Isaya 61:7 - KITABU KITAKATIFU

⁷ Mbugono bwetsisoni tsyenyu mu la nyola hali kaviri; na mbugono bwelidambidzwa va la sangala mu kidieli kyavo: kigira yaga mu kivala kyavo va la nyola hali kaviri; kuvo li la va lisangala lyemihiga nemihiga.

Isaya 61:7 ပူးပေါင်းရင်းမြစ်များ

2 Avami 2:9

Na ga duka, lwa va mala kwambuka, Elija ya volera Elisha, Teva ku inze kya wenyanga nku kolere, ni nkikiri kutwulidzwa ku ive. Elisha ya vola, Nku goonya, vi ve ku inze vidieli viviri vya roho gugwo.

Ayubu 42:10

Na Yahova ya girunkanya ubuhambe bwa Ayubu, lwa ya saalira avalina veve: Yahova ya ha Ayubu hali kaviri kuvita vya ya li navyo ku matsyambiri.

Zaburi 126:5

Yavo ava midza namaliga va la gesa nesango yobuyanzi.

Zaburi 16:11

U la mmannya inzira yelivamwoyo: Imbiri wa ive ha veye nobusangali budukiru; Mu mukono gugwo mulungi ha veye nobuyanzi mihiga nemihiga.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 40:2

Mu volere Yerusalemi agokuleminya; mu hanzuke kulyo, mu vole, ubulwani bwalyo bu heri, mahyolo gege ga sameheywi, u vuguye mu mukono gwa Yahova hali kaviri kigira ubwoni bwibwe bwosi.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Isaya 54:4

U ta tia mba; kigira si u la va isoni mba: kandi u ta genya mba; kigira si u la leganywa mba; kigira u livirira tsisoni tsyobwana buke bubwo, na manyego gobukunzakali bubwo si u la gidzulira mba.

Isaya 60:15

Kuli wa lekwa nokudunyirwa, kuduka ni ha vula kuva nomundu wa vita hagati hoho, nda ku kola u ve ubunene bwemihiga nemihiga, ubusangali bwa makula manyingi.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 65:13

Kunangwa Mwami Nyasaye ya vola yaga, Henza, avatumekiri vange va la lia, navutswa mwinye mu la va nenzala; henza, avatumekiri vange va la nwa, navutswa mwinye mu la va nobuluhu; henza, avatumekiri vange va la sangala, navutswa mwinye mu la va isoni,

Zefania 3:19

Henza, inyinga yeyo nda kola inkuva ku vosi avadambidzanga ive; na nda honnya uyu u segeranga, na ava kungwa nda va vungidza; nda va kola kuva lidzominywa, nelieta avetsisoni tsyavo tsya li mu lirova lyosi.

Zekaria 8:12

Kigira bu la va ho bugutsa bwemirembe; muzabibu gu la leta makuyu gagwo, na marova ga lama limedeka lyago, na ligulu li la leta lime lyalyo; nda ha vandu va tigala miyandu gyevindu yivi vyosi.

Zekaria 9:12

Mwirane ku impinga mwinye avahambe velisuuvira: kali lero mbola nda ku tunga hali kaviri.

Matayo 25:46

Yava va la tsia mu kivi ki ta hera mba: navutswa avalungi va la tsia mu liva mwoyo li ta hera mba.

2 Vakorintho 4:17

Kigira lidambidzwa lyetu lyangu li veye lyenyinga inkekeke vutswa, li ku kiridzira ligali ligali musigo gwobukumi gwemihiga nemihiga;

Kwidzulitsa 21:17

navutswa a bugirire wa tanga kwivulwa, umwana wa u ta yanzangwa, kumuha vidieli viviri ku vyosi vya a veye navyo; kigira niye litanga lyetsingulu tsitsye; tsingulu tsyo wa tanga kwivulwa tsi veye tsitsye.

2 Vatesalonike 2:16

Kalunu Mwami wetu Yesu Kristo mwene, na Nyasaye Dada wetu wa ku yanza na a ku ha kilema mwoyo kyemihiga nemihiga nelisuuvira lilahi mu tsimbabasi,