Isaya 65:9 - KITABU KITAKATIFU

⁹ Nda leta bugutsa kutwula ku Yakobo, na wemi yandu gyevigulu vyange kutwula ku Yuda; na mutovole wange a la nyola miyandu, na vatumekiri vange va la menya yo.

Isaya 65:9 ပူးပေါင်းရင်းမြစ်များ

Isaya 27:6

Mu madiku gadzanga Yakobo a likidza imiri; na Israeli a la lavidza kimuli nokusibuka: na va lizulitsa mmoni mwelirova makuyu.

Isaya 30:19

Kigira avandu va la menya mu Zioni ha Yerusalemi; si u la lira kandi mba; ligali a la ku vererera ku mwoyo gwelilira lilyo; lwa a li hulira, a la ku tivulira.

Isaya 32:18

Navandu vange va la menya mu bumenyo bwemirembe, na homugidzi gwaliga, nomu lyelemeridza ha ta li nekivihiri

Isaya 45:19

Inze si mbolanga makiriri, ha kivala kyekisundi; si nda volera kisukululwi kya Yakobo, Mwenya inze vutswa: inze, Yahova, mbola bulungi, nzilwadzanga vindu vyobulungi.

Isaya 45:25

Mu Yahova visukululwi vyosi vya Israeli va la hebwa ubulungi, na va la mkuminya.

Isaya 49:8

Yahova a vola ndi, Inze mmali kukutivulira inyinga yobugirirwa, nomu lidiku lyobuhonnyi nku honnyikandi nda ku linda, nda twulidza ive u ve lilagana lyavandu, u duke kudinyeridza kivala yiki, nokuvaha miyandu gya lekwa vutswa;

Isaya 57:13

Lwa u lira, yavo ava wa vungidza va ku honnye; navutswa imbuudza i la va hila mwika gu la va hila vosi: navutswa uyu u suuviranga mu inze a la nyola miyandu gyelirova, nekigulu kyange kitakatifu.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 65:15

Mu la leka lieta lyenyu kuva kilaamo ku vatovole vange; Mwami Nyasaye a liita ive; na a la gulika avatumekiri veve lieta lindi:

Isaya 65:22

Si va lombaka, ma wundi a menya mu mba; si va la taga, ma wundi a lia makuyu mba: kigira kuli amadiku gomusala ga veye ni ndiyo madiku gavandu vange ga la va, avatovole vange va la sangalira madiku manyingi mu miyinzi gya makono gavo.

Ezekieli 36:24

Kigira nda vugula mwinye hagati hetsihiri, na nda mu vungidza kutwula mu vivala vyosi, na nda mu leta mu kivala kyenyu avene.

Zefania 3:20

Inyinga yeyo nda leta mwinye ku mwingeridza, inyinga yeyo nda mu vungidza halala; kigira nda mu kolera lieta nelidzominywa mu avandu vetsihiri tsyosi tsyomu lirova, lwa ngalukidza lyadikidzwa lyenyu imbiri wetsimoni tsyenyu, Yahova a vola.

Matayo 24:22

Madiku yago ni ga vula kwimbihidzwa mibiri gyosi si gyi li nyala kuhona: navutswa madiku yago ga limbihidzwa kigira avatovoleywi.

Varumi 11:28

Ku ivangeli va veye avasigu kigira mwinye: navutswa ku litovola va veye avayanze kigira vaguga.