Isaya 61:11 - KITABU KITAKATIFU

¹¹ Kigira kuli lirova li sebukanga musoga gwekimuli, na kuli mulimi gu virukidzanga vindu vya tagwa mu; ni ndiyo Mwami Nyasaye a li virukidza ubulungi nelidzominywa kuviruka imbiri wetsihiri tsyosi.

Isaya 61:11 ပူးပေါင်းရင်းမြစ်များ

Litanga 1:11

Na Nyasaye ya vola, Lirova li mere ubulimu, netsingutsa tsi letanga ubugutsa, nemisala gyamanga makuyu kuli lugano lwagyo, gyi veye netsinzoli tsyagyo ku lirova: na ga li ndiyo.

Zaburi 72:16

Ha la va nobuswage bunyingi mu lirova ku isonga ye vigulu; Makuyu galyo ga la dengeya kuli Lebanon: Na yavo avelidala va la gasidzwa kuli bunyasi bwelirova.

Zaburi 72:3

Vigulu vi la letera avandu mirembe, Kandi tugulu, mu bulungi.

Zaburi 85:11

Ageligali ga sebuka mu lirova Na uhulungi bu henzi kutwula migulu.

Lwimbu lwa Solomoni 4:16

Vuka, imbuudza ya kasikasini; hamba, imbuudza ya kusini; Huudza ku mulimi gwange, mwa yu gwagwo gu duke kuvuyidzwa kyova. Muyanze wange yingire mmulimi gwigwe, A lie amakuyu gage aga yanzidzanga.

Isaya 4:2

Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.

Isaya 45:23

Inze nzisuhi, inze mwene, likuva li mali kutwula mu munwa gwange mu bulungi, na li la vula kwirana, masigamo gosi ga la sigamwa imbiri wange, tsinimi tsyosi tsi lisuha.

Isaya 45:24

Mulala a vola ku inze, mu Yahova yeng'ine, vi nyoleka ubulungi nobunyali; avandu va la tsia kuye; navo vosi ava mu dunyira va la va isoni.

Isaya 45:8

Mu tonyatonya mwinye ligulu kutwula igulu, namalesi ga tsuke ubulungi hasi: kivala kyalame ki duke kuleta ubuhonnyi, na ki mere ubulungi halala; inze, Yahova, nda ki lomba.

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 48:18

Nkano wa ka hulira amalago gange hene yaho mirembe gyigyo nkano gya ka va kuli mugera, nobulungi bubwo kuli viguvuli vyenyanza:

Isaya 58:11

na Yahova a la kwimirira kazozo, na a la kwigutilza mu hosi ha ta veye namadzi, nokuvika vigumba vivyo tsingulu; na u la va kuli mulimi gwa samwa amadzi, na kuli kisenukiru kyamadzi, kya amadzi gakyo ga vula kukama.

Isaya 60:18

Kirage ki la vula kuhulirwa kandi mu kivala kikyo, kandi litigala hatswa, nobwoneku si vi la va mu tsinzako tsitsyo mba; navutswa madigi gogo u la ga gulika lieta yili, Ubuhonnyi, neviribwa vivyo u la vi gulika lieta Lidzominya.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 62:1

Kigira liva lya Zioni si nda v girunkana mba, na kigira liva lya Yerusalemi si nda sosa mba, kuduka ubulungi bwalyo bu lang'aminywe kuli ubung'ereng'anu, nobuhonnyi bwalyo kuli itaya yaakanga.

Isaya 62:2

Na tsihiri tsi la lola ubulungi bubwo, navami vosi va la lola ubukumi bubwo: na u la gulikwa lieta lihya, lyomunwa gwa Yahova gu li gulika.

Isaya 62:7

kandi mu ta mu ha lisosa, kuduka lwa a dinyeridza, nokukola Yerusa lemi kuva lidzominywa mu lirova.

Matayo 13:23

Na uyu wa midzwa mmarova malahi, uyu niye u hulira likuva na a li manya; ni yama ligali, avalala va kola mia, navandi makumi gatanu nelilala, navandi amakumi gavaka.

Matayo 13:3

Na a va volera amakuva manyingi mu tsing'ano, na a vola, Henza, mumidzi ya twula na a tsia kumidza.

Matayo 13:8

Na bundi bwa gwa mmarova malahi, ni bwama, bulala bwama mia na bundi makumi gatanu neliiala, na bundi makumi gavaka.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: