Isaya 60:2 - KITABU KITAKATIFU

² Kigira, henza, kisundi ki la kunika lirova, nekisundi kinene ki la kunika avetsihiri: navutswa Yahova a la kya ku ive, nobukumi bwibwe bu la loleka ku ive.

Isaya 60:2 ပူးပေါင်းရင်းမြစ်များ

1 Avami 8:11

kuduka va vula kunyala kusingira, yavo avasalisi kutumika kigira lilesi; kigira ubukumi bwa Yahova bwizula inyumba ya Yahova.

Zaburi 102:16

Kigira Yahova yombaki Zioni; U loleki nobukumi bwibwe.

Zaburi 80:1

U hulire, O Mwayi wa Israeli, Ive wimiranga Yosefa kuli kyayo kva magondi; Ive wikalanga igulu wa vakerubi u ng'ereng'ane.

Isaya 2:5

O inyumba ya Yakobo, hambi, ku gende mu bulavu bwa Yahova.

Isaya 4:5

Kandi igulu wohokumenya hosi mu kigulu kya Zioni, na igulu wa mavugano gakyo, Yahova a la lomba lilesi nomwoki inyinga yombasu, nobung'ering'anu bwomuliru gwolumemo inyinga yobudiku; kigira kyokukunika ki la kunika ubukumi bwosi.

Isaya 58:10

kandi nu u va ni wehaana ive mwene kuvererera wenzala, nokwigutidza mwoyo gudambidzangwa: hene yaho ubulavu bubwo bu la vuka mkisundi, nekisundi kikyo kinene ki la va ku]i mbasu hagati;

Isaya 58:8

Hene yaho ubulavu bubwo bu la kya kuli mugamba, na lihonywa lilyo li la sebuka bwangu: nobulungi bubwo bu limirira imbiri wowo; nobukumi bwa Yahova bu la ku londa.

Isaya 62:1

Kigira liva lya Zioni si nda v girunkana mba, na kigira liva lya Yerusalemi si nda sosa mba, kuduka ubulungi bwalyo bu lang'aminywe kuli ubung'ereng'anu, nobuhonnyi bwalyo kuli itaya yaakanga.

Isaya 66:11

mu duka kununa nokwiguta ku tsimbeere tsyelileminya mwoyo lilyo; mu duke kukera, nokusangalira bunyingi bwobukumi bwibwe.

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Ezekieli 10:4

Ubukumi bwa Yahova bwa nina igulu kutwula ku mukerubi, na bwa singira ku mukingi gwenyumba; nenyumba yizula lilesi, nomugidzi gwizula ubung'ering'anu bwobukumi bwa Yahova.

Kyavalevi 9:23

Na Musa na Haruni vingira mu lihema lyokuvuganira mu, na va twula, ni va gasidza avzndu: na ubukumi bwa Yahova bwa loleka ku avandu vosi.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Livalidza 16:19

Na Kora ya vungidza livugana lyosi kuhing'ana navo ha kiliango kyelihema lyokuvuganira mu: na ubukumi bwa Yahova bwa loleka imbiri welivugana lyosi.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Matayo 23:19

Mwinye avaboku: ki li ha kinene, isadaka, nabo ubwali bu kola isadaka i ve intakatifu?

Matayo 23:24

Avimiri vaboku, mu lomba kiseso kwigalira ingi, navutswa mu mira ing'amia.

Yohana 1:1

Mu litanga ya li ho Inkuva, kandi Inkuva ya li ho halala na Nyasaye, kandi Inkuva ya li Nyasaye.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 8:55

na mwinye si mwa mu manya: navutswa inze mmanyi, na inze ni mba ni mbola, Si mu manya nda va mbehi kuli mwinye: navutswa inze mmanya kandi ngumira likuva lilye.

Vikolwa 14:16

Naye inyinga yamakula aga vita, ya leka tsihiri tsi londe miima gyavo avene.

Vikolwa 17:23

Kigira lwa nda vita, ni mbenza vindu vyemiluka gyenyu, nda nyola kandi bwali bulala bwa ng'odwa amakuva yaga, BWA NYASAYE U TA MANYWA. Inze mmu vuulira yiki kya mu kolera miluka bugira kukimanya.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

2 Vakorintho 3:18

Navutswa kwinye kwosi nomumoni mwa vula kukunikwa ubwasasu ku lolanga ubukumi bwo Mwami kuli mu kyeloleru, ku girukannyangwa kuduka ligondo lilala kutwula ku bukumi kuduka ku bukumi, kuli ku Mwami, Roho uyu.

Vakolosai 1:13

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: