Isaya 66:23 - KITABU KITAKATIFU

²³ Na ga la duka, kutwula mweli muhya mulala, kuduka ku gundi, nokutwula ku lisabato lilala kuduka ku lindi, avemibiri vosi va ladza kusigamira imbiri wange, Yahova a vola.

Isaya 66:23 ပူးပေါင်းရင်းမြစ်များ

2 Avami 4:23

Naye ya vola, Kigira ki u tsia lero? Si li veye lidiku lyomweli muhya, kinga lisabato mba. Naye ya vola, Ga ve mirembe.

Zaburi 22:28

Kigira ubwami bu veye bwa Yahova; Naye a veye mwami ku tsihiri.

Zaburi 65:2

O ive umuhuliri welisaala, Ku ive mibiri gyosi gyi ladza.

Zaburi 65:3

Makuva agobukyamu ga li netsingulu ku inze: Aga mahyolo getu, ive u la ga sameha.

Zaburi 86:9

Tsihiri tsyosi tsya wa lomba tsi la sigama imbiri wowo, O Mwami; Na va la kuminya lieta lilyo.

Isaya 19:21

Na Yahova a la manyekana ku Egepeti, na Avaegepeti va la manya Yahova mu lidiku yilyo; yee, va la sigamira nokuhaana vihaanwa nevindu, na va la kola lilagana na Yahova, nokulikola.

Isaya 19:23

Mu lidiku yilyo lihasi li la va ho kutwula Egepeti kuduka Asuria, na Muasuria a lingira Egepeti, na Muegepeti a lingira Asuria; na Avaegepeti va la sigamira halala na Vaasuria.

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 49:7

Yahova, Mutungiri wa Israeli, na Mutakatifu wa Israeli, u volera uyu wavandu va lega, uyu wa vetsihiri va dunyira, uyu mutumekiri wa yavo avamehanga; Avami va la lola nokuvuka; avanene va la sigamira; kigira Yahova u veye musuuvirifu, Mutakatifu wa Israeli, u tovoye ive.

Ezekieli 20:40

Kigira mu kigulu kyange kitakatifu, mu kigulu kitambi kya Israeli Mwami Nyasaye a vola, avenyumba ya Israeli vosi, vosi va la tumekira inze ha zana mu kivala yikyo: na nda va bugirira ha zana, na ndenyera yo vindu vyenyu vya mu haananga nobuhya bwobwali bwenyu, halala nevindu vyenyu vitakatifu vyosi.

Ezekieli 45:17

Na ki la va kidieli kyomunene kuhaana vihaanwa vyokusambwa, nevihaanwa vyobusie, nevihaanwa vyokunwa, mu masavo genyu, noku lilonda myeli miliva, nomu madiku gamasabato, mu masavo gosi aga lagwa agenyumba ya Israeli: a la lomba kihaanwa kyobwoni, nekihaanwa kyobusie, nekihaanwa kyokusambwa, ne vihaanwa vyemirembe, kukolera inyumba ya Israeli, kyokukunika ubwoni.

Ezekieli 46:1

Mwami Yahova a vola ndi: Kiribwa kyomugidzi gwomugati gyoluvega lwevugwi ki la hanwa mu madiku gatano na lilala agemigyiviri ku lidiku lyelikumi na gatano lyomweli, mu lisavo, a la mweli muhya ki ligulwa.

Ezekieli 46:6

Na ku lidiku lyomweli muhya ki la va kimoli kigiriki kidukiru, navana vamagondi vatano na mulala, neligondi likole lilala; gosi ga la va amadukiru:

Zekaria 14:14

Na Buyuda i la lwana ha Yerusalemi; na butugi bwetsihiri tsyosi tsyetsimbega tsyosi bu la vungidzwa halala, ithahabu na ifetha, na tsingubo, vinyingi ligali.

Zekaria 14:16

Kandi ga la duka, sa mulala u tigala wetsihiri tsyosi tsya duka kulwana ne Yerusalemi a lanegira muhiga nomuhiga kusigamira Mwami, Y ahova wa mahe, nokulomba lilia lyamadiri.

Zekaria 14:18

Na bwiko bwa Egepeti ni va vula kwanegira, kinga ni va vula kudza, imbula si i la kupa kuvo mba; ipelegi i la va ho, ya Yahova a duyira tsihiri tsi vula kwanegira kutsia kulomba lilia lyamadiri.

Zekaria 14:19

Yili ni likalaga li la va ku Egepeti, na likalaga li la va ku tsihiri tsyosi tsi li vula kwanegira kutsia kulomba lilia lyamadiri.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Yohana 4:23

Navutswa isaa yidza nayo i mali kuduka, ya va kola miluka gyeligali va la kola miluka ku Dada na roho kandi nageligali: kigira Dada yenya va zana va ve avakoli vemiluka gyigye.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.