Isaya 65:19 - KITABU KITAKATIFU

¹⁹ Nda sangalira Yerusalemi, nda yanza mu avandu vange; mwoyo gwelisyoma si gu la hulirwa kandi mulyo mba, kinga mwoyo gwelilira.

Isaya 65:19 ပူးပေါင်းရင်းမြစ်များ

Zaburi 144:14

Lwa tsing'ombe tsyetu tsi veye nemisigo milahi; Lwa ha vula kuva nahatiguka, kinga kutwulidza, Kandi ha ta veye lihanzuka ku tsinzira tsyetu:

Lwimbu lwa Solomoni 3:11

Mu twule, Mwinye avakana va Zioni, mu lole mwami Solomoni, Wevike itaji ya mama wewe ya mu vika Ku lidiku lvelikwa lilye, Ku lidiku yilye lyobusangali bwomwoyo gwigwe.

Isaya 25:8

Naye u mali kumira likudza li vule kuva ho kandi mihiga nemihiga; Yahova Nyasaye a leya maliga mu mmoni mwosi; nelinyegwa lyavandu veve a la li twulidza mu lirova lyosi: kigira Yahova a vola yaga.

Isaya 30:19

Kigira avandu va la menya mu Zioni ha Yerusalemi; si u la lira kandi mba; ligali a la ku vererera ku mwoyo gwelilira lilyo; lwa a li hulira, a la ku tivulira.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Isaya 51:3

Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

Isaya 60:20

Liuva lilyo si li la yera kandi mba, kinga mweli gugwo si gu livisa kandi; kigira Yahova a la va bulavu bubwo ubu hongeranga mihiga nemihiga, na madiku gelisyoma lilyo ga la vita.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Jeremia 32:41

Yee, nda sangala kuvo nduke kuvakolera ubulahi, nda va simika mu kivala yiki ligali nomwoyo gwange gwosi neliva lyange lyosi.

Ezekieli 36:15

kandi si nda leka ive kuhulira tsisoni tsyavetsihiri kandi mba, kandi si u la ginga amanyego gavandu kandi mba, kandi si u likigitalidza ihiri yoyo kandi mba, Mwami Nyasaye a vola.

Zefania 3:15

Yahova u mali kutwulidza likalagirwa lilyo, musigu wowo u tebeywi kyova: Mwami wa Israeli, uyu Yahova, a veye hagati hoho; si u la tia ubudamano kandi mba.

Zefania 3:17

Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.

Zekaria 2:10

Wimbe u sangale, O mukana wa Zioni; kigira, henza nzidzanga, na nda menya nagati hoho, Yahova a vola.

Luka 15:3

Ya va kupa lugano yilu, na a vola,

Luka 15:5

Lwa a mali kulinyola, a li gingira ku mavega nobuyanzi.

Likunula 21:4

kandi a leya vosi sa mulala amaliga mu tsimoni tsyavo; nelikudza si li la va ho kandi; kandi lisyoma, nelilira, nobusaliri, si vi la va ho kandi: vindu vyokutanga vi mali kuvita.

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.