Isaya 64:4 - KITABU KITAKATIFU

⁴ Kigira kutwula kale ava ndu va vula kuhulira, kandi si va manya na amatu, kandi imoni si ya lola Nyasaye wundi, lugano ku ive, u kolera uyu u mu lindiranga miyinzi.

Isaya 64:4 ပူးပေါင်းရင်းမြစ်များ

Litanga 49:18

Inze nindiriye ubuhonyi bwubwo, O Yahova.

Ezara 9:7

Ku twula ku madiku gavaguga vetu ku gwiye avamahyolo ligali kuduka lero; kandi kigira ubudamano bwetu, kwi nye, navami vetu, navasalisi vetu, kwa li ni kwa vikwa mmakono gavami vevivala, nekivavi, nokuhilwa ava hambe, nokuhilwa valanye, noku tsisoni tsyommoni mwetu, kuli ga veye lero.

Zaburi 103:18

Kuvo ava gumira lilagana lilye, Noku yavo avidzulitsa megidzo gege kugakola.

Zaburi 130:5

Nindirira Yahova, mwoyo gwange gu lindirira, Na lisuuviridza lyange li veye mu likuva lilye.

Zaburi 31:19

Ubulahi bubwo bu veye bunene kuduka ndi, Bwa u vikiye ava ku tidzanga, Bwa u koleye avirukira ku ive, Imbiri wavana va avandu

Zaburi 62:1

Mwoyo gwange gu lindirira Nyasaye nelikiring'ana: Lihonywa lyange li twulanga kuye.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 40:31

Navutswa yava ava lindiranga Yahova va lirannya ubuhya bwetsingulu tsyavo; va lanegira igulu netsimbaha kuli kihungu; va la nyagula bugira kuluha; va la genda na si va la kudza myoyo mba.

Isaya 59:12

Kigira mahyolo getu ga medeka livalidzwa lyago imbiri wowo, na bwoni bwetu bu letanga lilolekidza ku kwinye; kigira mahyolo getu ku veye nago halala, noku budamano bwetu, ku bu manya:

Isaya 66:8

Ni bwaha u huliye makuva kuli yaga? Ni bwaha u loli vindu kuli yivi? Kivala ki livulwa ku lidiku lilala? Ihiri i livulwa nonoho? Kigira nonoho lwa Zioni lya lumwa, livula avana valyo.

Danyeli 9:15

Na kalunu, O Mwami wetu, Nyasaye wa twulidza avandu vovo mu kivala kya Egepeti nomukono gwetsingulu, nokwenyolera ubukumi, kuli bu veye lero; kwinye kwoni, kandi ku koli ubudamano.

Danyeli 9:5

kwinye kwoni, nokukyaminya amakuva, nokukola ubudamano, nokwebaala, kuduka ku goveye kutwula ku megidzo gogo, na amalago gogo;

Danyeli 9:8

O Mwami, ubweluliri bwomoni bu veye bwetu, nobwa avami vetu, nobwa vanene vetu, nobwa avaguga vetu, kigira kwoni ku ive.

Hosea 7:7

Yavo vosi va nyoye muliru kuli mahiga, na va miri avakalagi vavo; avami vavo vosi va gwiye: si ha veye nomulala hagati havo waniranga inze.

Zekaria 10:9

Nda va midza hagati ha avandu; na va lidzulitsa inze mu vivala vyehale; na va la menya halala na avana vavo, na va la galuka.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Luka 2:25

Henza, ya li ho mu Yerusalemi mundu, wa langwa lieta lilye Simeoni; mundu uyu ya li mulungi wa tia Nyasaye, wa linda lihodzeridzwa lya Israeli: kandi Roho Mutakatifu ya li kuye.

Yohana 14:3

Kandi ni mba ni ntsia kumulombera ubugono, nzidza kandi, kandi nda mwingiridza inze mwene; ha mbeye inze, mwinye kandi mu ve ho.

Varumi 8:19

Kigira lihenzerera lyevilombe li linda lila ng'aminywa lya avana va Nyasaye.

1 Vakorintho 1:7

mwinye mu duke kuvula kugehera kihaanwa kali kilala; mwinye mu veye mu lilinda li lang'aminywa lyo Mwami wetu Yesu Kristo;

1 Vatesalonike 1:10

no kulindirira Mwana wewe kutwula migulu wa ya simugukidza kutwula mu vakudzu naye ni Yesu, u honnya kwinye mu butima buudzanga.

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Vahebraina 11:16

Navutswa kalunu venyanga kivala kilahi kuvita, nakyo ki veye migulu; kigira yaga Nyasaye si ya lola tsisoni kulangwa Nyasaye wavo; kigira u va lombeye lidala.

Yakobo 5:7

Kunangwa mwikudzire, avamitu, kuduka lidza lyo Mwami. Henzi, mulimi a lindiriranga lyama lyelirova lilahi, kandi yikudziranga kulyo kuduka li luhe li nyole imbula yokutanga neyenyima.

1 Yohana 4:10

Ubuyanzi bu veye ku yaga, kigira si kwa li kwinye kwa yanza Nyasaye, navutswa niye wa ku yanza, na a tuma Mwana wewe kuva kyokwisayasayira ku bwoni bwetu.