Isaya 66:1 - KITABU KITAKATIFU

¹ Yahova a vola yaga, Ligulu li veye intebe yange yobwami, na lirova li veye intebe yevirenge vyange: mu la nyombakira inyumba yo lugano ki? Kandi ni haliha ha duka kuva hango hange hokusosa?

Isaya 66:1 ပူးပေါင်းရင်းမြစ်များ

1 Avami 8:27

Navutswa ligali Nyasaye a la menya ku lirova? Henza, ligulu kinga ligulu lyomigulu si li ku duki; na sindi inyumba yiyi ya nyombaki

1 Kyetsinyinga 28:2

Ma mwami Daudi ya singira nevirenge vivye, na a vola, Mu hulire inze, avamitu, na mwinye avandu vange: makuva gange, ga nda saavira mu mwoyo gwange kwo mbaka inyumba yobusosi yelisanduku lyamalago ga Yahova, i ve intebe vevirenye vya Nyasaye wetu; na nda li ni mali kwetegeka kulyombaka.

2 Kyetsinyinga 2:5

Na inyumba ya nyombakanga zana i veye inene; kigira Nyasaye wetu a veye munene kuvita avanyasaye vosi.

2 Kyetsinyinga 6:18

Nyasaye ligali a la menya na vandu mu lirova? Henza, ligulu kinga mwigulu lyomwigulu ni mu vula kuduka ive; nasindi inyumba yiyi ya ndombaka

Zaburi 11:4

Yahova a veye mu litempeli lilye litakatifu; Yahova, intebe yeye i veye mi gulu; Tsimoni tsitsye tsi lola, vigohe vivye vi geridza, avana va avandu.

Zaburi 132:7

Ku lingira mu mahema gege; Ku la sigamira ha intebe yevirenge vivye.

Zaburi 99:9

Mu kuminye Yahova Nyasaye wetu, Mu sigamire ha kigulu kikye kitakatifu; Kigira Yahova Nyasaye wetu a veye mutakatifu.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 60:13

Ubukumi bwa Lebanon bu ladza ku ive, cypres, na gwobusuvu, na musala gwabokisi halala, kukola halahi hatakatifu hange; na nda kola ha bugono bwevirenge vyange kuva aho bukumi.

Jeremia 23:24

Ku vosi mundu a nyahl kwivisa mbwivisi mbula kumulola? Yahova a vola. Si ndizula ligulu nelirova? Yahova a vola.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Matayo 12:6

Navutswa mmu volera, Munene kuvita litempeli a veye hano.

Matayo 24:2

Navutswa ya tivula na a va volera, Mu lola vindu yivi vyosi? Iigali mmu volera Si li la tigala hano ligina lilala ku lindi li ta gwihidzwa hasi.

Vikolwa 17:24

Nyasaye uyu wa lomba lirova nevindu vyosi vi veye mu, uyu, kigira a veye Mwami weligulu nelirova, si a menya mu matempeli gombakwa namakono;