Isaya 65:16 - KITABU KITAKATIFU

¹⁶ kuduka ga la va uyu wegasidza mwene mu lirova a legasidza mu Nyasaye wageligali; na uyu wesuha mu lirova, a lesuha ku Nyasaye wageligali; kigira vivi vya kale vi mali kwivirirwa, kandi kigira vi viseywi ku tsimoni tsyange.

Isaya 65:16 ပူးပေါင်းရင်းမြစ်များ

Ayubu 11:16

Kigira u livirira kivi kikyo; U la kidzulira kuli widzuliranoa madzi ga vita.

Zaburi 31:5

Mbika mwoyo gwange mmukonogugwo: Ive u ntungiye, O Yahova, ive Nyasaye weligali.

Zaburi 63:11

Navutswa mwami a la sangala mu Nyasaye: Ku vosi wisuhanga kuye a lidzominya; Kigira minwa gya yava ava vola ububehi gyi la kunikwa.

Zaburi 72:17

Lieta lilye li hindira mihiga nemihiga; Lieta lilye li la hongera kuva kuli liuva: Na avandu va la gasidzwa muye; Tsihiri tsyosi tsi la mu goha mugasu.

Zaburi 86:15

Navutswa ive, O Mwami, u veye Nyasaye welivererera na tsimbabasi, Wa galaha ku butima, na munene wetsimbabasi na ageligali.

Kutwula 34:6

Na Yahova ya vita imbiri wewe, ni yilwadza, Yahova, Yahova, Nyasaye wetsimbabasi nowobugasu, umuhoma, wa galaha ku butima, nomuhinda wobuyanzi na ageligali;

Isaya 11:16

Kandi lihasi li la va ho lyavandu veve va tigala, ava twulanga Asuria; kuli lya li lya Israeli mu lidiku lya yanegira kutwula mu kivala kya Egepeti.

Isaya 19:18

Mu lidiku yilyo ga la va ho mu kivala kya Egepeti amadala gatano aga tumekira lulimi lwa Vakanani, nokwisuhira Yahova wa mahe; lidala lilala li la langwa Lidala lyobwoneku.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 48:1

Mu hulire yaga, avenyumba ya Yakobo, ava langangwa ku lieta lya Israeli, nokutwula mu madzi ga Yuda; mwinye avesuha ku lieta lya Yahova, nokutala lieta lya Nyasaye wa Israeli navutswa si ga veye mu geligali, kinga mu bulungi

Isaya 54:4

U ta tia mba; kigira si u la va isoni mba: kandi u ta genya mba; kigira si u la leganywa mba; kigira u livirira tsisoni tsyobwana buke bubwo, na manyego gobukunzakali bubwo si u la gidzulira mba.

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Isaya 65:19

Nda sangalira Yerusalemi, nda yanza mu avandu vange; mwoyo gwelisyoma si gu la hulirwa kandi mulyo mba, kinga mwoyo gwelilira.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Danyeli 12:1

Kandi inyinga yeyo Mikaeli a la singira, munene ku vanene u singirira avana vavandu vovo, kandi ha la va nenytnga yekivi kinene, ki ta li ho nekindi ki leng'ana nakyo kutwula inyinga ihiri ya tanga kuva ho kuduka ku inyinga yeyo; kandi inyinga yeyo avandu vovo va la honywa, samulala u li nyoleka kuva mung'ode mu kitabu.

Danyeli 12:11

Kandi kutwula inyinga zana yesadaka yokusambwa kazozo i la twulidzwa, ne livihiridza lyokwononya li singeridzwa, ha la va namadiku elfu na tsimia tsiviri namakumi gatano na gane.

Zefania 1:5

navo ava sigamira amahe gomigulu ku visegese vyetsinyumba; na yavo ava sigamiranga, avesuhiranga Yahova nokwisuha ku Malikam;

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Varumi 14:11

Kigira ga ng'odwa, Kuli inze mbeye mwoyo, Mwami a vola amasigamo gosi ga la sigama imbiri wange, Ne tsinimi tsyosi tsi leyama imbiri wa Nyasaye.

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Kwidzulitsa 6:13

U tie Yahova Nyasaye wowo; u mu tumekira, na u lisuha ku lieta lilye.

Vafilipi 2:11

kandi tsinimi tsyosi tsi duke kweyama Yesu Kristo a veye Mwami, kuduka ku bukumi bwa Nyasaye Dada.

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.