, niye wa mu takasa; uyu a ve ubutii bwe nyu, uyu a ve litihidza lyenyu.

Isaya 8:13 ပူးပေါင်းရင်းမြစ်များ

Litanga 31:53

Nyasaye wa Abrahamu, na Nyasaye wa Nahoro, na Nyasaye wa dada wavo, a kalage hagati hetu. Na Yakobo yisuha ku Welitibwa wa Isaka dada wewe.

Zaburi 76:7

Ive, na ive weng'ine, u veye we] itibwa; Na ibwaha u nyala kusingira imbiri wowo lwa u vihirirwa?

Kutwula 20:20

Na Musa ya volera avandu, Mu ta tia mba: kigira Nyasaye a duki ku minye kumugeridza, kandi litibwa lilye li ve imbiri wenyu mu vule kukola ubwoni.

Isaya 29:23

Navutswa lwa a lola avana veve, ava veye miyinzi gyamakono gange, ha gati hehe, va la takasa lieta lyange; yee, va la takasa Uyu Mutakatifu wa Yakobo, na va la tia Nyasaye wa Israeli.

Isaya 5:16

navutswa Yahova wa mahe u nenehidzeywi mu likalaga, na Nyasaye Uyu Mutakatifu u takaseywi mu bulungi.

Ezekieli 38:16

u lanegira uudze ku ava ndu vange Israeli kulwana navo, kuli lilesi kukunika kivala; ga la va mu madiku gekiheri nda leta ive uudze kulwana nekivala kyange, tsihiri tsi duke kumanya inze, lwa ntakaswa mu ive, O Goga, imbiri wetsimoni tsyavo.

Kyavalevi 10:3

Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

Kyavalevi 22:32

Kandi mu tononya lieta lyange litakatifu; navutswa nda takaswa hagati ha avana va Israeli: inze mbeye Yahova u takasanga mwinye,

Malaki 2:5

Lilagana lyange lya li halala naye lyelivamwoyo na lyemirembe nda mu ha a duke kutia, naye ya ntia, na ya tia lieta lyange.

Livalidza 27:14

kigira mwa tinguha ku munwa gwange mwigendanyama lya Zin, mu kivihiri kyelivugana, kigira si mwa nkuminya ha amadzi imbiri wetsimoni tsyavo. (Yaga ga veye amadzi ga Meriba ga Kadesh mwigendanyama lya Zin.)

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Luka 12:5

Navutswa nda mu gelihidza ku uyu wa mu li tia: Mu tie uyu, na a mala kwiita, a veye netsingulu kuta mu igehena; yee, mmu volera, Mu tie uyu.

Varumi 4:20

Yee, lwa ya henza lisuuviridza lya Nyasaye, si ya hayahayidza na a vula kusuuvira mba, navutswa ya kira kunyola tsingulu ku lisuuvira ni yidzominya Nyasaye,

Kwidzulitsa 14:23

Na u lie imbiri wa Yahova Nyasaye wowo, ha a li tovola, lieta lilye li menya ho, izaka yobuswage bubwo, newaini yoyo, na maguta gogo, nevyokutanga kwivulwa vyekyayo kikyo, tsing'ombe na magondi; u duke kweyegidza kutia Yahova Nyasaye wowo kazozo.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

1 Samweli 11:7

Na ya vugula tsing'ombe tsiviri tsyenira indala, na a tsi donyannya vidonye, na ya hila vidonye zana mu tsinzako tsyosi tsya Israeli mu makono ga vatumwa, na a vola, Ku vosi u vula kutwula nokulonda Saulo na Samweli, tsing'ombe tsitsye tsi la kolwa kuli yaga. Nobutihidzi bwa Yahova bwa gwa ku avandu, na va twula kuli mundu mulala.