Isaya 60:18 - KITABU KITAKATIFU

¹⁸ Kirage ki la vula kuhulirwa kandi mu kivala kikyo, kandi litigala hatswa, nobwoneku si vi la va mu tsinzako tsitsyo mba; navutswa madigi gogo u la ga gulika lieta yili, Ubuhonnyi, neviribwa vivyo u la vi gulika lieta Lidzominya.

Isaya 60:18 ပူးပေါင်းရင်းမြစ်များ

2 Samweli 7:10

Na nda laga ubogono bwavandu vange Israeli, na nda va simika, va duke ku menya mbogono bwavo avene, na va la vula kusundwa kandi; kinga avana vobudamano si va la va nyangi dza kandi mba, kuli matsyambiri

Zaburi 147:14

A kola tsinzako kuva mirembe; A kwigutidzanga nengano indahi ligali.

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 2:4

Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.

Isaya 26:1

Mu lidiku yilyo lwimbu yilu lulimbwa mu kivala kya Yuda: Ku veye nelidala lyetsingulu, a la laga ubuhonnyi kuva madigi nempinga.

Isaya 26:2

Mwigule viribwa, ihiri yobulungi i lindanga geligali i duke kwingira.

Isaya 51:19

Vindu yivi vyombi vi ku gwiye; ni bwaha u li vererera ive? Lyeseganwa nobwo neku, nenzala, nekivavi; nda ku lemi nya mwoyo kuli ndi?

Isaya 54:14

U la dinyeridzwa mu bulungi: u la va ihale ku lidambidza, kigira si u la tia mba; na ihale ku litihidza, kigira li la vula kwisunda himbi ku ive.

Isaya 56:5

Nda haana kuvo lidzulitsa na ameta mu inyumba yange, mu madigi gange ga li va malahi kuvita kuva navayai navakana; nda va ha lieta lyemihiga nemihiga, li la vula kutwulidzwa.

Isaya 60:11

Viribwa vivyo vi ligulwa madiku gosi; si vi la hanwa mbasu kinga budiku avandu va duka kukuletera ubutugi bwa vetsihiri, na avami vavo va limi rirwa va li avahambe.

Isaya 60:17

Nda leta ithahabu mbugono bwomugasa, na nda leta ifetha mbugono bwevivya, nomugasa mbugono bwomusala, na vivya mbugono bwamagina. Nda kola avasingeriri vovo kuva mire mbe, navasololi vovo kuva ubulungi.

Isaya 61:11

Kigira kuli lirova li sebukanga musoga gwekimuli, na kuli mulimi gu virukidzanga vindu vya tagwa mu; ni ndiyo Mwami Nyasaye a li virukidza ubulungi nelidzominywa kuviruka imbiri wetsihiri tsyosi.

Isaya 62:10

Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera.

Isaya 62:4

Si u la langwa kandi Lilekwa; kandi kivala kikyo si ki la langwa kandi Kyere: navutswa u la langwa Hefiziba (livola li Deye ubusangali bu ange bu veye mu uyu), nekivala kikyo ki la langwa Beula (li vola li veye Ira ku ehu a); kigira Yahova a sangalira ive, nekivala kikyo ki la kwebwa.

Isaya 62:7

kandi mu ta mu ha lisosa, kuduka lwa a dinyeridza, nokukola Yerusa lemi kuva lidzominywa mu lirova.

Ezekieli 42:20

Ya gera tsimbega tsyosi tsine: tsya kumbiridzwa nolugaga lwelidigi tsimbega tsyosi, ubutambi bwalyo tsimia tsitano, nobugalamu bwalyo tsimia tsitano, kuduka kwavukannya hatakatifu, na ha avandu vosi.

Mika 4:3

naye a la kalaga hagati ha avandu vanyingi, na a la gondokera tsihiri tsyetsingulu tsya ihale, va la tula vivavi vyavo kulomba tsimbago, na matimo gavo kulomba mihidzu; ihiri i la vula kuginga kivavi ku ihiri yindi, kandi si va legidzwa ubulwani kandi mba.

Zefania 3:19

Henza, inyinga yeyo nda kola inkuva ku vosi avadambidzanga ive; na nda honnya uyu u segeranga, na ava kungwa nda va vungidza; nda va kola kuva lidzominywa, nelieta avetsisoni tsyavo tsya li mu lirova lyosi.

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Zekaria 2:9

Kigira, henza, nda sung'usa mukono gwange kuvo, na va la va avalanye ku yavo ava va tumekira; na mu la manya Yahova wa mahe ya ntuma.

Zekaria 9:8

Na nda singeridza mahema gange kukumbiridza inyumba yange, kigira lihe, ha ta va novita kinga wirana kandi mudambidzi ku vosi si a la vita hagati havo mba: kigira inze kalunu ndolanga netsimoni tsyange.