Isaya 61:10 - KITABU KITAKATIFU

¹⁰ Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 61:10 ပူးပေါင်းရင်းမြစ်များ

Litanga 24:53

Na mutumel iri ya twulidza viju vyefetha, na viju vyethahabu, na tsingubo, na a ha Rebeka: kandi ya ha mbotso wewe, na mama wewe, vindu vyobuguli budinyu.

2 Kyetsinyinga 6:41

Kunangwa ka lunu vuka, O Yahova Nyasaye, wingire hokusosa hoho, ive, nelisa nduku lyetsingulu tsitsyo: na vasalisi vovo, O Yahova Nyasaye, u vike ubuhonnyi, na vatakatifu vovo va sa ngale mbulahi.

Nehemia 8:10

Hene yaho ya va volera Mu tsie, mu lie kyenetu, munwe kinolu, na mu hile vidieli ku uyu wa vula kusundirwa kindu; kigira lidiku lya lero yili li veye lidiku litakatifu ku Yahova wetu: kandi mu ta vererera mba, kigira ubusangali bwa Ya hova bu veye tsingulu tsyenyu.

Ayubu 29:14

Ndivika ubulungi, nabwo bwa nkunika: Ubulungi bwange bwa li kuli ijoho na igudwa.

Zaburi 132:16

Kandi avasalisi va ha zana nda va vika ubuhonnyi; Na avatakatifu va ha zana va la kupa isango yobuyanzi.

Zaburi 132:9

Avasalisi vovo vevike ubulungi; Avatakatifu vovo va kupe isango yobuyanzi.

Zaburi 28:7

Yahova a veye tsingulu tsyange na ingavo yange; Mwoyo gwange gu mu suuviye, na mbonywa: Kunangwa mwoyo gwange gu sangala ligali; Ninze nda mwidzominya nolwimbu lwange.

Zaburi 35:9

Mwoyo gwange gu la sangala mu Yahova: Gu la yanza mu buhonnyi bwibwe.

Lwimbu lwa Solomoni 1:10

Tsisaya tsitsyo netsindahi ligali nemidindi gyelisu. Ligoti lilyo nemigoga gyethahabu.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 17:10

Kigira wivireye Nyasaye wobuhonyi bubwo, na si widzulitsa lwanda lwetsingulu tsitsyo; kigira yaga wa simiki misala gyo kuyanzidza, nokusimika visebu vi geni.

Isaya 25:1

Yahova, ive u veye Nyasaye wange; nda ku kuminya, ndidzominya lieta lilyo; kigira wa kola vindu vyokugenya, vi veye makuva gogo ga kale, mu busuuvirifu nomu geligali.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 48:18

Nkano wa ka hulira amalago gange hene yaho mirembe gyigyo nkano gya ka va kuli mugera, nobulungi bubwo kuli viguvuli vyenyanza:

Isaya 49:18

Ginga tsimoni tsitsyo, u henza tsimbega tsyosi: yavo vosi avevungidza halala vadzanga ku ive. Kuli inze mbeye mwoyo, Yahova a vola, ligali ive u livika yava vosi kuli kwivika kiju kyobukumi, nokweboha yava, kuli mwiha.

Isaya 49:4

Navutswa inze nda vola, Nda nyankana vutswa ku miyinzi, nda tumekira tsingulu tsyange vutswa, bugira kukonya kindu; halala na yaga likalagirwa lyange li veye ku Yahova, litungwa lyange li veye ku Nyasaye wange.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Isaya 51:3

Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

Isaya 52:1

Vuka, vuka, wivike ubunyali bubwo, O Zioni; wivike tsingubo tsitsyo tsindahi, O Yerusalemi, lidala litakatifu: kigira kutwula inyinga ya kalunu si a lingira ku ive kandi wa vula kukevwa na u veye mudamano.

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Isaya 58:14

hene yaho u leyanzidza mu Yahova; nda ku nyinnya ahadiguluku helirova; na nda ku lihidza miyandu gya Yakobo guga wowo: kigira munwa gwa Yahova gu mali kuvola yaga.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Isaya 65:18

Navutswa mu ve nobuyanzi mu sangale madiku gosi mu vya nombanga; kigira, henza, nombanga Yerusalemi li ve lisangala, navandu veve kuva ubuyanzi.

Jeremia 2:32

Mukana a nyala kwivirira vyokwisyaha vivye, naho mwiha a nyala kwivirira ingubo yeye yolwiha? Navutswa avandu vange viviriye inze ku amadiku ga ta li nelivalidzwa.

Ezekieli 42:14

Avasalisi lwa va mali kwingira, si va la twula hatakatifu kutsia mu mugidzi gwekyova mba, navutswa tsingubo tsyavo tsyokwivika lwa va li mu litumika, va la tsi vika hokigira tsi veye tsintakatifu: na va livika tsingubo tsindi, nokwisunda ku yago aga dukiranga avandu.

Habakuk 3:18

Navutswa nda sangala mu Yahova Nda va nobuyanzi mu Nyasaye wobuhonnyi bwange.

Zekaria 10:7

Na yavo va Efiraim va la va kuli mundu wobunyali, myoyo gyavo gyi la sangala kuli gyi veye newaini; yee, avana vavo va la lola inkuva yiyi, na va la sangala; myoyo gyavo gyi la sangala mu Yahova.

Zekaria 3:5

Na nda vola, Va mu vike igudwa indahi ku mutwe gwigwe. Ma va vika igudwa indahi ku mutwe gwigwe, nokumuvika tsingubo; na ingelosi wa Yahova ya singira ahimbi naye.

Luka 15:22

Navutswa ise ya volera avatugwa veve, Mu tsie bwangu kuleta ingubo indahi kuvita tsyosi, mu mu vike; kandi mu mu vike imingiri ku kidete kikye, nevilatu ku virenge vivye:

Varumi 13:14

Nawtswa mwevike Mwami Yesu Kristo, kandi mu ta lombera liva lyomubiri lyokudukidza likayirwa lyalyo mba.

Varumi 14:17

kigira ubwami bwa Nyasaye si bu veye kulia nokunwa, navutswa bu veye ubulungi nemirembe nobuyanzi mu Roho Mutakatifu.

Varumi 3:22

yibwo nobulungi bwa Nyasaye bu veye ku lisuuvira mu Yesu Kristo ku vosi ava suuviranga, kigira si ha veye nelyavukana.

Varumi 5:11

Kandi si ga li yaga geng'ine, navutswa kandi ku sangalira mu Nyasaye kigira Mwami wetu Yesu Kristo, wa ku mali kunyola kuye lihambanywa kalunu.

Vagalatia 3:27

Kigira ku mwinye ava batidzwa ku Kristo, mweviki Kristo.

Vafilipi 3:9

kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira:

Vafilipi 4:4

Mu sangale mu Mwami kazozo: kandi nda vola, Mu sangale.

1 Petro 1:8

Wa mu yanza kali ni mu ta mu lola; wa mu suuvira kalunu, kali ni mu ta mu lola, nokusangala nobusangali obu ta volwa, nobwizula ubukumi:

Likunula 21:2

Kandi nda lola lidala litakatifu, Yerusalemi lihya, liikanga kutwula migulu wa Nyasaye li tegekeywi kuli mwiha wesiahiye musatsa wewe.

Likunula 21:9

Yadza mulala ku tsingelosi vatano na vaviri ava li nevituva vitano na viviri, vizula maduywa gatano na gaviri gekiheri; kandi ya volerana na inze, na a vola, Hamba yino, nda ku mannya mwiha, mukali wo Mwana Weligondi.

Likunula 4:4

Ka ndi tsintebe makumi gaviri na tsine tsya kumbiridza intebe: kandi ku tsintebe zana avakulundu makumi gaviri na vane vikala ku, ava vikwa tsingubo tsindavu; kandi ku mitwe gyavo tsitaji tsyethahabu.

1 Samweli 2:1

Na Hana ya saala, na a vola: Mwoyo gwange gwidzominyanga mu Yahova; Lwiga lwange lu nenehidzangwa mu Yahova Munwa gwange gu vambalalidzeywi ku vasigu vange; Kigira nsangalanga mu buhonyi bubwo.