Isaya 60:22 - KITABU KITAKATIFU

²² Mukekeke a la gwa elfu, na mulala mukekeke a la va ihiri yetsingulu: Inze, Yahova, nda kola bwangu inkuva yiyi ku inyinga yayo.

Isaya 60:22 ပူးပေါင်းရင်းမြစ်များ

Isaya 10:22

Kigira avandu vovo Israeli, kali ni va veye vanyingi kuli muyeke gwenyanza, avatigaye veng'ine va lirana: ubudividzi bu saaveywi, bwizuye du ubulungi.

Isaya 5:19

navo ava volanga, A kole bwangu, yanguhidze miyinzi gyigye ku gyi lole; na makuva go Mutakatifu wa Israeli gesunde himbi gadze, ku ga manye

Isaya 51:2

Mu henze Abrahamu guga wenyu, na Sara wivula mwinye: kigira lwa ya li mulala nda mu langa nokumugasidza, nokumukola a ve avanyingi.

Isaya 66:8

Ni bwaha u huliye makuva kuli yaga? Ni bwaha u loli vindu kuli yivi? Kivala ki livulwa ku lidiku lilala? Ihiri i livulwa nonoho? Kigira nonoho lwa Zioni lya lumwa, livula avana valyo.

Danyeli 2:35

Hene yaho kivya, nobudohi, nomugasa, nefetha, na ithahabu, vya donyannywa halala, nokugwa kuli mukudzi gwo uloze gwekimei; na imbuudza ya vi hila, kuduka vi ta li na hokuva: na ligina lya duya kifwananyi lya gwa kigulu kinene, nokwizula lirova lyosi.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Habakuk 2:3

Kigira malola yaga kali kalunu ga veye genyinga ya lagwa, na ga kolanga bwangu kuduka ku kiheri, na si ga la vola ububehi mba: kali ni ga lindagira, u ga lindirire; kigira ligali ga ladza, si ga la lindagira mba.

Luka 18:7

Kandi Nyasaye si a la kalagira avatovole veve, ava mwanira mbasu nobudiku, navutswa a likudzira kuvo?

Vikolwa 2:41

Yavo ava vugula likuva lilye, va batidzwa: kandi lidiku yilyo va daswa avandu kuduka himbi tsielfu tsivaka.

Vikolwa 5:14

kandi avasuu viri va daswa ligali ku luvega lwo Mwami viduma vyavasatsa nava kali:

Vahebraina 10:36

Kigira mu veye nelyenya lyobwikudziri, inyinga mu mali kukola aga Nyasaye yenyanga, mu nyole lisuuviridzwa.

2 Petro 3:8

Navutswa, avayanze, kindu yiki kilala mu tivirira, ku Mwami lidiku lilala li veye kuli mihiga elfu, kandi mihiga elfu gyiveye kuli lidiku lilala.

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;