Isaya 60:15 - KITABU KITAKATIFU

¹⁵ Kuli wa lekwa nokudunyirwa, kuduka ni ha vula kuva nomundu wa vita hagati hoho, nda ku kola u ve ubunene bwemihiga nemihiga, ubusangali bwa makula manyingi.

Isaya 60:15 ပူးပေါင်းရင်းမြစ်များ

Isaya 25:8

Naye u mali kumira likudza li vule kuva ho kandi mihiga nemihiga; Yahova Nyasaye a leya maliga mu mmoni mwosi; nelinyegwa lyavandu veve a la li twulidza mu lirova lyosi: kigira Yahova a vola yaga.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 4:2

Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.

Isaya 6:11

Hene yaho nda teva, Yahova, kuduka inyinga ki? Naye ya ntivulira, Kuduka lwa madala ga kolwa mang'anye bugira mundu, netsinyumba bugira avandu, nekivala ki tigala kyere,

Isaya 6:12

na Yahova a va hile ihale ligali, na ha lekwa vutswa ha la va hanyingi mu kivala.

Isaya 61:7

Mbugono bwetsisoni tsyenyu mu la nyola hali kaviri; na mbugono bwelidambidzwa va la sangala mu kidieli kyavo: kigira yaga mu kivala kyavo va la nyola hali kaviri; kuvo li la va lisangala lyemihiga nemihiga.

Isaya 62:4

Si u la langwa kandi Lilekwa; kandi kivala kikyo si ki la langwa kandi Kyere: navutswa u la langwa Hefiziba (livola li Deye ubusangali bu ange bu veye mu uyu), nekivala kikyo ki la langwa Beula (li vola li veye Ira ku ehu a); kigira Yahova a sangalira ive, nekivala kikyo ki la kwebwa.

Isaya 65:18

Navutswa mu ve nobuyanzi mu sangale madiku gosi mu vya nombanga; kigira, henza, nombanga Yerusalemi li ve lisangala, navandu veve kuva ubuyanzi.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Jeremia 30:17

Kigira inze ndirannya ku ive ubulamu bubwo, nda ku honnya tsing'oma tsitsyo, Yahova a vola; kigira va ku langa wakungwa, ua rola, Liveye Zioni, li ta veye ho nomundu u lyenyanga.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Nahum 2:2

Kigira Yahova a letanga kandi ubunene bwa Yakobo, kuli ubunene bwa Israeli; kigira ava tsukanga va tsuki yavo, nokwononnya tsitsya tsyomuzabibu gwavo.

Zekaria 7:14

navutswa nda va salannya nembuudza yekihudzudzi hagati hetsihiri tsyosi tsya va vula kumanya. Ni ndiyo kivala yikyo kya li hatswa inyima wavo, kya duka kuva bugira mundu kali mulala wa vita hagati hakyo kinga wirana: kigira va kola hatswa kivala kya yanzidzangwa ligali.

Likunula 11:2

Kandi mugidzi gwetempeli u gu leke u ta gu gera mba; kigira tsihiri va hebeywi gwene yigu: nelidala litakatifu va la li duvaga imyeli amakumi gane na gyiviri.