Isaya 63:7 - KITABU KITAKATIFU

⁷ Nda vola tsimbabasi tsyobuyanzi bwa Yahova, na lidzominywa lya Yahova, kuli gosi ga Yahova ya ku kolera, nobunyingi bwobulahi bwibwe ku inyumba ya Israeli, bwa ya vika kuvo kuli tsimbabasi tsitsye, na kuli bunyingi bwetsimbabasi tsyobuyanzi bwibwe.

Isaya 63:7 ပူးပေါင်းရင်းမြစ်များ

1 Avami 8:66

Noku lidiku li kola gatano na gavaka ya sendukidza vandu va tsie; navo va gasidza mwami, na va tsia mmahema gavo nobusangali nobuyanzi mu mwoyo gwavo kigira ubulahi bwosi bwa Yahova ya kolera mutumekiri wewe Daudi, na Israeli avandu veve.

2 Kyetsinyinga 7:10

Na mweli gwegyitano na gyiviri lidiku lya makumi gaviri na gavaka ya va ha munwa va tsia mu mahema gavo, nobuyanzi nobusa ngali mu myoyo kigira ubulahi bwa Yahova ya kolera Daudi, na Solo moni, navandu veve Israeli.

Nehemia 9:25

Na va vugula madala gavo getsingaga, neki vala kinolu, navo va nyola tsinyumba tsizula vindu vilahi vyosi, nevidaho vya yavwa, nemilimi gyemizabibu nemilimi gyemizeituni, nemisala gyamakuyu manyingi ligali: na va lia, nokwiguta, na va komera, nokwesa ngalidza mu bulahi bubwo bunene.

Nehemia 9:27

Kigira yaga wa va vika mmakono gavasigu vavo, ava va vika ku kivi: na inyinga yelinyankana lyavo, lwa vanira ive, wa va hulira mwigulu; na kuli tsimbabasi tsitsyo tsi veye tsinene ligali, wa va ha avahonnyi va va honnya ku makono ga vasigu vavo.

Nehemia 9:31

Navutswa mu tsimbabasi tsitsyo tsinene si wa va mala ligali mba, kandi si wa va leka; kigira u veye Nyasaye wetsimbabasi tsinene.

Nehemia 9:35

Kigira si va tumekira ive mu bwami bwavo, nomu bulahi bubwo bunene bwa wa va ha, nomu kivala kinene kinolu kya wa va ha imbiri wavo, kandi si va girunkana kutwula ku vikolwa vyavo vidamano.

Zaburi 103:2

Gasidza Yahova, O mwoyo gwange, U tivirira vyosi vya a ku kolera:

Zaburi 107:15

Nkano avandu vidzominye Yahova ku tsimbabasi tsitsye, Noku vyokugenya vivye vya ya kola ku avana vavandu

Zaburi 107:21

Nkano avandu vidzominye Yahova ku tsimbabasi tsitsye, Noku vyokugenya vivye vya a kola ku avana va vandu

Zaburi 107:31

Nkano avandu vidzominye Yahova ku tsimbabasi tsitsye, Noku vyokugena a vivye vya a kola ku avana va v andu

Zaburi 107:8

Nkano avandu vidzominye Yahova ku tsimbabasi tsitsve, Noku vyokugenya vivye vya ya kola ku avana va avandu

Zaburi 145:7

Va la vola lyokwidzulitsa ubulahi ubunene bubwo, Na va limba ubulungi bubwo.

Zaburi 25:6

O Yahova, widzulitse tsimbabasi tsitsyo, na ubuyanzi bubwo Kigira vi veye ho kutwula kale.

Zaburi 51:1

Umbere tsimbabasi, O Nyasaye, kuli tsimbabasi tsyobuyanzi bubwo: Kuli ubunyingi bwetsimbabasi tsitsyo u ntwulidze mahyolo gange.

Zaburi 63:3

Kigira tsi nbabasi tsyobuyanzi bubwo tsi veye tsindahi kuvita livamwoyo, Minwa gyange gyi lidzominya ive.

Zaburi 86:15

Navutswa ive, O Mwami, u veye Nyasaye welivererera na tsimbabasi, Wa galaha ku butima, na munene wetsimbabasi na ageligali.

Zaburi 86:5

Kigira ive, Mwami, u veye mulahi, na mwangu kusameha, Na wobunyingi bwetsimbabasi ku vosi avanira ive.

Zaburi 92:2

Nokulandidza tsimbabnsi tsyobuyanzi tsitsyo mmugamba, Nobusuuvirifu bubwo budiku nobudiku,

Kutwula 18:9

Na Jethro ya sangala kigira ubulahi bwosi bwa Yahova ya kolera Israeli kuli ya va honnya mu makono ga Avaegepeti.

Isaya 26:13

O Yahova Nyasaye wetu, avanene vandi va ta li ive, vamehi ku kwinye; navutswa ku ive weng'ine ku la tala lieta lilyo.

Isaya 51:2

Mu henze Abrahamu guga wenyu, na Sara wivula mwinye: kigira lwa ya li mulala nda mu langa nokumugasidza, nokumukola a ve avanyingi.

Isaya 54:10

Kigira vigulu vi la twula, notugulu tu ladikidzwa; navutswa tsimbabasi tsyobuyanzi bwange si tsi la twula ku ive mba, nelilagana lyemirembe lyange si li la twulidzwa mba, Yahova a vola, uyu u vererera Ive.

Isaya 54:7

Ku idakika inkekeke nda ku leka; navutswa ku tsimbabasi tsinene tsyemihiga nemihiga nda ku vungidza.

Isaya 54:8

Ku livihirirwa lya vita kigero nda ku visa mmoni mwange ku idakika indala; navutswa ku bulahi bu hongeranga mihiga nemihiga nda ku vererera, Yahova Mutungiri wowo a vola.

Isaya 55:7

mudamano a leke inzira yeye, nomundu u ta li mulungi a leke tsi ganagani tsitsye; yirane ku Yahova, naye a la mbererera; yirane ku Nya saye wetu, naye a la mu sameha ligali.

Isaya 64:5

Ive u vugananga na uyu u sangalanga nokukola ubuhmgi, yavo avidzulitsanga ive mu tsinzira tsitsyo: henza, wa li nobutima, na kwinye kwa kola ubwoni: kwa li mubwo tsinyinga tsinyingi; ku la honywa?

Lisyoma lya Jeremia 3:32

Kigira kali na a vereridza, naye kandi a la vera kuli ubunene bwetsimbabasi tsitsye.

Hosea 2:19

Na nda ku kwa nelikwa lyemihiga nemihiga; yee, nda ku kwa mbulungi, nomu likalaga, nomu vikolwa vilahi nomu tsimbabasi.

Zekaria 9:17

Bu duka kuli ndi ubunene bwobugasu bwibwe na bu duka kuli ndi ubulahi bwibwe ubuswage bu la gasidza avayai, na iwaini impya i la gasidza avakana.

Matayo 7:11

Mwinye ava veye avadamano, ni mu manya kuha avana venyu vindu vilahi, nasindi Dada wenyu u veye migulu a la kira kuhaana vindu vilahi kuvo ava msaala?

Varumi 2:4

Naho u leganga ubutugi bwobugasu bwibwe nobwikudzihidzi bwibwe nobwikudziri bwibwe, si u manya ubulahi bwa Nyasaye bu ku letera lyeganira?

Varumi 5:20

Kandi lilaga lya duka, lihyola li duke kukira; navutswa hobwoni bwa kira, tsimbabasi tsya kira ligali;

Vafeso 2:4

navutswa Nyasaye, kigira ya li netsimbabasi tsinene, kigira ubuyanzi bunene bwibwe bwa ya yanza kwinye,

1 Timoteo 1:14

kandi tsimbabasi tsyo Mwami wetu tsya kira ligali halala nelisuuvira nobuyanzi bu veye mu Kristo Yesu.