Isaya 63:9 - KITABU KITAKATIFU

⁹ Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Isaya 63:9 ပူးပေါင်းရင်းမြစ်များ

Litanga 48:16

Ingelosi wa mbonnya kuntwulidza ku budamano bwosi, a gasidze avayai; na lieta lyange litalirwe kuvo, na lieta lya vaguga vange Abrahamu na Isaka; navo va viruke, nokukula kuva avanyingi mu lirova.

Ayubu 37:23

Ku makuw ga Wanyala Vyosi, si ku nyala kumidera: A veye munene mu tsingulu; Nomu likalaga nobunyingi bwobulungi a la vula kudambidza.

Zaburi 25:22

U tungire Israeli, O Nyasaye, Kumutwulidza ku kivi kikye kyosi.

Zaburi 78:38

Navutswa kigira a veye wetsimbabasi, ya sameha ubukyamu bu avo, na si ya vononnya mba: Yee, hali kanyingi ya twula ku ubutima bwibwe, Na si ya vukidza ubululu bwibwe bwosi.

Kutwula 14:19

Kandi ingelosi wa Nyasaye ya vimirira imbiri welihe lya Israeli, ya twula yo ni yirana inyima wavo; na munara gwelilesi gwa twula imbiri wavo, nokusingira inyima wavo;

Kutwula 15:13

Ive mu tsimbabasi tsitsyo wimiriye avandu ava wa honnya: U vimiriye netsingulu tsitsyo, va duke mu bumenyo bubwo butakatifu.

Kutwula 19:4

Mu loli aga nda kolera Avaegepeti, na kuli nda mu ginga ku tsimbaha tsyendidzu, na nda mu leta ku inze mwene.

Kutwula 33:14

Naye ya vola Liva lyange li la tsia nive, na nda ku ha ubwelemeridzi.

Kutwula 33:15

Naye ya mu volera, Liva lilyo ni li vula kutsia ninze, u ta kwanegiridza kutwula hano mba.

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 43:4

Kigira ive u veye wobuguli budinyu mbiri wetsimoni tsyange, no welidzominywa, na nku yanzi; kunangwa kigira yaga nda haana avandu mu bugono bubwo, netsihiri nda haana mu bugono bwelivamwoyo lilyo.

Isaya 48:20

Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo

Isaya 51:10

Si a li ive wa kaminya inyanza, amadzi goluliva lunene; kya kola ululiva lwenyanza kuva inzira yavatungirwa va vite kuyo?

Isaya 52:9

Mu twulidze tsinyimbu tsyobuyanzi, mwimbe halala, mwinye aha li hatswa ha Yerusalemi; kigira Yahova a leminya myoyo gyavandu veve, u tungiye Yerusalemi.

Danyeli 6:22

Nyasaye wange u tumi ingelosi wewe, u hani minwa gyeving'ang'a, na vi vuli kundira; kigira ndolekanga imbiri wewe bugira kindu; kandi imbiri wowo, O mwami, si nzoni kindu kali kilala.

Hosea 1:7

Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Joeli 2:18

Hene yaho Yahova ya kendekera kivala kikye, na a vererera avandu veve.

Zekaria 2:8

Kigira Yahova wa mahe a vola: Kigira bukumi ya ntuma ku tsihiri tsya lanya mwinye; kigira uyu u dira mwinye a diranga indolero yemoni yeye.

Malaki 3:1

Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

Matayo 25:40

Mwami a la tivula na a va volere, Ligali mmu volera, Kuli ga mwa kolera avamwavo vange yava vakekeke, ligali mwa kolera inze.

Matayo 25:45

Hene yaho a la va tivulira, na a vola, Ligali mmu volera, Kuli ga mwa vula kukolera mulala ku vakekeke yava, mwa vula kunkolera.

Luka 15:5

Lwa a mali kulinyola, a li gingira ku mavega nobuyanzi.

Vikolwa 12:11

Kandi Petro lwa ya duka kumanya, ya vola, Kalunu mmanya ligali Mwami u tumi ingelosi wewe kuntwulidza mu makono ga Herodi nomu tsiganagani tsyavandu va Vayuda.

Vikolwa 7:38

Uyu niye wa li mu livugana mu kyangalangwi halala nengelosi wa volerana naye mu kigulu kya Sinai, kandi navaguga vetu: wa vugula livola lyeliva mwoyo kuha kwinye.

Vikolwa 9:4

na a gwa hasi na a hulira mwoyo gu mu volera, Saulo, Saulo, kigira ki u ndambidza?

1 Vakorintho 10:9

Kandi ku ta geridza Mwami kuli avalala kuvo va mu geridza, ni viitwa netsinzoka.

Kwidzulitsa 1:31

na mukyangalangwi, ha wa lola kuli Yahova Nyasaye wowo a ku ginga, kuli mundu a ginganga mwana wewe, ku inzira yosi ha mwa tsia, kuduka hano.

Kwidzulitsa 4:37

Na kigira ya yanza vaguga vovo, kunangwa ya tovola visukululwi vyavo inyima wavo, ya ku twulidza Egepeti, halala neliva lyomwene, netsingulu tsitsye tsinene;

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 2:18

Kigira mwene u saliye mu ligeridzwa, a veye netsingulu kukonya yava nva geridzwa.

Vahebraina 4:15

Kigira si ku veye nomusalisi munene u ta nyala kuverera ku budedekere bwetu; navutswa uyu wa geridzwa mu vindu vyosi kuli kwinye, navutswa bugira ubwoni.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,

Vakalagi 10:16

Navo va twulidza vanyasaye vageni ava li hagati havo, na va tumekira Yahova: nomwoyo gwigwe gwa verera kigira kivi kya Israeli.