Isaya 7:4 - KITABU KITAKATIFU

⁴ u mu volere, Welinde, wehodzeridze; u ta tia mba, kandi u ta kudza mwoyo, kigira mikira gyiviri yigyi gyetsisese tsi vuyanga mwoki, na kigira ubutima ubululu bwa Rezin na Siria, nomwana wa Remalia.

Isaya 7:4 ပူးပေါင်းရင်းမြစ်များ

2 Avami 15:27

Ku muhiga gwa kola makumi gatano na gyiviri gwelyameha lya Azaria mwami wa Yuda, Peka mwana wa Remalia ya tanga kwameha ku Israeli mu Samaria, na yameha mihiga makumi gaviri.

2 Kyetsinyinga 20:17

Mu bulwani yibu si mu la va nelyenya kulwana: mu dinye, mu singire, mu lola ubuhonyi bwa Yahova bu veye halala nemwinye, mwinye O Yuda na Yerusalemi; mu ta tia mba, kandi mu ta kudza mwoyo: mugamba mu va twulire; kigira Yahova a veye halala nemwinye.

Isaya 10:24

Kunangwa kigira yaga Mwami Yahova wa mahe, a vola ndi, O avandu vange ava menyanga mu Zioni, mu ta tia Muasuria kali na a ku kuya nempimbo, na a ginga lusala wilwe ku ive, kuli miima gya Egepeti.

Isaya 30:15

Kigira Yahova Nyasaye, Uyu Mutakatifu wa Israeli a vola ndi, Mu lirana nomu lyelemeridza mu la honywa; tsingulu tsyenyu tsi la va mu lisosa nomu lisuuvira. Na mwinye si mwa bugirira:

Isaya 30:7

Kigira ubukonyi bwa Egepeti bu veye vutswa, si bu konya kindu: kigira yaga nda mu gulika Rahabu wikalanga vutswa.

Isaya 35:4

Mu volere ava veye nomwoyo gwobutii, Mu ve avagulu, mu ta tia mba: henza, Nyasaye wenyu a ladza nekisalya, halala ne litunga lya Nyasaye; a ladza kumuhonya.

Isaya 37:6

Na Isaya ya va volera, Mu volere munene wenyu makuva yaga, Yahova a vola, U ta tia makuva ga wa hulira, aga vatugwa vomwami wa Asuria va nnyegi nago.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 7:1

Na ga duka mu madiku ga Ahazu mwana wa Jotham, mwana wa Uzia, mwami wa Yuda, Rezin mwami wa Siria, na Peka mwana wa Remalia, mwami wa Israeli, vanegira kutsia Yerusalemi kulwana nalyo, navutswa si va nyala ku li vugula.

Isaya 7:8

Kigira mutwe gwa Siria ni Damasko, na mutwe gwa Damasko ni uyu Rezin; kandi mu mi higa makumi gatano ne lilala na gyi tano Efiraim a la donywa vidonye, a vule kuva ihiri kandi:

Isaya 7:9

na mutwe gwa Efiraim ni Samaria, na mutwe gwa Samaria, ni uyu mwana wa Remalia. Ni mu va ni mu sula kusuuvira, ligali si mu la dinyeridzwa.

Isaya 8:4

Kigira lwa mwana uyu a kikiri kumanya kuvola, Dada wange, na Mama wange, ubutugi bwa Da masko, nevilanye vya Samaria vi la hilwa imbiri womwami wa Asuria.

Isaya 8:6

Kigira avandu yava va suye amadzi ga Shiloa aga genda galaha, na va sangalira Rezin nomwana wa Remalia;

Lisyoma lya Jeremia 3:26

Nobulahi umundu a suuvire, nokulindirira ubuhonyi bwa Yahova nelyekudzira.

Amosi 4:11

Avalala ku mwinye nda va tung'aminya, kuli lwa Nyasaye ya tung'aminya Sodoma na Gomora, na mwa duka kuva kuli isese ya vugulwa kutwulidzwa mmuliru gwaakanga: navutswa si mu galuki ku inze, Yahova a vola.

Habakuk 2:3

Kigira malola yaga kali kalunu ga veye genyinga ya lagwa, na ga kolanga bwangu kuduka ku kiheri, na si ga la vola ububehi mba: kali ni ga lindagira, u ga lindirire; kigira ligali ga ladza, si ga la lindagira mba.

Zekaria 3:2

Na Yahova ya volera Setani, Yahova a ku gondokire, O Setani; yee, Yahova u tovoye Yerusalerni a gondokire ive: yiyi si i veye isese yaakanga ya twulidzwa ku muliru?

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Matayo 24:6

Kandi mu la hulira mahe namakuva gamahe mu henze, mu ta henda myoyo mba kigira vindu yivi vi ladza; navutswa kiheri ki kikiri.

Kwidzulitsa 20:3

a va volere, Mu hulire, O Israeli lero mwisundanga ku bulwani ku vasigu venyu: myoyo genyu gyi ta kudza mba; mu ta tia mba, mu ta degera mba, kandi mu ta timuka inkolo kigira yavo mba;

1 Samweli 17:32

Na Daudi ya volera Saulo, Ku vosi mundu a ta kudza mwoyo mba kigira uyu; inze mutumekiri wowo nda tsia kulwana no Mufilisiti uyu.