Isaya 7:18 - KITABU KITAKATIFU

¹⁸ Na ga la duka mu lidiku yilyo Yahova a la langira ingi i veye ku kiheri kyemigera gya Egepeti, nenzuki i veye mu kivala kya Asuria.

Isaya 7:18 ပူးပေါင်းရင်းမြစ်များ

Zaburi 105:31

Ya vola na maduuma getsingi ga duka, Na tsindaa tsya landa tsimbega tsyavo tsyosi.

Zaburi 118:12

Va nkumbiridza kuli tsinzuki, va simi kuli muliru gwamafwa: Mu lieta lya Yahova nda va guuta.

Kutwula 8:21

Kinga, nu u va nu u sula kuvalakula va tsie, henza, nda leta maduuma getsingi ku ive, noku vatumekiri vovo, noku avandu vovo, nomu tsinyumba tsitsyo: na tsinyumba tsya Avaegepeti tsi lizula maduuma getsingi, na kandi marova ga tsinyumba tsi veye kugo.

Kutwula 8:24

Na Yahova ya kola ndiyo; na maduuma getsingi madamano ga duka mu inyumba ya Farao, nomu tsinyumba tsya avatumekiri veve: nomu kivala kyosi kya Egepeti kivala kyononywa kigira maduuma getsingi.

Isaya 13:5

Va twula mu kivala kyehale, kutwula ku i kiheri kyegulu a veye Yahova, nevyuma vyobutima bwibwe, kudividza kivala kyosi.

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 5:26

Na a la gingira tsihiri tsye hale ibendera, na a la va langira kutwula ku kiheri kyelirova; na henza, va ladza tsimbiru ligali.

Isaya 7:17

Yahova a la leta ku ive, noku avandu vovo, noku inyumba ya dada wowo, amadiku ga kikiri kuduka, kutwula ku lidiku lya Efiraim ya twula ku Yuda, kali mwami wa Asuria.

Zekaria 10:8

Nda va langira, nokuvavungidza; kigira mba tungiye; navo va la medeka kuli va medeki.

Kwidzulitsa 1:44

Na Vaamori, ava menya mkivala kyevigulu yikyo, va mu twulira, na va mu kunga, kuli tsinzuki tsi kunganga, va mwononyira Seiru, kuduka Horma.

Kwidzulitsa 28:49

Yahova a la leta ku ive ihiri i twula ihale, ku nyasi kwelirova, bwangu kuli libuluka lyendidzu ihiri ya u ta manya lulimi lwayo,

Kwidzulitsa 7:20

Kandi Yahova Nyasaye wowo a la tuma mahalamba hagati havo, kuduka yavo ava tigala avevisanga, va luhe va kame imbiri wowo.

Joshua 24:12

Na nda tuma mahalamba kwimira imbiri wenyu aga va kunga imbiri wenyu, avami vaviri va Vaamori, si ga li nekivavi kikyo, kinga ubuta bubwo.