Isaya 65:8 - KITABU KITAKATIFU

⁸ Yahova a vola ndi, Kuli iwaini impya i nyolekanga mu kiganda, na mulala a vola, U tononnya, kigira bugasu bu veye mukyo: ni ndiyo ndi kola ku vatumekiri vange, mbule kuvononnya vosi.

Isaya 65:8 ပူးပေါင်းရင်းမြစ်များ

Litanga 18:26

Na Yahova ya vola, Ni mba ni nyola mu Sodoma mu lidala, avalungi makumi gatano, nda honnya lyosi kigira yavo.

Isaya 1:9

Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 10:21

Avati gala va lirana, navo na vatigala va Yakobo, va lirana ku Nyasaye Wa nyala Vyosi.

Isaya 10:22

Kigira avandu vovo Israeli, kali ni va veye vanyingi kuli muyeke gwenyanza, avatigaye veng'ine va lirana: ubudividzi bu saaveywi, bwizuye du ubulungi.

Isaya 48:9

Nda lindageridza ubutima bwange kigira inze mwene, kandi ndegalira ku ive kigira lidzominywa lyange, mbule kukudividza.

Isaya 6:13

Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.

Jeremia 30:11

Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Joeli 2:14

Ibwaha u manya a la vula kugirunkana nokweganira, nokulekera ubugasu inyima wewe, kali kihaanwa kyobusie na kihaanwa kyokunwa ku Yahova Nyasaye wenyu?

Matayo 24:22

Madiku yago ni ga vula kwimbihidzwa mibiri gyosi si gyi li nyala kuhona: navutswa madiku yago ga limbihidzwa kigira avatovoleywi.

Marko 13:20

Kandi Mwami a vula kwimbihidzi madiku yago, nkano si ha li nomundu u nyala kuhonnywa; navutswa wimbihidza madiku yago kigira avatovole va ya tovola.