Isaya 66:14 - KITABU KITAKATIFU

¹⁴ Mu la lola yaga, na mwoyo gwenyu gu la sangala, nevigumba vyenyu vi la dedema kuli bunyasi budoto: na mukono gwa Yahova gu la manyekana ku vatumekiri veve; naye a la va nobutima ku avasigu veve.

Isaya 66:14 ပူးပေါင်းရင်းမြစ်များ

Ezara 7:9

Kigira ya tanga kwane gira kutwula Babuloni ku lidiku lyokutanga lyomweli gwokutanga; na ya duka Yerusalemi lidiku lyokutanga lyomweli gwegyitano, kuli mukono mulahi gwa Nyasaye wewe gwa li kuye.

Ezara 8:18

Kandi kuli mu kono mulahi gwa Nyasaye wetu gwa li halala nekwinye va ku letera mundu mulala wobugeeri, ku avana va Mahali, mwana wa Levi, mwana wa Israeli; na Sherebia halala navana veve navamwavo veve, avandu likumi na vatano na vavaka,

Ezara 8:22

Kigira nda li ni mbeye isoni kusava mwami a ku he kiduma kyavasikari, navoku nina ku tsiparasi kukukonya ku va sigu va veye ku inzira, kigira kwa li ni ku voleye mwami, ni ku vola, Mukono gwa Nyasaye wetu gu veye halala na yavo vosi ava mwenyanga, kuvaletera ubulahi; navutswa ubu nyali bwibwe nelivihirirwa lilye li veye ku yavo vosi ava mu lekanga.

Ezara 8:31

Hene yaho kwa tsia kutwula ha mugera gwa Ahava, ku lidiku lye likumi na gaviri lyomweli gwokuta nga, kutsia kuduka Yerusalemi: no mukono gwa Nyasaye wetu gwa li halala nekwinye, naye ya ku honnya mukono gwavasigu na gwa yavo ava ku goneka ku inzira.

Zaburi 107:42

Avalungi va la lola, nokusangala; Na ubukyamu bwosi bu la kunika munwa gwabwo.

Tsing'ano 17:22

Mwoyo gwobusangali gu veye lunyasi lulahi; Navutswa mwoyo gwoneka gwuminyanga vigumba.

Tsing'ano 3:8

Inkuva yiyi i la va ubulamu ku lulera lulwo, Nokuvika ubuhaali mu vigumba vivyo.

Isaya 10:5

O ive Muasuria, u veye impimbo yobutima bwange, mundu wekivihiri kyange ki veye mukono gugwo

Isaya 13:5

Va twula mu kivala kyehale, kutwula ku i kiheri kyegulu a veye Yahova, nevyuma vyobutima bwibwe, kudividza kivala kyosi.

Isaya 26:19

Avakudzu vovo va la va mwoyo; mibiri mikudzu gyange gyi la vuka. Mu vuke, mwimbe, mwinye avamenyanga mu marova; kigira lime lilyo li veye kuli lime lyetsingutsa, na lirova li la twulidza avakudzu.

Isaya 26:20

Hambi, mwinye avandu vange, wingire mu tsinyumba tsitsyo, u hane miliango gyigyo ku ive: wivise inyinga inkekeke, kuduka lwa kivi ki viti.

Isaya 30:27

Henza, lieta lya Yahova li twula ihale, li sambanga nobutima bwibwe, nomu mwoki munene gu vuyanga igulu: minwa gyigye gyizuye ubutima, nolulimi lwilwe lu veye kuli muliru gu sambanga:

Isaya 33:20

Henza Zioni, lidala lyamalia getu: tsimoni tsitsyo tsi la lola Yerusalemi kuva ubu menyo bwobusosi, lihema li la vula kutwulidzwa, lyevivambo vyalyo vi la vula kwifwa, kandi migoye gyalyo si ha veye nomulala ugwa kalika.

Isaya 34:2

Kigira Yahova a veye nobutima ku tsihiri tsyosi, nelivihirirwa ku amahe gavo gosi: u va dividzi ligali, u va viki mu liitwa.

Isaya 35:2

Ki la lavidza ubulavidzu bunyingi, ki la sangala kuduka litsantsalika nokwimba; ki la hebwa ubukumi bwa Lebanon, ubulahi bwa Karimeli na Sharon: va la lola ubukumi bwa Yahova, ubunene bwa Nyasaye wetu.

Isaya 41:20

va duke kulola, noku manya, nokuganagana nokwidzulitsa halala, mukono gwa Yahova gwa lomba inkuva yiyi, na Mutakatifu wa Israeli ya gi lomba.

Isaya 42:13

Yahova a la twula kuli mundu wanyala: a la vukidza ubugulu kuli mundu wobulwani: a la hanzuka, yee, a la kupa lwanga; a la kola vindu vyetsingulu ku vasigu veve.

Isaya 58:11

na Yahova a la kwimirira kazozo, na a la kwigutilza mu hosi ha ta veye namadzi, nokuvika vigumba vivyo tsingulu; na u la va kuli mulimi gwa samwa amadzi, na kuli kisenukiru kyamadzi, kya amadzi gakyo ga vula kukama.

Isaya 59:18

Kuli likola lyavo, ni ndiyo a la tunga, ubululu ku yavo ava hing'ana naye, litunga ku avasigu veve; visulu a la vi tunga litungwa.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Zekaria 10:7

Na yavo va Efiraim va la va kuli mundu wobunyali, myoyo gyavo gyi la sangala kuli gyi veye newaini; yee, avana vavo va la lola inkuva yiyi, na va la sangala; myoyo gyavo gyi la sangala mu Yahova.

Malaki 3:18

Inyinga yeyo mu la galuka na mu lavukanya hagati ha valungi na vadamano, hagati ha uyu u tumekira Nyasaye na uyu u vula ku mu tumekira.

Yohana 16:22

Kandi mwinye kalunu mu veye nobuvereri: navutswa nda mu lola kandi, ne myoyo gyenyu gyi la yanza, nobuyanzi bwenyu mundu si a nyala kumunyaga.

Vahebraina 10:27

navutswa li veye ho lihenzerera likalagirwa lyobutii nelyobululu bwomuliru gu li lia avahingi.