Isaya 60:19 - KITABU KITAKATIFU

¹⁹ Liuva li la vula kuva ubulavu bubwo kandi inyinga yombasu; kandi ku bung'e reng'anu yibwo mweli si gu la ku ha ubwaaku kandi: navutswa Yahova a la va ubulavu bwemihiga nemihiga ku ive, Nyasaye wowo a la va bukumi bubwo.

Isaya 60:19 ပူးပေါင်းရင်းမြစ်များ

Zaburi 3:3

Navutswa ive, O Yahova, u veye ingavo yange; Ubukumi bwange, kandi u ginganga mutwe gwange.

Zaburi 36:9

Kigira kisenukiru kvamadzi gelivamwoyo ki veye ku ive: Mu ubulavu bubwo ku la lola ubulavu.

Zaburi 4:2

Mwinye, avana va avandu, kuduka inyinga ki ubukumi bwange bu la girunkanywa kuva lilegwa? Mu la yanza vyavutswa tsinyinga tsyanga, nokwenya ububehi? [Selaha

Zaburi 62:7

Nyasaye a veye lihonywa lyange na ubukumi bwange: Lwanda lwetsingulu tsyange, na hokwivisa mu hange vi veye mu Nyasaye.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Zaburi 84:12

O Yahova wa mahe Mundu u suuviranga ive a veye nobugasu.

Isaya 2:5

O inyumba ya Yakobo, hambi, ku gende mu bulavu bwa Yahova.

Isaya 24:23

Ma mweli gu li va netsisoni, neliuva li la va netsisoni; kigira Yahova wa mahe a lameha mu kigulu kya Zioni, nomu Yerusalemi; kandi imbiri wa avakulundu veve ha la va nobukumi.

Isaya 28:5

Mu lidiku yilyo Yahova u a mahe a la va itaji yobukumi, negudwa yobulahi, ku vatigala aveve;

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 45:25

Mu Yahova visukululwi vyosi vya Israeli va la hebwa ubulungi, na va la mkuminya.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Isaya 60:1

Yuka, u ng'ereng'ane; kigira vv ubulavu bubwo bu duki, nobukumi bwa Yahova bu kyeye ku ive.

Isaya 9:2

Avandu va genda mu kisundi va loli ubulavu bunene: yavo va menya mkivala kvekiriri kyelikudza, ubulavu bu ng'e ring'ani kuvo.

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Zekaria 2:9

Kigira, henza, nda sung'usa mukono gwange kuvo, na va la va avalanye ku yavo ava va tumekira; na mu la manya Yahova wa mahe ya ntuma.

Luka 2:32

Ubulavu bwokuvuulira Tsihiri, Kandi ubukumi bwavandu vovo Israeli.

Kwidzulitsa 10:21

A veye lidzominywa lilyo, na Nyasaye wowo, wa ku kolera vindu yivi vinene vyelitihidza, vyetsimoni tsitsyo tsi loli.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.