Isaya 7:13 - KITABU KITAKATIFU

¹³ Naye ya vola, Mu hulire kalunu avenyumba ya Daudi: Ni kindu kike keke ku mwinye kuluhidza avandu ga luhe ga duke kandi ku mwinye kuluhidza Nyasaye wange?

Isaya 7:13 ပူးပေါင်းရင်းမြစ်များ

Litanga 30:15

Naye ya mu volera, I veye inkuva inkekeke ive kuhila musatsa wange? Wenya kuhila makuyu gomwana wange kandi? Na Raheli ya vola, Kunangwa a la va nive ubudiku yibu kigira makuyu gomwana wowo.

2 Kyetsinyinga 21:7

Kali halala na yaga Yahova si yenya kudividza inyumba ya Daudi, kigira lilagana lya ya lomba na Daudi, na kuli ya mu suuviridza kumuha itaya, uyu, na vana veve mihiga nemihiga.

Zaburi 45:5

Mibano gyigyo gyi veye miyugi; Avetsihiri va gwidza isi wowo; Gyi veye mu mwoyo gwavasigu vomwami.

Isaya 1:14

Mwoyo gwange gu dunyiranga lilonda lyenyu lyomweli, na lilia lyenyu lya tovolwa; makuva yaga ga mminanga ligali; nduhi kuga ginga.

Isaya 1:24

Kigira yaga Yahova a vola, uyu Yahova wa amahe, uyu Wanyala wa Israeli, O, inze ndeyahula ku yavo avasigu vange, nokuvanza kisalya kuvo ava hing'ana ninze;

Isaya 22:22

Na lufunguo lwenyumba ya Daudi nda vika mwivega lilye; na a ligula, na si ha veye na u hana; na a la hana na si ha veye nowigula.

Isaya 25:1

Yahova, ive u veye Nyasaye wange; nda ku kuminya, ndidzominya lieta lilyo; kigira wa kola vindu vyokugenya, vi veye makuva gogo ga kale, mu busuuvirifu nomu geligali.

Isaya 43:24

Si wa ngulira mikonye nefetha yoyo, kandi wa vula kunzigutidza na maguta gevihaanwa vivyo; navutswa u mmini no bwoni bubwo, u nduhidzi nobudamano bubwo.

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Isaya 7:12

Na Ahazu ya vola, Si nda teva kilolekidzu mba, kandi si nda geridza Yahova.

Isaya 7:2

Navandu venyumba ya Daudi, va hilirwa makuva, kuvola, Siria va hambani na Efiraim. Na ya timukwa enkolo, navandu veve, kuli misala gyommulitu gyi hungudzangwa ne mbuudza.

Jeremia 21:12

O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.

Jeremia 44:22

Kuduka Yahova si ya nyala kwikudzira kandi, kigira ubudamano bwevikolwa vyenyu, kandi kigira kivihiri kya mu koli; kigira yaga kivala kyenyu ki gwiye hatswa, neligenya, nelilaamwa, kali si ki veye nomundu mukyo, kuli ga veye lero.

Jeremia 6:11

Kunangwa kigira yaga inze nzizuye ubutima bwa Yahova; lyegaya li nduhidzanga: u bu tsuke ku avana va veye ku inzira noku livugana lya vayai vasoleli, kigira kali musatsa halala nomukali wewe a la vugulwa, musakulu halala na uyu wizuye madiku.

Ezekieli 16:20

Kandi kuvita yaga u vuguye avayai vovo navakana vovo, ava wa nzivulira, na u viiti va ve kihaanwa ku yavo va duke ku libwa. Vindu vivyo vya malaya vya li inkuva inkekeke,

Ezekieli 16:47

Navutswa ive si u gendanga ku tsinzira tsyavo, kandi si u koli kuli kivihiri kyavo, navutswa inkuva yiyi ni i Da ya li inkekeke, wa li ni woneka kuvita yavo mu tsinzira tsitsyo tsyosi.

Ezekieli 34:18

Mu lolanga ki veye kindu kikekeke ku mwinye kwayirwa lyaywa lilahi, navutswa ga mu dukira ku duvaga kandi nevirenge vyenyu kyayiru kye nyu kya tigala? Nokunwa madzi malahi, na ga mu dukira mwinye kwononnya aga tigala nevirenge vyenyu?

Ezekieli 6:9

Na va li hona ku avandu venyu va lidzulitsa inze hagati hetsihiri ha va li hilwa avahambe, kuli nda vunannya vidonye ku myoyo gyavo gyamalaya, gyahulwa ku inze, noku tsimoni tsya vo, tsya londa vifwananyi mmalaya: navo va ledunyira avene mu tsimoni tsyavo, kigira ubudamano bwa va kola mu kivihiri kyavo kyosi.

Amosi 3:13

Mu hulire, mu lolekidze ku inyumba ya Yakobo, Mwami Nyasaye a vola, Nyasaye wa mahe.

Malaki 2:17

Mu mali kuluhidza Yahova na makuva genyu. Navutswa mu volanga, Ku mu luhidza ku makuva ki? Ga veye ku livola lya mu volanga, Sa mulala u kolanga ubudamano a veye mulahi mu tsimoni tsya Yahova, naye a sangaliranga avandu yava; kinga Nyasaye welikalaga a veye haliha?

Livalidza 16:13

ki veye kindu kikekeke ku ive kukuleta kutwula mu kivala ki gangulukanga maveere nobwuki, kuduka kukwiitira mu kyangalangwi, navutswa halala na yaga wiyidzominya mwene kuva munene ku kwinye?

Livalidza 16:9

ki fwana kindu kikekeke ku mwinye, Nyasaye wa Israeli a duke kwahula mwinye ku livugana lya Israeli, kumuleta himbi kuye mwene, mu kole ubutumiki bwelihema Iva Yahova, nokusingira imbiri welivugana kuvatumekira;

Luka 1:69

Kandi u ku gingiye lwiga lwobuhonnyi Mu inyumba ya Daudi mutumekiri wewe

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Vahebraina 3:10

Kigira yaga nda vihirirwa likula yili, Kandi nda vola, Kazozo va kyama mu myoyo gyavo; Kigira yaga si va manya tsinzira tsyange;