Isaya 63:6 - KITABU KITAKATIFU

⁶ Na nda duvaga avandu nobutima bwange, nokuvahambikidza nobutima bwange bululu, na nda tsuka masahi gelivamwoyo lyavo ku lirova.

Isaya 63:6 ပူးပေါင်းရင်းမြစ်များ

Ayubu 21:20

Tsimoni tsitsye mwene tsi lole ubwoneku bwibwe, Kandi a nwe ubutima bwa uyu Wanyala Vyosi.

Zaburi 60:3

U mannyi avandu vovo vindu vidinyu: U ku nwehidzi iwaini yokuguya guyidza.

Zaburi 75:8

Kigira mu mukono gwa Yahova, ki veye mu kikombe kyewaini kiviravira lifwulu; Kizuye vitsukannyeywi, naye ya vi tsuka: Ligali avadamano velirova vosi va la komheridza amaseke, nokuganwa.

Isaya 22:5

Kigira ni lidiku lyokukupa kivi, nokuduvagirwa hasi, nelyokugenya, lya Yahova a leti, Yahova wa mahe mu livona lyamalola; mu lisambulwa lyamadigi, nelyaniravigulu.

Isaya 29:9

Mu lindirire mu genye; mwesangalidze mu ve avoboku: yavo va hambiki, navutswa si i veye iwaini; va yekayeka, navutswa si ga veye nelihambika.

Isaya 34:2

Kigira Yahova a veye nobutima ku tsihiri tsyosi, nelivihirirwa ku amahe gavo gosi: u va dividzi ligali, u va viki mu liitwa.

Isaya 34:7

Na tsing'ombe tsyombulimu tsi la sulunguta halala navo, netsirahu, netsigiriki: nekivala kyavo ki la hambika masahi, na lugukyi lwavo lu la nulidzwa nevinolu.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 51:17

Vuka, vuka, singira, O Yerusa lemi, ive u nweye mmukono gwa Yahova kikombe kyobutima bwibweive u nweye amaseke gekikombe kyokukudegeridza, nokukikamulula.

Isaya 65:12

nda mu validza mu ve avekivavi, na mwosi mu la sigamira liitwa; kigira lwa nda langa, si mwa bugira; lwa nda vola, si mwa hulira; navutswa mwa kola agobudamano imbiri wetsi moni tsyange, nokutovola ga inze nta yanza.

Jeremia 13:13

Hene Yaho u la va volera, Yahova a vola ndi, Henza, avandu vosi ava menyanga mu kivala yiki, kali avami vikala nga ku intebe yobwami ya Daudi, navasalisi, navaprofeti, na vosi ava menya Yerusalemi, nda vizulitsa lihambika.

Lisyoma lya Jeremia 3:15

U nzizulitsi litsunwa, u nzigutidzi nekilulu kikye.

Zefania 3:8

Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.

Likunula 14:10

uyu kandi a la nwa iwaini yobutima bwa Nyasaye, obwetegeki bugira kutsukanywa mu kikombe kyobutima bwibwe; kandi a la saliridzwa nomuliru nekibiridi imbiri wetsingelosi avatakatifu, kandi imbiri wo Mwana Weligondi:

Likunula 16:19

Kandi lidala linene lyavukanywa vi twula mu, vidieli vivaka, kandi amadala getsihiri ga gwa: kandi Babuloni lidala linene lidzulitswa imbiri wa Nyasaye, li hebwe kikombe kyewaini yobululu bwobutima bwibwe.

Likunula 16:6

kigira va sundula masahi gavatakatifu nagavaprofeti, kandi ive u mali kuvaha amasahi kunwa: va dukani nago.

Likunula 18:21

Kandi ingelosi wetsingulu ya ginga ligina kuli lugina lunene, na a li ta mu inyanza, na a vola, Ndi neligwa linene Babuloni lidala linene li la tebwa hasi, kandi li la vula kuloleka ligali kandi.