Isaya 60:20 - KITABU KITAKATIFU

²⁰ Liuva lilyo si li la yera kandi mba, kinga mweli gugwo si gu livisa kandi; kigira Yahova a la va bulavu bubwo ubu hongeranga mihiga nemihiga, na madiku gelisyoma lilyo ga la vita.

Isaya 60:20 ပူးပေါင်းရင်းမြစ်များ

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Isaya 24:23

Ma mweli gu li va netsisoni, neliuva li la va netsisoni; kigira Yahova wa mahe a lameha mu kigulu kya Zioni, nomu Yerusalemi; kandi imbiri wa avakulundu veve ha la va nobukumi.

Isaya 25:8

Naye u mali kumira likudza li vule kuva ho kandi mihiga nemihiga; Yahova Nyasaye a leya maliga mu mmoni mwosi; nelinyegwa lyavandu veve a la li twulidza mu lirova lyosi: kigira Yahova a vola yaga.

Isaya 30:19

Kigira avandu va la menya mu Zioni ha Yerusalemi; si u la lira kandi mba; ligali a la ku vererera ku mwoyo gwelilira lilyo; lwa a li hulira, a la ku tivulira.

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Isaya 60:1

Yuka, u ng'ereng'ane; kigira vv ubulavu bubwo bu duki, nobukumi bwa Yahova bu kyeye ku ive.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Isaya 65:19

Nda sangalira Yerusalemi, nda yanza mu avandu vange; mwoyo gwelisyoma si gu la hulirwa kandi mulyo mba, kinga mwoyo gwelilira.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Lisyoma lya Jeremia 5:21

U ku girunkannye ku ive, O Yahova, na ku la girunkannywa; Wirannye ubuhya ku madiku getu kuli ga matsyambiri.

Amosi 8:9

Na ga la duka mu lidiku yilyo, Mwami Nyasaye a vola, Nda yeridza liuva mbasu hagati, na nda mwaminya kivala inyinga yombasu gu valanga.

Zekaria 14:7

navutswa li ia va lidiku lilala lya manye kana ku Yahova; si gu veye mbasu kinga ubudiku: navutswa ga la va, inyinga yomgolova ubulavu bu la va ho.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.

Likunula 21:4

kandi a leya vosi sa mulala amaliga mu tsimoni tsyavo; nelikudza si li la va ho kandi; kandi lisyoma, nelilira, nobusaliri, si vi la va ho kandi: vindu vyokutanga vi mali kuvita.