Isaya 64:2 - KITABU KITAKATIFU

² kuli lwa muliru gu sambanga luvonga lwomu mulitu, na muliru gu viridzanga amadzi; kuduka kuvuulira avasigu vovo lieta lilyo avetsihiri va duke kudegera imbiri wowo

Isaya 64:2 ပူးပေါင်းရင်းမြစ်များ

Zaburi 106:8

Navutswa ya va honnya kigira lieta lilye, A duke kulang'aminya ubunene bwetsingulu tsitsye.

Zaburi 46:10

Mu kiring'ane, mu manye inze mbeye Nyasaye: Nda nenehidzwa mu tsihiri, nda nenehidzwa mu lirova.

Zaburi 79:10

Kigira ki avetsihiri va nyala ku vola, Nyasaye wavo a veye haliha? Livanza kisalya kyamasahi ga avatumekiri vovo ga sundukanga Li manyekana ku avetsihiri mmoni mwetu.

Zaburi 83:13

O Nyasaye wange, u va kole va ve kuli ulugukyi mu kihudzu dzi Na kuli mavivi imbiri wembuudza.

Zaburi 9:20

U vike ubutii kuvo, O Yahova: Avetsihiri va duke kumanya avene kuva avandu vutswa [selaha

Zaburi 99:1

Yahova yamehanga; avetsihiri va degere: Yikalanga igulu wa vakerubi; lirova li dengeye.

Kutwula 14:4

Na inze nda dinyiridza mwoyo gwa Farao, naye a la va londerera; na nda nyola liidzominywa ku Farao, noku lihe lilye; na Avaegepeti va la manya, inze mbeye Yahova. Na va kola ndiyo.

Isaya 28:21

Kizira Yahova a la singira kuli mu kigulu kya Pera zim, a la va nobutima kuli mu livona lya Gibeon, a kole muyinzi gwigwe; muyinzi gwigwe mugeni; nokukola likola lilye, likola lilye ligeni.

Isaya 37:20

Kunangwa kalunu, O Yahova Nyasaye wetu, u ku honnye ku mukono gwigwe, tsihiri tsyosi tsyomu lirova tsi duke kumanya ive u veye Yahova, ive weng'ine.

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Jeremia 5:22

Si mu tia inze? Yahova a vola: si mu degera imbiri wommoni mwange, inze wa vika muyeke kuva lwako lwenyanza, ku lilaga li singiranga madiku gosi, i vule kunyala kuvita? Kali viguvuli vyayo ni vyehinula, si vi nyala kuguuta; kali ni vi luuma, si vi nyala kuvita kulwo.

Amosi 4:12

Kunangwa kigira yaga nda ku kolera ndi, O Israeli; na kigira nda ku kolera yaga, wetegeke kulolana na Nyasaye wowo, O Israeli.

Mika 1:4

Kandi vigulu vi la yinguka isi wewe, na mavona ga latanywa, kuli masang'asa imbiri womuliru, kuli amadzi ga sundulwa ku yongovera ku kisulungutu.

Zekaria 14:4

Kandi mu lidiku yilyo virenge vivye vi la singira ku kigulu kya Muzeituni, ki henza Yerusalemi ku luvega lwevugwe; kigulu kya Mu zeituni zana ki ladika hagati hakyo, kuhenza ivugwe ne madioli, livona li la va ho linene ligali; na luvega lulala lwekigulu lu la twula kutsia kasikasini, na luvega lundi kutsia kusini.

Kwidzulitsa 2:25

Lero nda tanga kuvika litihidza lilyo nelitibwa lilyo ku avandu va veye isi weligulu hosi, lwa va hulira makuva gogo, va la degera, na va la henda mwoyo kigira ive.