Isaya 66:16 - KITABU KITAKATIFU

¹⁶ Kigira Yahova a la leta likalagirwa ku ave mibiri vosi, ku muliru, noku kivavi kikye; na yavo ava Yahova a liita va la va avanyingi.

Isaya 66:16 ပူးပေါင်းရင်းမြစ်များ

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 27:1

Mu lidiku yilyo Yahova halala nekivavi kikye kyogi nelsinene nekyetsingulu a la kalagira leviathan, inzoka yetsimbiru, na leviathan inzoka yamaganyi; na a liita gunani gwa li mu inyanza.

Isaya 3:13

Yahova ya singiranga a duke kuhing'ana, a singiranga kukalagira avetsihiri.

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Isaya 31:8

Na Muasuria a la gwa ku kivavi, ki ta li kyomundu; nekivavi zana, ki ta li kyavandu, ki la mu mira; na a liruka kivavi yikyo, navasoleli veve va la nigwa ku ubusutu.

Isaya 34:2

Kigira Yahova a veye nobutima ku tsihiri tsyosi, nelivihirirwa ku amahe gavo gosi: u va dividzi ligali, u va viki mu liitwa.

Isaya 65:12

nda mu validza mu ve avekivavi, na mwosi mu la sigamira liitwa; kigira lwa nda langa, si mwa bugira; lwa nda vola, si mwa hulira; navutswa mwa kola agobudamano imbiri wetsi moni tsyange, nokutovola ga inze nta yanza.

Jeremia 25:31

Lwanga lu la duka ku kiheri kyelirova; kigira Yahova a veye nelihing'ana netsihiri, a lingira mu likalaga navemibiri vosi: ku makuva gavadamano, a la va haana va ve ku kivavi, Yahova a vola.

Jeremia 25:33

Na aviitwa va Yahova lidiku yilyo, va la va ho kutwula ku luvega yilu lwelirova kuduka ku luvega lundi lwelirova: si va la syomirwa, kinga kuvungidzwa, kinga kutebwa; va la va kuli isina ku mmoni mwelirova.

Jeremia 45:5

Na ive weyenyeranga mwene vindu vinene? U ta vyenya mba; kigira, henza, nda leta buda mano ku mibiri gyosi, Yahova a vola; navutswa nda ku ha livamwoyo lilyo li ve vilanye ku ive hosi ha u tsitsanga.

Jeremia 46:15

Kigira ki avandu vovo vetsingulu va hilwa nokutwulidzwa? Si va singira mba, kigira Yahova ya va kunga.

Ezekieli 28:18

Kigira bunyingi bwobu damano bubwo, mu budamano bwelikirannya lilyo, u mali kwononnya hatakatifu hoho; kigira yaga mmali kutwulidza muliru hagati hoho; gu mali kukusamba, mmali kukukola ive u ve ligoke ku lirova imbiri wetsimoni tsya vosi ava lolanga ive.

Ezekieli 38:17

Mwami Nyasaye a vola ndi: Ni ive wa nda vola amakuva gogo mu madiku ga kale neminwa gyavatumekiri vange ava profeti va Israeli ava profeta ku madiku yago mihiga minyingi nda leta ive uudze kulwana navo?

Ezekieli 5:15

Ni ndiyo yaga ga la va amanyego neki henyahenye, nemegidzo, neligenya, ku tsihiri tsya kumbiridza ive, lwa ndi kalaga hagati hoho mu butima nomu livihirirwa, nomu ligondokera lyomuliru (inze, Yahova mmali kuvola yaga);

Joeli 3:2

nda vungidza tsihiri tsyosi, na nda va sulungutidza kuduka mwivona lya Jehoshafatu, na nda va kalagira ha zana kigira avandu vange, na kigira miyandu gyange Israeli, ava va salannyi hagati hetsihiri: na va gavannyi kivala kyange,

Amosi 7:4

Mwami Nyasaye ya mbuulira yili: na, henza, Mwami Nyasaye ya langa kuhing'ana nomuliru; nagwo gwa samba luliva lunene, kandi gwenya kusamba kivala kyumu.

Nahum 3:15

Muliru gu la ku sambira yo; kivavi ki la ku kalaga; ki la ku lia kuli lilia lyobutsiriri; welombe mwene kuva avanyingi kuli ubutsiriri; welombe kuva avanyingi ku tsisigi.

Nahum 3:3

na avasikari vetsiparasi va nina ku tsiparasi tsyavo na kivavi ki ng'ering'anga, na litimu li kupanga tsimpeni; na bunyingi bwa yavo aviitwa, na kitumi kinene ligali kyemibiri mikudzu, si ki veye nekiheri kyemibiri; vekigitalanga ku mibiri mikudzu gyavo;

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.