Isaya 60:7 - KITABU KITAKATIFU

⁷ Vyayo vyosi vya magondi ga Kedari vi la vungidzwa ku ive, magondi makole aga Nebaio thu ga la tumekira ive; ga lanegira igulu ku bwali bwange bwokubugirirwa; na nda kuminya inyumba yo bu kumi bwange.

Isaya 60:7 ပူးပေါင်းရင်းမြစ်များ

Litanga 25:13

na yaga nameta ga vana va lshmaeli, kuli ameta gavo, kandi kuli visukululwi vyavo: munene wa Ishmaeli va Nebaiothu; na Kedari, na Adibeeli, na Mibisam,

Ayubu 42:8

Kunangwa kalunu, mu vugule tsing'ombe tsitano na tsiviri, namagondi makole gatano na gaviri, mu tsie navyo ku mutumekiri wange Ayubu, mu haane vi ve vyemyoyo gyenyu kihaanwa kyokusambwa; na mutumekiri wange Ayubu a la mu saalira; kigira nda bugirira uyu, mbule kukolera mwinye kuli ubusiru bwenyu; kigira si mwa vola ku inze makuva gobulungi kuli mutumekiri wange Ayubu ya vola.

Zaburi 120:5

Ubudinyu bu veye ku inze kigira mmenya mu Mesheki, Kigira mmenya mu mahema ga Kedari.

Lwimbu lwa Solomoni 1:5

Mbeye mwamu ligali, navutswa mbeye mulahi, Mwinye avakana va Yerusalemi,] Kuli amahema ga Kedari, Kuli lugitu lwa Solomoni.

Isaya 19:19

Mu lidiku yilyo bu la va ho mu kivala kya Egepeti ubwali bwa Yahova, noku lwako lwakyo munara gu la va ho ku Yahova.

Isaya 19:21

Na Yahova a la manyekana ku Egepeti, na Avaegepeti va la manya Yahova mu lidiku yilyo; yee, va la sigamira nokuhaana vihaanwa nevindu, na va la kola lilagana na Yahova, nokulikola.

Isaya 21:16

Kigira Yahova ya mbolera ndi, Mu inyinga yomuhiga mulala, kuli livalidza lyemihiga gya uyu u tungangwa, ubukumi bwosi bwa Kedari bu la gota;

Isaya 42:11

Ligendanyama halala na madala galyo ga ginge myoyo gyago, na tudala twa Kedari a menya mu, ava menyanga Sela vimbe, va hanzuke ku tsisonga tsyevi gulu.

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Isaya 60:13

Ubukumi bwa Lebanon bu ladza ku ive, cypres, na gwobusuvu, na musala gwabokisi halala, kukola halahi hatakatifu hange; na nda kola ha bugono bwevirenge vyange kuva aho bukumi.

Ezekieli 20:40

Kigira mu kigulu kyange kitakatifu, mu kigulu kitambi kya Israeli Mwami Nyasaye a vola, avenyumba ya Israeli vosi, vosi va la tumekira inze ha zana mu kivala yikyo: na nda va bugirira ha zana, na ndenyera yo vindu vyenyu vya mu haananga nobuhya bwobwali bwenyu, halala nevindu vyenyu vitakatifu vyosi.

Ezekieli 27:21

Arabia, na avanene vosi Vakedari, va li avakirannyi vomukono gugwo; mu vana va magondi, na amagondi makole, na tsimbuli, va li vakirannyi vovo mu vivyo.

Mika 4:1

Navutswa mu madiku gekiheri ga la va, kigulu kyenyumba ya Yahova ki la dinyeridzwa ku isonga yevigulu, na ki la nenehidzwa kuvita tugulu; navandu va la ng'unyana mukyo.

Zefania 3:10

Kutwula ku vivala vyehale kuvita migera gya Ethiopia, avasaali vange, mukana wa vasalannywa vange, va la leta kihaanwa kyange.

Zekaria 2:8

Kigira Yahova wa mahe a vola: Kigira bukumi ya ntuma ku tsihiri tsya lanya mwinye; kigira uyu u dira mwinye a diranga indolero yemoni yeye.

Varumi 12:1

Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.

Varumi 15:16

nduke kuva mutumwa wa Kristo Yesu ntsie ku Tsihiri, mba kolere ivangeli ya Nyasaye, kihaanwa kye Tsihiri ki duke kubu girirwa, Roho Mutakatifu na a mali kukitakasa.

Vahebraina 13:10

Ku veye nobwali obwa yavo ava lindanga lihema lyelivugana, va vula kuva netsingulu kulia ku.