Isaya 8:10 - KITABU KITAKATIFU

¹⁰ Mu lomba makuva ha lala, na ga la kolwa kuva vutswa; mu vole likuva, na li la vula kusingira: kigira Nyasaye a veye halala ne kwinye.

Isaya 8:10 ပူးပေါင်းရင်းမြစ်များ

Litanga 21:22

Kunangwa inyinga yeyo, Abimeleku na Fikolu nlunene welihe lilye va volerana na Abrahamu, ni va vola Nyasaye a veye halala na ive mu vyosi vya u kolanga:

2 Samweli 15:31

Nomundu mulala ya volera Daudi, na a vola, Ahithofeli a veye mu lihambana lyetsimbemba halala na Abisalom. Na Daudi ya vola, O Yahova, nku goonya, livola lya Ahithofeli, u li girunkannye li gwe ubusiru.

2 Samweli 17:23

Na Ahithofeli lwa ya lola livola lilye li vuli kulondwa, ya boha isukiri yeye, na a singira, na a tsia mu inyumba yeye, mu lidala lilye, na ya lomba makuva genyumba yeye, ni yesunga; na a kudza, na ya tebwa mu kilindwa kya dada wewe.

2 Samweli 17:4

Na livola yili lya yanzidza Abisalom ligali, na vakulundu vosi va Israeli.

2 Avami 6:12

Mulala ku vatume kiri veve ya vola, Auwa, munene wange, O mwami; navutswa ni Elisha, muprofeti u veye mu Israeli, a volera mwami wa Israeli makuva ga u volanga mu inyumba yoyo yokugona.

2 Kyetsinyinga 13:12

Na, henzi, Nyasaye a veye halala nekwinye, niye mutwe gwetu, na vasilisi veve halala nevisiliva vi veye nemyoyo kukupa vyokutihidza ku mwinye. O avana va Israeli, mu ta lwana na Yahova, Nyasaye wavaguga venyu; kigira si mu la gasidzwa mba.

Ayubu 5:12

Uyu yononnyanga amakuva gava gadi, Kuduka makono gavo si ga nyala kudukidza lisaavira lyavo.

Zaburi 21:12

Kigira u la va kola kugirunkannya migongo gyavo; U la tegekidza migoye gyobuta bubwo mu tsimoni tsyavo.

Zaburi 46:1

Nyasaye a veye kyo kwivisa mu kyetu, na tsingulu tsyetu, Mukonyi wa himbi ligali inyinga yekivi.

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:7

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:8

Udze, u lole vikolwa vya Yahova, Kuli a kolanga ubwoneku mu lirova.

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Isaya 14:27

Kigira Yahova wa mahe wa saavira, nibwaha u la kola ga vule kuva? Nomukono gwigwe gwa nyirwa, nibwaha u girunkannya gwirane?

Isaya 28:18

Na lilagana lyenyu lya mu a lomba nelikudza li loneka, na lihambana lyenyu lya mua kola na Kihadisi si li la singira mba; liduya lizulira lwa li vita hagati, mwinye mu la duvagirwa isi walyo.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 43:5

U ta tia mba; kigira inze mbeye halala nive: nda leta kisukululwi kikyo ki twule ivugwe, na nda ku vungidza kutwula madioli;

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Isaya 8:8

na ga la vita kwanegira nokwingira Buyuda na ga lizula nokuvita hagati; ga la duka kwigoti; na linyira lyetsimbaha tsitsye li lizula ubugalamu bwekivala kikyo, O Imanueli.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 42:11

Mu ta tia mwami wa Babuloni mba, wa mu tidzanga; mu ta mu tia mba, Yahova a vola: kigira inze mbeye halala nemwi nye kumuhonnya, nokumutwulidza ku mukono gwigwe.

Jeremia 46:28

Ive u ta tia mba, O Yakobo mutumekiri wange, Yahova a vola; kigira inze mbeye halala nive: kigira inze nda heridza ligali tsihiri yitsyo tsyosi tsya nda ku kunga kutsia mutsyo, navutswa si nda heridza ive mba, navutswa nda ku gondokera nelikalaga, kandi si nda ku leka bugira kukuha mageli kali hakuzu.

Lisyoma lya Jeremia 3:37

Ni bwaha u volanga, ma li va, ni i va Yahova si ya li laga mba?

Joeli 3:9

Mu landidze yaga mu tsihiri; mwe tegekidze ku bulwani, mu vukidze avasatsa vetsingulu; avasatsa vosi vobulwani visunde himbi, vanegire.

Haggai 1:13

Hene yaho Haggai, wa li mutu mwa wa Yahova, ya volera avandu, mu makuva ga Yahova, na a vola Inze mbeye halala nemwinye, Yahova a vola.

Livalidza 14:9

Navutswa mu ta hing'ana na Yahova, kandi mu ta tia avandu vekivala; kigira va veye ubukima bwetu: na kiriri kyokukinga kyavo kya twulidzwa kuvo, na Yahova a veye halala na kwinye: mu ta va tia mba.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Varumi 8:13

kigira ni mu va ni mu menya mu liva lyomubiri, mu la kudza; navutswa ku Roho ni mwiita likola lyomubiri, mu la va mwoyo.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Kwidzulitsa 20:1

Lwa u twula kutsia mbulwani navasigu vovo, nokulola tsiparasi, namagari, navandu vanyingi kuvita ive, u ta va tia mba; kigira Yahova Nyasaye wowo a veye halala nive, wa kwanegeridza kutwula mkivala kya Egepeti.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

1 Yohana 4:4

Mwinye mu veye ava twula ku Nyasaye, avana vakekeke vange, kandi mwa va guuta: kigira u veye mu mwinye, a veye munene kuvita u veye mu avomkivala.