Isaya 66:3 - KITABU KITAKATIFU

³ Uyu wiita ing'ombe a veye kuli wiiti mundu; uyu u haana kihaanwa kyeligondi a veye kuli uvunannya ligoti lyembwa; na uyu u haananga kihaanwa kyokunwa, a veye kuli u haananga masahi gempidzi na u vuyidzanga kimuli, a veye kuli u gasidzanga kifwananyi. Yee, va tovoye tsinzira tsyavo avene, na mwoyo gwavo gu sangalira livihiridza lyavo:

Isaya 66:3 ပူးပေါင်းရင်းမြစ်များ

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Tsing'ano 21:27

Kihaanwa kyomudamano ki veye livihiriridza: Nasindi, lwa a ki letanga nomwoyo mudamano

Isaya 44:19

Kasi ha veye nomulala widzulitsa, kandi si ha veye nobugeeri kinga limanya kuvola, Inze ngu sambi kido nye mu muliru; yee, kandi ndugiye ubukima ku amanda gagwo; nkalangi inyama, na mali kulia: kunangwa kandi kidonye ki tigaye nki lombe kuva livihiriridza? Nda gwa hasi imbiri wekitinya kyomusala?

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Isaya 57:17

Kigira ubudamano bwelikayirwa lilye nda mu vihirirwa, nokumukuya; nda visa mmoni mwange ni mbihiri rwa; na ya hongera kwirana inyima ku inzira yomwoyo gwigwe.

Isaya 65:12

nda mu validza mu ve avekivavi, na mwosi mu la sigamira liitwa; kigira lwa nda langa, si mwa bugira; lwa nda vola, si mwa hulira; navutswa mwa kola agobudamano imbiri wetsi moni tsyange, nokutovola ga inze nta yanza.

Isaya 65:2

Nda nyira mukono gwange mbasu bei ku ve baali, ava gendanga ku inzira i ta li indahi, kulonda tsiganagani tsyavo avene;

Isaya 66:17

Yavo aveyahulanga nokwetakasa avene kwingira mu mulimi, inyima womulala u veye hagati, yava va veye mu lilia inyama yempidzi, nelivihiriridza nembeba; va la hera halala, Yahova a vola.

Jeremia 6:20

Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.

Kyavalevi 2:2

na a la bu leta ku avana va Haruni avasalisi; naye a la vugula kubwo luhe lulala lwobusie, na lwamaguta, na kimuli kyabwo kyosi. Na musalisi a la vi samba kyokwidzulitsa kyabwo ku bwali, kihaanwa kyokuhaanwa nomuliru, kyokufunyira Yahova mwayu:

Haggai 2:14

Hene yaho Haggai ya tivula, na a vola, Ni ndiyo ga veye ku avandu yava, ni ndiyo ihiri yiyi i veye imbiri wange, Yahova a vola; kandi ni ndiyo miyinzi gyamakono gavo gyi veye; na kya va haananga ki veye kidamano.

Kwidzulitsa 14:8

Nempidzi, kigira yavukana tsimbagayu, navutswa si i litsanga gamula mba, yiyi i veye indamano ku mwinye: mu ta lia tsinyama tsyatsyo, nomibiri gyatsyo mu ta dira mba.

Kwidzulitsa 23:18

U ta leta amadanyi gomuheyi, kinga madanyi gembwa, mu inyumba ya Yahova Nyasaye wowo kigira lisuuviridza lyosi: kigira vindu yivi vyombi vi veye livihiriridza ku Yahova Nyasaye wowo.

Vakalagi 10:14

Mu tsie mwanire avanyasaye va mwa tovola; va mu honnye inyinga yokunyakana kwenyu.

Vakalagi 21:25

Mmadiku yago si ha li nomwami mu Israeli: mundu sa mulala ya kola aga veye malahi imbiri wetsimoni tsitsye mwene.

Vakalagi 5:8

Va tovola avanyasaye avahya; Hene yaho ha li nobulwani ha kiliango: Ingavo kinga litimu vya loleka Mu avandu tsielfu makumi gane tsya Israeli?