Vindu yivi u koli, navutswa nda kiring'ana; Ive wa ganagana inze mbeye kuli ive: Navutswa nda ku ha amageli, na nda ku lohidzira imbiri wetsimoni tsitsyo.
Na Yahova ya volera Musa, U ng'ode yaga mu kitabu, ga ve gokwidzolitsa, kandi u ga vole mu amatu ga Joshua: kuvola Inze ndononnya Amalelii ligali kuvatwulidza isi weligulu.
Kigira, henza, Yahova a twulanga hango hehe a kalagire avamenyanga ku lirova kigira ubudamano bwavo: na lirova li la lang'aminya amasahi galyo, si li la kunika avandu valyo aviitwa mba.
Yee, mwinye, Turo, na Sidone, na vivala vyosi vya Filisitia, mu veye ikindu ki ku inze? Mu la ntungira mutungu? Kandi ni mu ntunga inze, bwangu ndirannya mitungu gyenyu ku mutwe gwenyu netsimbiru.
Kunangwa avatidzanga Yahova va volerana avene na avene. Na Yahova ya tegidza gutu, na a hulira, kandi kitabu kyelidzulitsa kya ng'oderwa imbiri wewe, kya yavo avatidzanga Yahova, nokuganagana lieta lilye.
Mu haane na mwinye mu la hebwa; kigero kilahi kigatirangwa kandi ki sung'usangwa vi duka kusalika, ndiyo va la mu ha mu viritu vyenyu. Kigira ligera lya mu gera, lilyo lya mu li gererwa.
Kandi nda lola avakudzu, avanene navakekeke, va singiye imbiri wentebe; kandi vitabu vya kunulwa: kandi kitabu kindi kya kunulwa, ki veye kyelivamwoyo: kandi avakudzu va kalagirwa kuli vindu vya ng'odwa mu vitabu yivi, kuli miyinzi gyavo.