Isaya 66:4 - KITABU KITAKATIFU

⁴ na inze kandi nda tovola ubugadi bwavo, nobutii bwavo nda leta kuvo; kigira lwa nda langa, si ha li nomundu wa bugirira; lwa nda vola, si va hulira: navutswa va kola vyobudamano imbiri wetsimoni tsyange, nokutovola aga inze nda vula kuyanza.

Isaya 66:4 ပူးပေါင်းရင်းမြစ်များ

2 Avami 21:2

Na ya kola ubudamano imbiri wa Yahova, kuli kivihiri kyetsihiri tsya Yahova ya kunga kutwula imbiri wavana va Israeli.

2 Avami 21:6

Na ya vitidza mwana wewe muyai hagati homuliru, na ya ng'olera ku malesi, na ya kola busegetiri, na ya tsia ku avevigingi vya syukira, na vakumu: ya kola budamano bunyingi imbiri wa Yahova, kurnuvihiriridza.

Zaburi 81:12

Kunangwa nda va leka kulonda mwoyo gwavo mudinyu, Va duke kugenda mu makuva gavo avene.

Tsing'ano 1:24

Kigira nangi, na mwinye mu suye, Nyiye mukono gwange, na si ha veye nomundu wa vika mu mwoyo gwigwe;

Tsing'ano 10:24

Ubutii bwomudamano bu la duka kuye Na lyenya lyomulungi a lizulitsi rwa.

Isaya 50:2

Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Isaya 59:15

Yee, ageligali ga gehi ligali; na uyu u lekanga ubudamano yekolanga kuva kilanye. Na Yahova ya lola yaga, nago ga mu vihiridza kigira si li veye ho likalaga lyobulungi.

Isaya 59:7

Virenge vyavo vi nyagula tsimbiru kukola budamano, navo va kola bwangu kut ahidzo masahi ga ta li nekindu: tsiganagani tsyavo tsi veye tsyobudamano; mu mahasi gavo ha veye vutswa nobwoneku.

Isaya 65:12

nda mu validza mu ve avekivavi, na mwosi mu la sigamira liitwa; kigira lwa nda langa, si mwa bugira; lwa nda vola, si mwa hulira; navutswa mwa kola agobudamano imbiri wetsi moni tsyange, nokutovola ga inze nta yanza.

Isaya 65:2

Nda nyira mukono gwange mbasu bei ku ve baali, ava gendanga ku inzira i ta li indahi, kulonda tsiganagani tsyavo avene;

Isaya 65:3

va veye avandu mbihiridzanga kazozo imbiri wetsimoni tsyange, ava haananga vihaanwa mu milimi gyavo, nokuvuyidza vimuli ku matafali,

Isaya 65:7

ubudamano bwenyu avene, nobudamano bwa va dada venyu halala, Yahova a vola, mwinye ava vuyidzi kimuli ku vigulu, nokunyegera mu tugulu: kunangwa kigira yaga nda tanga kuvagerera miyinzi gyavo mu viritu vyavo.

Jeremia 35:17

kigira yaga Yahova Nyasaye wa mahe, Nyasaye wa Israeli, a vola: Henza, nda leta ku Yuda noku vosi avamenyi Yerusalemi ubudamano bwosi bwa nda vola kuvo; kigira mba voliye, navutswa navo si va huliye mba; mba langi navo si va bugiriye mba.

Jeremia 7:13

Kalunu, kigira mu koli miyinzi yigyi gyosi, Yahova a vola, na nda mu volera, ni mbuka mabwebwe nokuvola, navutswa si mwa hulira; na nda mu langa, navutswa si mwa bugirira mba:

Jeremia 7:30

Kigira avana va Yuda va kola buda mano imbiri wange, Yahova a vola: va singeridze livihiriridza lyavo mu inyumba i langwa ku lieta lyange, kuduka kugyononnya.

Ezekieli 11:8

Mu tiye kivavi; na nda leta ku mwinye kivavi, Mwami Nyasaye a vola.

Ezekieli 14:4

Kigira yaga u va volere nokuvavolera, Mwami Nyasaye a vola: Umundu sa mulala wenyumba ya Israeli u vugula kifwananyi kikye nokukivika mu mwoyo gwigwe, nokuvika kyokwikigitalidza kyobudamano bwibwe imbiri wommoni mwimwe, nokutsia ku muprofeti; inze Yahova nda mu tivulira ku likuva lilye kuli ubunyingi bwevifwananyi vivye;

Ezekieli 20:25

Kandi nda va ha amalago ga ta li amalahi, miima gya va ta hindira mulyo;

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

1 Samweli 8:19

Navutswa avandu yavo va sula kuhulira mwoyo gwa Samweli; ni va vola, Auwa; navutswa kwenyanga kuva nomwami ku kwinye,