Isaya 66:12 - KITABU KITAKATIFU

¹² Kigira Yahova a vola ndi, Henza, nda meda kuye mirembe kuli mugera, nobukumi bwa vetsihiri kuli mugera gwizuye: na mu la nuna kugwo; mu la hagatwa, nokukinywa ku magulu.

Isaya 66:12 ပူးပေါင်းရင်းမြစ်များ

Isaya 14:2

Navandu vetsihiri va la va vugula, nokuvaleta mbugono bwavo; nenyumba ya Israeli i la va navandu yavo mu kivala kya Yahova, va ve avatugwa vavo navakana vatugwa vavo: na va la va hamba ubuhambe ava li avahambe vavo; va lameha ku yavo ava li avadambidzi vavo.

Isaya 26:3

Ive u la mu linda a ve mu mirembe midukiru, wetsiganagani tsitsye tsya dinyeridzwa ku ive; kigira a suuviranga ku ive.

Isaya 33:21

Navutswa Yahova a la va halala nekwinye mu ubukumi bwibwe, ha zana ha veye nemigera migalamu notugera, si gyi la va mu nobwato bwevivango, kali kilala, kandi si ha la va nobwato bunene.

Isaya 45:14

Yahova a vola yaga, Linyankana lyemiyinzi gya Egepeti, nevindu vyamaguli vya Ethiopia, na Vasabea, avandu va veye avatambi, va ladza ku ive, va la va avandu vovo: va la londa ive; va ladza ku ive neminyororo gyavo: va la gwa hasi imbiri wowo, va la ku saala, ni va vola, Ligali Nyasaye a veye hagati hoho; si ha veye nowundi, si ha veve na Nyasaye wundi.

Isaya 48:18

Nkano wa ka hulira amalago gange hene yaho mirembe gyigyo nkano gya ka va kuli mugera, nobulungi bubwo kuli viguvuli vyenyanza:

Isaya 54:13

Na avana vovo vosi va legidzwa ku Yahova; nemirembe gyavana vovo gyi la va minene.

Isaya 54:3

Kigira u la vambuka ku luvega lwomukono mulungi noku mukono mmosi: nekisukululwi kikyo ki la gumira tsihiri, na madala ga kolwa hatswa a la ga kola avandu kumenya mu.

Isaya 59:19

Ni ndiyo va li tia lieta lya Yahova kutwula madioli, nobukumi bwibwe kutwula butwuliru bweliuva; kigira lwa uyu musigu a ladza kuli mugera gwamadzi gwizuye, Roho wa Yahova a la singeridza ibendera kuye.

Isaya 60:16

U la nuna amaveere gavetsihiri, na u la nuna tsimbeere tsyavami; na u la manya inze, Yahova, mbeye Muhonnyi wowo, Mutungiri wowo, Wanyala Vyosi wa Yakobo.

Isaya 61:6

Navu tswa mwinye mu la langwa avasalisi va Yahova; avandu va la langa mwi nye avatumekiri va Nyasaye wetu: mu la lia ubutugi bwa vetsihiri, rnu leyidzominya nobukumi bwavo.

Isaya 66:11

mu duka kununa nokwiguta ku tsimbeere tsyelileminya mwoyo lilyo; mu duke kukera, nokusangalira bunyingi bwobukumi bwibwe.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Haggai 2:9

Ubukumi bwe kiheri kyenyumba yiyi, bu la va ubunene kuvita bwokutanga, Yahova wa mahe a vola; na nda va ha mirembe ha zana, Yahova wa mahe a vola.