Isaya 64:5 - KITABU KITAKATIFU

⁵ Ive u vugananga na uyu u sangalanga nokukola ubuhmgi, yavo avidzulitsanga ive mu tsinzira tsitsyo: henza, wa li nobutima, na kwinye kwa kola ubwoni: kwa li mubwo tsinyinga tsinyingi; ku la honywa?

Isaya 64:5 ပူးပေါင်းရင်းမြစ်များ

Zaburi 103:17

Na ha zana si ha li ki manya kandi mba. Navutswa tsimbabasi tsya Yahova kutwula mihiga nemihiga kuduka mihiga nemihiga tsi veye ku yavo ava mu tidzanga, Na ubulungi bwibwe bu veye ku avana va avana vavo;

Zaburi 112:1

Mwidzominye Yahova. A veye nobugasu mundu u tidzanga Yahova, Wokusangala ligali ku malago gege.

Zaburi 25:10

Tsinzira tsyosi tsya Yahova tsi veye tsimbabasi na ageligali Ku vosi ava gumiranga amalago gege na lilolekidza lilye.

Zaburi 37:4

Weyanzidze mwene mu Yahova; Naye a la ku ha vyomwoyo gugwo gu saalanga.

Kutwula 20:24

U la nombera ubwali bwamarova, na u liitira tsisadaka tsyvokusambwa kubwo, na tsisadaka tsyemirembe tsitsyo, magondi, na tsing'ombe tsitsyo: hosi ha mbika lidzulitswa lyelieta lyange, hene yaho nda duka ku ive na nda ku gasidza.

Kutwula 25:22

Na inze nda vugana nive ha zana, kandi nda volerana nive ha zana, ni mbeye igulu wentebe yetsimbabasi, hagati ha vakerubi vaviri va veye ku lisanduku lyelilolekidza, ku vindu vyosi vya ndi ku lagira ku avana va Israeli.

Kutwula 30:6

Na u la bu vika imbiri wengubo yokukinga i veye himbi nelisanduku lyelilolekidza, imbiri wentebe yetsimbabasi, veye ku lisanduku lyelilolekidza, ha nda vugana na ive.

Isaya 1:30

Kigira mu la va kuli musala gwamatu gagwo ga niala, kuli mulimi gwa vula kusamwa.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 26:13

O Yahova Nyasaye wetu, avanene vandi va ta li ive, vamehi ku kwinye; navutswa ku ive weng'ine ku la tala lieta lilyo.

Isaya 27:8

Lwa u va kunga, u la hing'ana navo, nekigero; ya va twulidza nembuudza yeye indulu mu lidiku lyembuudza yevu gwe.

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Isaya 63:7

Nda vola tsimbabasi tsyobuyanzi bwa Yahova, na lidzominywa lya Yahova, kuli gosi ga Yahova ya ku kolera, nobunyingi bwobulahi bwibwe ku inyumba ya Israeli, bwa ya vika kuvo kuli tsimbabasi tsitsye, na kuli bunyingi bwetsimbabasi tsyobuyanzi bwibwe.

Danyeli 9:5

kwinye kwoni, nokukyaminya amakuva, nokukola ubudamano, nokwebaala, kuduka ku goveye kutwula ku megidzo gogo, na amalago gogo;

Hosea 11:8

Inze nyala ndi kukuleka, Efiraim? Nyala ndi kukuta, Israeli? Nyala ndi kukukola kuli Adima? Nyala ndi ku kuvika u ve kuli Zeboim? Mwoyo gwange gu girunkanywa mu inze, tsimbabasi tsyange tsyaaki halala.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Zekaria 3:3

Ma Joshua ya li ni yevika tsingubo tsindamano, na a singira imbiri wa ingelosi.

Malaki 3:6

Kigira inze, Yahova, si ngirunkannyangwa mba; kigira yaga mwinye, avana va Yakobo, si mu sambwa mba.

Vikolwa 10:35

navutswa mu tsihiri tsyosi wa mu tia na a kola bulungi a mu bugirira.

Vahebraina 4:16

Kunangwa kwisunde himbi ku intebe yetsimbabasi nobuluviriri, ku duke kuvugula liverererwa nokunyola tsimbabasi tsyokukukonya mu inyinga i li duka.