Isaya 65:11 - KITABU KITAKATIFU

¹¹ Navutswa mwinye ava lekanga Yahova, avivirira kigulu kyange kitakatifu, ava lombera Ubutugi imeza, ni vizulitsa viju iwaini ya tsuganywa ku misambwa;

Isaya 65:11 ပူးပေါင်းရင်းမြစ်များ

2 Avami 21:3

Kigira yombaka kandi hadiguluku ha dada wewe Hezekia ya sambula; naye yombakira Baal ubwali, na a lomba misala gyemisambwa, kuli Ahabu mwami wa Israeli ya kola, na a sigamira lihe lyosi lyomigulu, nokulitumekira.

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

Zaburi 132:13

Kigira Yahova u tovoye Zioni U lyenyi kuva hokumenya hehe.

Zaburi 137:5

Ni mba ni nzivirira ive, O Yerusalemi, Mukono gwange mulungi gwivirire ubunyali bwagwo.

Isaya 1:28

Navutswa ubwoneku bwa yava avamahyolo nobwa yavo avobwoni bu la va inyi nga indala, na yavo vosi ava leka Yahova va la hya.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Isaya 2:3

Na tsihiri tsinyingi tsyavandu va la tsia noku vola, Hambi kwanegire, kutsia ku kigulu kya Yahova, kutsia ku inyumba ya Nyasaye wa Yakobo; na a la kwegidza mu tsinzira tsitsye, ku la genda mu tsinzira tsitsye: kigira amalago ga la twula mu Zioni, na likuva lya Yahova li la twula mu Yerusalemi.

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Isaya 57:13

Lwa u lira, yavo ava wa vungidza va ku honnye; navutswa imbuudza i la va hila mwika gu la va hila vosi: navutswa uyu u suuviranga mu inze a la nyola miyandu gyelirova, nekigulu kyange kitakatifu.

Isaya 65:25

Kisalang'ongo neligondi vi laya haiala, king'ang'a ki la lia bunyasi kuli ing'ombe yayanga; na lugukyi ga la va kyokulia kyenzoka. Si vi la saliridzana kandi si vi lononnyana mu kigulu kyange kitakatifu kyosi, Yahova a vola.

Isaya 66:20

Va la leta avamwavo venyu vosi kutwula mu tsihiri tsyosi kuva kihaanwa kyokuhaana ku Yahova, ku tsiparasi, noku magari, noku luderu, noku tsinyumbu, noku inyama yetsimbiru ligali va duke ku kigulu kyange kitakatifu, Yerusalemi, Yahova a vola, kuli avana va Israeli va leta vihaanwa vyavo mu kiju kilahi mu inyumba ya Yahova.

Jeremia 17:13

O Yahova, ive kisuuviri kya Israeli, vosi ava lekanga ive va la va isoni. Yavo ava twula ku inze va la ng'odwa mu lirova, kigira va leka Yahova, u veye kisenukiru kyamadzi gelivamwoyo.

Jeremia 19:4

Kigira va leka inze, nokukola hano ha vule kumanyakana, va vuyidza vimuli hano ku vanyasaye vandi, ava va ta manya, avene kinga vaguga vavo, kinga avami va Yuda, va mali kwizulitsa hano amasahi aga yava ava ta li nekindu kuvo,

Jeremia 2:28

Navutswa avanyasaye vovo va wa lomba va veye haliha? Va vuke, ni va va ni va nyala kukuhonnya inyinga yekivi kikyo: kigira avanyasaye vovo livalidzwa lyavo li leng'ana nelivali dzwa lyamadala gogo, O Yuda.

Jeremia 7:18

Avana ka tenyanga tsinku, na vadada vavo va fwananga muliru, navakali va luganga ubukima, va duke kulombera mwami wekikali womigulu mikati, nokutsuka vihaanwa vyokunwa ku vanyasaye vandi, va duke kumbihiriridza.

Kwidzulitsa 32:17

Va haana vihaanwa ku mademoni, ga ta li Nyasaye mba, Ku vanyasaye va va ta manya, Ku vanyasaye vahya va senuki bwangu ndi, Ava vaguga venyu va vula kutia.

Vahebraina 12:22

Navutswa mwinye mu duki ku kigulu Zioni, noku lidala lya Nyasaye welivamwoyo, Yerusalemi lyomigulu, noku mahe ga ta valika getsingelosi,