Isaya 60:16 - KITABU KITAKATIFU

¹⁶ U la nuna amaveere gavetsihiri, na u la nuna tsimbeere tsyavami; na u la manya inze, Yahova, mbeye Muhonnyi wowo, Mutungiri wowo, Wanyala Vyosi wa Yakobo.

Isaya 60:16 ပူးပေါင်းရင်းမြစ်များ

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Isaya 1:24

Kigira yaga Yahova a vola, uyu Yahova wa amahe, uyu Wanyala wa Israeli, O, inze ndeyahula ku yavo avasigu vange, nokuvanza kisalya kuvo ava hing'ana ninze;

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 19:20

Na gu la va kilolekidzu nekyokumanyira gu vuula Yahova wa mahe mu kivala kya Egepeti; kigira va lanira Yahova ki gira yavo ava va dambidzanga, naye a la leta kuvo muhonnyi, nokuvasola, na a la va honnya.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 29:24

Na yavo ava hyolanga mu myoyo gyavo va la nyola li manya, na yavo va monyanga va legidzwa megidzo.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 43:11

Inze, yee, inze mbeye Yahova; na a ta li inze si ha veye nomuhonnyi.

Isaya 45:15

Ligali ive u veye Nyasaye wivisanga mwene, O Nyasaye wa Israeli, Muhonyi.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 52:6

Kigira yaga avandu vange va la manya lieta lyange: kigira yaga va la manya mu lidiku lilyo ni inze u volanga; mu henze a veye inze.

Isaya 59:20

Na Mutungi a Iadza ku Zioni, nokuduka ku yavo ava girunkana nokuleka mahyolo mu Yakobo, Yahova a vola.

Isaya 60:17

Nda leta ithahabu mbugono bwomugasa, na nda leta ifetha mbugono bwevivya, nomugasa mbugono bwomusala, na vivya mbugono bwamagina. Nda kola avasingeriri vovo kuva mire mbe, navasololi vovo kuva ubulungi.

Isaya 61:6

Navu tswa mwinye mu la langwa avasalisi va Yahova; avandu va la langa mwi nye avatumekiri va Nyasaye wetu: mu la lia ubutugi bwa vetsihiri, rnu leyidzominya nobukumi bwavo.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Isaya 63:8

Kigira ya vola, Ligali, va veye avandu vange, avana ava li vula kukola nobugadi: kunangwa ya li Muhonnyi wavo.

Isaya 66:14

Mu la lola yaga, na mwoyo gwenyu gu la sangala, nevigumba vyenyu vi la dedema kuli bunyasi budoto: na mukono gwa Yahova gu la manyekana ku vatumekiri veve; naye a la va nobutima ku avasigu veve.

Jeremia 15:21

Na nda honnya ive kutwula mmukono gwavadamano, na nda tungira ive kutwula mmukono gwa uyu u tihidzanga.

Ezekieli 34:30

Na va la manya inze, Yahova Nyasaye wavo, mbeye halala navo, kandi inyumba ya Israeli i veye avandu vange, Mwami Nyasaye a vola.

Likunula 21:24

Kandi tsihiri tsi la genda mu bulavu bwalyo: navami velirova va leta ubukwni bwavo mulyo.

Likunula 21:26

kandi va la leta ubukumi nelidzominya lyetsihiri mulyo: