Isaya 62:4 - KITABU KITAKATIFU

⁴ Si u la langwa kandi Lilekwa; kandi kivala kikyo si ki la langwa kandi Kyere: navutswa u la langwa Hefiziba (livola li Deye ubusangali bu ange bu veye mu uyu), nekivala kikyo ki la langwa Beula (li vola li veye Ira ku ehu a); kigira Yahova a sangalira ive, nekivala kikyo ki la kwebwa.

Isaya 62:4 ပူးပေါင်းရင်းမြစ်များ

Zaburi 149:4

Kigira Yahova yeyanzidza mu avandu veve: Naye a la siaha avahokya nobu honnyi.

Zaburi 16:3

Na ku avatakatifu ava veye mu lirova, Va veye avalahi, avobuyanzi bwange bwosi bu veye muvo.

Isaya 49:14

Navutswa Zioni lya vola, Yahova u mali kusyuva inze, na Mwami u nziviriye.

Isaya 54:1

Yimba, ive mugumba, na ive wa vula kuvereka; leta lwimbu, wimbe, kupa lwanga ligali, ive wa vula kuva nelilumwa lyelivula: kigira avana va uyu mugalang'atani va veye avanyingi kuvita avomukali wa hilwa, Yahova a vola.

Isaya 60:15

Kuli wa lekwa nokudunyirwa, kuduka ni ha vula kuva nomundu wa vita hagati hoho, nda ku kola u ve ubunene bwemihiga nemihiga, ubusangali bwa makula manyingi.

Isaya 60:18

Kirage ki la vula kuhulirwa kandi mu kivala kikyo, kandi litigala hatswa, nobwoneku si vi la va mu tsinzako tsitsyo mba; navutswa madigi gogo u la ga gulika lieta yili, Ubuhonnyi, neviribwa vivyo u la vi gulika lieta Lidzominya.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 62:12

Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.

Isaya 62:2

Na tsihiri tsi la lola ubulungi bubwo, navami vosi va la lola ubukumi bubwo: na u la gulikwa lieta lihya, lyomunwa gwa Yahova gu li gulika.

Isaya 62:5

K gira kuli musoleli a kwedzanga mukana, ni ndiyo avayai vovo va la kwa ive; na kuli woserereywi a sangaliranga umwiha, ni ndiyo Nyasaye wowo a la sangalira ive.

Isaya 65:19

Nda sangalira Yerusalemi, nda yanza mu avandu vange; mwoyo gwelisyoma si gu la hulirwa kandi mulyo mba, kinga mwoyo gwelilira.

Jeremia 3:14

Mwirane mwinye avana, avirani inyima, Yahova a vola; kigira mbeye musatsa wenyu: na nda vugula mulala welidala, na vaviri ku bwiko bulala, na nda leta mwinye Zioni.

Jeremia 32:41

Yee, nda sangala kuvo nduke kuvakolera ubulahi, nda va simika mu kivala yiki ligali nomwoyo gwange gwosi neliva lyange lyosi.

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Ezekieli 36:35

Na va la vola. Kivala yiki kya li hatswa ki gwiye kuli mulimi gwa Edeni; namadala aga li vyanyi na hatswa nokudividzwa, gombakeywi tsingaga nokumenywa navandu.

Hosea 2:21

Na ga la duka mu lidiku yilyo Nda tivula, Yahova a vola, Nda tivulira ligulu, neligulu li la tivulira lirova;

Hosea 2:22

nelirova li la tivulira ubuswage, newaini impya, namaguta na yivi vyosi vi la tivulira Jezireeli.

Zefania 3:17

Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.

Malaki 3:12

Na tsihiri tsyosi tsi la mu tala mu veye avobuyanzi; kigira mu la va kivala kyokuyanzidza ligali, Yahova wa mahe a vola.

Yohana 3:29

U veye nomukana mwiha niye woserereywi: navutswa mulina woserereywi, u singira na a hulira mwoyo gwowoserereywi, a yanza muno kigira mwoyo gwowoserereywi: kunangwa ubuyanzi yibwo bwa mbeye nabwo bu duki.

2 Vakorintho 11:2

Kigira mbeye nelikendeka ku mwinye, nelikendeka lya Nyasaye: kigira mmu sereye ku musatsa mulala, nduke kuserera mwinye kuli mukana mugyima mulahi ku Kristo.

Kwidzulitsa 30:9

Na Yahova Nyasaye wowo a la ku kola u ve nobunyingi mmiyinzi gyosi gyomukono gugwo, ku lwivulo lwe imla yoyo, nolwalo lwetsing'ombe tsitsyo, nelyama lyekivala kikyo kukuha bulahi kigira Yahova a la sangala kandi ku ive kukuha bulahi, kuli ya sangala ku vaguga vovo;

Vahebraina 13:5

Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.

1 Petro 2:10

mwinye ava vula kuva vandu mu matsyambiri, navutswa kalunu mu veye avandu va Nyasaye: ava vula ku verererwa, navutswa kalunu mu verereywi.

Likunula 21:2

Kandi nda lola lidala litakatifu, Yerusalemi lihya, liikanga kutwula migulu wa Nyasaye li tegekeywi kuli mwiha wesiahiye musatsa wewe.