Isaya 60:9 - KITABU KITAKATIFU

⁹ Ligali visulu vi la ni ndirira, na amato ga Tarshishi ga limirira, ga duke kuleta avana vange avayai kutwula ihale, ifetha yavo nethahabu yavo va la va navyo, vi ve vyelieta lya Yahova Nyasaye wowo, na vya Mutakatifu wa Israeli, kigira a kuminyi ive.

Isaya 60:9 ပူးပေါင်းရင်းမြစ်များ

Litanga 9:27

Nyasaye a mede Jafethu, Naye a menye mu mahema ga Shem; Kandi Kanani a ve mutugwa wewe.

1 Avami 10:1

Na lwa mwami wekikali wa Sheba ya hulira loyali lwelidzominywa lya Solomoni kigira lieta lya Yahova, mwene yadza kumugeridza na mateva madinyu.

1 Avami 10:22

Kigira mwami uyu ya li namato ga Tarishishi mu inyanza, halala namato ga Hiram: inyinga indala ku mihiga gyivaka amato ga Tarishishi gadza, ni ga leta ithahabu, nefetha namino genzogu, na tsinyama ku lugano lwetsingugi, (ku lugano lwetsingoko tsyamabaha malahi).

1 Avami 22:48

Na Jehoshafatu ya lomba nmato ga Tarshishi kutsia Ofiru kunyola ithahabu; navutswa si ga tsia mba; kigira amato ga vunanywa ha Ezion geberi.

1 Avami 8:41

Noku mugeni, u ta veye ku avandu vovo Israeli u duka kutwula mkivala kya ihale iigali kigira lieta lilyo

Zaburi 48:7

Ku imbuudza yevugwe Ive wononnya amato ga Tarshishi.

Zaburi 72:10

Avami va Tarshishi na avevisulu va la leta ubusutu: Avami va Sheba na Seba va la leta vihaanwa.

Zaburi 97:1

Yahova yamehanga; lirova li sangale; Ubunyingi bwevisulu vi yanze.

Kutwula 33:19

Naye ya vola, Nda vitidza ubulahi bwange bwosi imbiri wowo, na nda landidza lieta lya Yahova imbiri wowo; nda gasidza uyu wa nyenya kumugasidza, na nda vererera uyu wa nyenya kumuvererera.

Tsing'ano 18:20

Inda yomundu i lizula makuyu gomunwa gwigwe; A liguta limedeka lyeminwa gyigye.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 2:16

noku mato gosi ga Tarshishi, noku tsing'a no tsyosi tsi yanzeka.

Isaya 24:15

Kunangwa mu kuminye Yahova ku luvega lwevugwe, mu kuminye lieta lya Yahova Nyasaye wa Israeli, mu visulu vyomu inyanza.

Isaya 42:10

Mwimbire Yahova lwimbu luhya, mwimbe lidzominywa lilye ku twula ku kiheri kyelirova; mwinye ava sulungutanga mu inyanza, na vyosi vi veye muyo, visulu, na vosi avamenyi muvyo.

Isaya 42:4

Si a la tamwa kandi si a la kudza mwoyo a luhe a duke kusingeridza likalaga lyobulungi mu lirova; nevisulu vi la lindirira lilaga lilye.

Isaya 43:4

Kigira ive u veye wobuguli budinyu mbiri wetsimoni tsyange, no welidzominywa, na nku yanzi; kunangwa kigira yaga nda haana avandu mu bugono bubwo, netsihiri nda haana mu bugono bwelivamwoyo lilyo.

Isaya 43:6

nda volera kasikasini, Haana; na kusini, U tigalira mba; leta avayai vange kutwula ihale, navakana vange kutwula ku kiheri kyelirova;

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 49:1

Mu hulire inze, mwinye visulu na mwinye avandu, mu tegidze amatu mu hulire, mwinye ava veye ihale: Yahova u nangi kutwula munda; kutwula munda mwa mama wange u tali lieta lyange:

Isaya 49:22

Yahova Nyasaye, a vola ndi, Henza, nda gingira avandu ve tsihiri mukono gwange, nokusingeridzira avandu ibendera yange; na va la leta avana vayai vovo mu viritu vyavo, navakana vovo va la gingirwa ku mavega gavo.

Isaya 51:5

Ubuhonnyi bwange bu veye ahimbi, ubuhonnyi bwange bu twuli, na makono gange ga la kalagira avandu; na visulu vi la lindi rira inze, vi lidira ku mukono gwange.

Isaya 55:5

Henza, ive u la langa ihiri ya u ta manya; kandi ihiri ya vula kumanya ive, i la nyagulira ku ive, kigira Yahova Nyasaye wowo, kandi kigira uyu Mutakatifu wa Israeli; kigira u kuminyi ive.

Isaya 57:17

Kigira ubudamano bwelikayirwa lilye nda mu vihirirwa, nokumukuya; nda visa mmoni mwange ni mbihiri rwa; na ya hongera kwirana inyima ku inzira yomwoyo gwigwe.

Isaya 60:4

Ginga tsimoni tsitsyo u lole ku tsimbega tsitsyo: vosi vevungidze avene halala, vadzanga ku ive; avana vovo vayai va ladza ku ive kutwule ihale, avana vovo avakana va la gingirwa mmakono.

Isaya 60:6

Ubunyingi bwetsing'amia bu la ku kunika, netsing'amia tsisoleli tsya Midiani na Efa; vosi va twula Sheba va ladza; va la leta ithahabu nekimuli, na va lilwadza lidzominya lya Yahova.

Isaya 66:12

Kigira Yahova a vola ndi, Henza, nda meda kuye mirembe kuli mugera, nobukumi bwa vetsihiri kuli mugera gwizuye: na mu la nuna kugwo; mu la hagatwa, nokukinywa ku magulu.

Jeremia 3:17

Inyinga yeyo va la gulika Yerusalemi intebe yobwami ya Yahova; netsihiri tsyosi tsi la vugana ha Yerusalemi ku lieta lya Yahova: kandi si va la genda kandi kulonda budinyu bwomwoyo gwavo mudamano.

Jeremia 30:19

Kandi kuvo lisantidzwa li la hulirwa, na mwoyo gwa yavo ava sangalanga: na nda va meda, na si va la va avakekeke rnba; kandi nda va kuminya, navo si va la va avake mba.

Ezekieli 39:7

Na nda mannya lieta lyange litakatifu mu avandu vange Israeli; kandi si nda bugirira lieta lyange litakatifu lyononnywe kandi mba: na tsihiri tsi la manya inze mbeye Yahova, Mutakatifu wa Israeli.

Mika 4:13

Si ngira u huule, O mukana wa Zioni; kigira nda kola lwiga lulwo kuva kivya, na tsimbagayu tsitsyo kuva mugasa; na u la duvaga avandu vanyingi: na vyambeti vyavo u la gima Yahova, nobutugi bwavo u la gima.

Mika 7:12

Mu lidiku yilyo va ladza ku ive, kutwula Asuria namadala ga Egepeti, noku twula Egepeti kuduka ku Mugera, kandi kutwula ku inyanza yiyi kuduka ku inyanza yiyi, nokutwula ku kigulu yiki kuduka ku kigulu yiki.

Zefania 2:11

Yahova a la va litihidza kuvo; kigira a la ng'ahidza avanyasaye vosi velirova navandu va la sigamira uyu, sa mulala hango hehe, kali visulu vyosi vyetsihiri.

Zekaria 14:14

Na Buyuda i la lwana ha Yerusalemi; na butugi bwetsihiri tsyosi tsyetsimbega tsyosi bu la vungidzwa halala, ithahabu na ifetha, na tsingubo, vinyingi ligali.

Luka 2:32

Ubulavu bwokuvuulira Tsihiri, Kandi ubukumi bwavandu vovo Israeli.

Yohana 17:26

na inze mmali kuvamannya lieta lilyo, kandi nda va mannya; ubuyanzi bwa wa nyanza nabwo bu duke kuva muvo, na inze muvo.

Vikolwa 9:15

Navutswa Mwami ya mu volera, Tsia: kigira uyu a veye kiju kya tovolwa ku inze, kuhila lieta lyange imbiri we Tsihiri navami, navana va Israeli:

Vagalatia 3:26

Kigira mwinye mwosi mu veye avana va Nyasaye, kigira lisuuvira mu Kristo Yesu.

Vagalatia 4:26

Navutswa Yerusalemi li veye igulu i veye imboholole nayo iyo mama wetu.

Joshua 9:9

Navo va mbolera, Kwinye avatumekiri vovo ku twuli mu kivala kyehali kigira lieta lya Yahova Nyasaye wowo: kigira kwinye ku huliye lidzominywa lilye, na makuva gosi aga ya kola mu Egepeti,