Isaya 8:1 - KITABU KITAKATIFU

¹ Na Yahova ya mbolera, Vugula kibao kinene, na u ng'ode ku nekalamu yomundu, Kigira Maherisha lali hashi-bazu;

Isaya 8:1 ပူးပေါင်းရင်းမြစ်များ

Isaya 30:8

Kalunu u tsie, u ng'ode likuva yili ku kihao imbiri wavo, u li ng'ode mu kitabu, li duke kuva lye tsinyinga tsidzanga kuduka mihiga nemihiga.

Isaya 8:16

Mubohe lilolekidza yilyo, na u vike muhuri ku malago hagati ha vegidzwi vange.

Isaya 8:3

Na nda tsia ku muprofeti mukali; naye ya vereka, na yivula mwana muyai. Hene yaho Yahova ya mbolera, U gulike lieta lilye Maherishalalihashi bazu.

Jeremia 30:2

Yahova, Nyasaye wa Israeli, a vola ndi, U ng'ode mu kitabu makuva gosi aga nku voleye.

Jeremia 36:2

Vugula lilinga lyekitabu, na u ng'ode mukyo makuva yaga gosi aga nda ku volera ku Israeli, noku Yuda, noku tsihiri tsyosi, kutwula ku lidiku lya nda ku volera, kutwula ku madiku ga Josia, kali kuduka lero.

Jeremia 36:28

Vugula lilinga lyekitabu kindi, na u ng'ode mu amakuva agokutanga gosi aga li mu lilinga lyekitabu lyokutanga, kya Jehoiakim mwami wa Yuda ya samba.

Jeremia 36:32

Hene yaho Jeremia ya vugula lilinga lyekitabu kindi, na a ha mung'odi Baruku, mwana wa Neria, naye ya ga ng'oda mukyo, makuva gosi ga twula mmunwa gwa Jeremia, ga Jehoiakim mwami wa Yuda ya samba ku muliru; kandi ya meda makuva gandi manyingi ku lugano lwa yago.

Likunula 13:18

Mbubwo ubugeeri. U veye nobugeeri a validze hesabu yenyama yiyi; kigira i veye hesabu yomundu: kandi hesabu yeye i veye Tsimia tsitano na indala na makumi gatano na lilala netsisuvi tsitano na indala. (666).

Likunula 21:17

Kandi ya gera lidigi lyalyo, lya duka mikono mia indala namakumi gane na gyine, kigero kyomundu, ki veye kyengelosi uyu.