Isaya 60:3 - KITABU KITAKATIFU

³ Na tsihiri tsing'ano netsing'ano tsi ladza ku bulavu bubwo, navami va ladza ku bung'ering'anu bwelikya lilyo.

Isaya 60:3 ပူးပေါင်းရင်းမြစ်များ

Litanga 49:10

Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

Zaburi 102:16

Kigira Yahova yombaki Zioni; U loleki nobukumi bwibwe.

Zaburi 102:22

Lwa avandu va vugana halala, Na ubwami bu veye ho kutumekira Yahova.

Zaburi 138:4

Avami vosi velirova va la ku santidza, O Yahova, Kigira va huliye livola lyomunwa gugwo.

Zaburi 2:10

Kunangwa, O avami mu ve nobugeeri: Mu vugule limanya, mwinye avakalagi velirova.

Zaburi 22:27

Viheri vyosi vyelirova vi lidzulitsa nokwirana ku Yahova; Kandi avetsinyumba tsyetsihiri tsyosi va la sigama imbiri wowo.

Zaburi 68:29

Kigira litempeli Iilyo liveye mu Yerusalemi Avami va la ku letera vihaanwa.

Zaburi 72:11

Yee, avami vosi va la mu sigamira; Na tsihiri tsyosi tsi la mu tumekira.

Isaya 11:10

Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

Isaya 42:6

Inze, Yahova, nku langi mbulungi, nda ku gumira mukono, nokukulinda, nda ku haana u ve lilagana lyava ndu, nokuva ubulavu bwa Vetsihiri:

Isaya 45:14

Yahova a vola yaga, Linyankana lyemiyinzi gya Egepeti, nevindu vyamaguli vya Ethiopia, na Vasabea, avandu va veye avatambi, va ladza ku ive, va la va avandu vovo: va la londa ive; va ladza ku ive neminyororo gyavo: va la gwa hasi imbiri wowo, va la ku saala, ni va vola, Ligali Nyasaye a veye hagati hoho; si ha veye nowundi, si ha veve na Nyasaye wundi.

Isaya 45:22

Mu henze ku inze, mu honnywe, mwinye avetsindulu tsyelirova tsyosikigira mbeye Nyasaye, si ha veye nowundi.

Isaya 49:12

Henza, yava va la twula ihale, na yava va la twula ku tsimbega tsya kasikasini, noku tsimbega tsya madioli; na yava kutwula mu kivala kya Sinim.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 56:8

Yahova Nyasaye wa vungidza halala yavo avatebwa va Israeli, a vola, Halala na yaga nda vungidza avandu kuye, ukuvita yavo aveve va vungidzwa.

Isaya 60:10

Na vageni va lombaka madigi gogo, na avami vavo va la ku tumekira; kigira mbutima bwange nda ku kuya, navutswa mbuyanzi bwange nda ku vera tsimbabasi.

Isaya 60:16

U la nuna amaveere gavetsihiri, na u la nuna tsimbeere tsyavami; na u la manya inze, Yahova, mbeye Muhonnyi wowo, Mutungiri wowo, Wanyala Vyosi wa Yakobo.

Isaya 62:2

Na tsihiri tsi la lola ubulungi bubwo, navami vosi va la lola ubukumi bubwo: na u la gulikwa lieta lihya, lyomunwa gwa Yahova gu li gulika.

Isaya 66:12

Kigira Yahova a vola ndi, Henza, nda meda kuye mirembe kuli mugera, nobukumi bwa vetsihiri kuli mugera gwizuye: na mu la nuna kugwo; mu la hagatwa, nokukinywa ku magulu.

Amosi 9:12

va duke kuvugula avatigala va Edom, na vetsihiri vosi ava langwa ku lieta lyange, Yahova u kolanga inkuva yiyi, a volanga.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Yohana 12:32

Kandi inze, ni ngingwa igulu welirova, nda ng'usa avandu vosi vadze ku inze.

Vikolwa 13:47

Kigira Mwami ya ku laga ndiyo, na a vola, Mmali kukuvika u ve ubulavu bwe Tsihiri, U ve nobuhonnyi kuduka ku kiheri kyelirova.

Vikolwa 15:17

Avandu ava tigaye va duke kwenva Mwami, Kandi Tsihiri tsyosi tsyelieta lyange li talirwa kuvo

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 21:24

Kandi tsihiri tsi la genda mu bulavu bwalyo: navami velirova va leta ubukwni bwavo mulyo.