Isaya 60:14 - KITABU KITAKATIFU

¹⁴ Navana vayai va yavo ava dambi dza ive va ladza kukwinamira; na yavo vosi ava ku lega va leyinaminya avene ha tsinduvatiru tsitsyo; na va la ku langa, Lidala lya Yahova, Zioni lyo Mutakatifu wa Israeli.

Isaya 60:14 ပူးပေါင်းရင်းမြစ်များ

Litanga 27:29

Avandu va tumekire ive, Na tsihiri tsi ku sigamire: Ive u ve mwami ku avamwavo vovo: Kandi avana va mama wowo va ku sigamire: Ku vosi a laama ive, a laamwe, Noku vosi a gasidza ive, a gasidzwe.

Litanga 42:6

Na Yosefa ya li mwami ku kivala; niye wa gulidza avandu vosi avekivala. Na avamwavo, va Yosefa va duka, na va mwinamira kudukidza mumoni mwavo hasi.

Zaburi 46:4

Gu veye ho mugera gwemigera gyagwo gyi yanzidzanga lidala lya Nyasaye, Hatakatifu ha mahema ga U Veye Igulu Ligali.

Zaburi 48:2

Li veye lilahi lyekidiguluku, ubuyanzi bwelirova lyosi, Kigulu kya zioni, ku tsimbega tsya kasikasini Lidala lya Mwam; munene.

Zaburi 87:3

Vindu vyobukumi vi volangwa ku ive, O lidala lya Nyasaye. [Selaha

Tsing'ano 14:19

Avadamano vinamanga hasi imbiri wavalahi; Na avekirage vinamanga ha viribwa vyavalungi.

Isaya 1:26

na ndi rannya avakalagi vovo kuli matsyambiri, na vavoli vovo kuli ma tsyambiri: na inyima wa yaga u la langwa Lidala lyobulungi, lidala lyo busuuvirifu.

Isaya 45:14

Yahova a vola yaga, Linyankana lyemiyinzi gya Egepeti, nevindu vyamaguli vya Ethiopia, na Vasabea, avandu va veye avatambi, va ladza ku ive, va la va avandu vovo: va la londa ive; va ladza ku ive neminyororo gyavo: va la gwa hasi imbiri wowo, va la ku saala, ni va vola, Ligali Nyasaye a veye hagati hoho; si ha veye nowundi, si ha veve na Nyasaye wundi.

Isaya 45:23

Inze nzisuhi, inze mwene, likuva li mali kutwula mu munwa gwange mu bulungi, na li la vula kwirana, masigamo gosi ga la sigamwa imbiri wange, tsinimi tsyosi tsi lisuha.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 62:12

Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Ezekieli 36:15

kandi si nda leka ive kuhulira tsisoni tsyavetsihiri kandi mba, kandi si u la ginga amanyego gavandu kandi mba, kandi si u likigitalidza ihiri yoyo kandi mba, Mwami Nyasaye a vola.

Ezekieli 39:7

Na nda mannya lieta lyange litakatifu mu avandu vange Israeli; kandi si nda bugirira lieta lyange litakatifu lyononnywe kandi mba: na tsihiri tsi la manya inze mbeye Yahova, Mutakatifu wa Israeli.

Joeli 3:8

na nda gulidza avana venyu avayai na avakana ku makono ga avana va Yuda, navo va la va gulidza ku avasatsa va Sheba, ku ihiri i veye ihale ligali: kigira Yahova u voye yaga.

Zefania 3:19

Henza, inyinga yeyo nda kola inkuva ku vosi avadambidzanga ive; na nda honnya uyu u segeranga, na ava kungwa nda va vungidza; nda va kola kuva lidzominywa, nelieta avetsisoni tsyavo tsya li mu lirova lyosi.

Zekaria 8:23

Yahova wa mahe a vola: Mu madiku yago ga la duka, avandu likumi va la gumira, mu vandu vetsinimi tsyosi tsyetsihiri, va la gumira ingubo ya uyu u veye Muyuda nokuvola, Ku la genda halala nive, kigira ku huliye kuli Nyasaye a veye halala na mwinye.

Vahebraina 12:22

Navutswa mwinye mu duki ku kigulu Zioni, noku lidala lya Nyasaye welivamwoyo, Yerusalemi lyomigulu, noku mahe ga ta valika getsingelosi,

Likunula 14:1

Kandi nda lola, henza, Mwana Weligondi na a singiye ku kigulu kya Zioni, kandi halala naye avandu tsielfu mia na makumi gane na tsine, ava li nelieta lilye kandi lieta lya Dada wewe li ng'odeywi mu bweni bwavo.

Likunula 3:12

Uyu u guutanga nda mu kola itiru mu litempeli lya Nyasaye wange, kandi si a la tsia kyova kandi mba: kandi nda ng'oda kuye lieta lya Nyasaye wange, nelieta lyelidala lya Nyasaye wange, Yerusalemi lihya, liikanga kutwula migulu ku Nyasaye wange, kandi nda ng'oda kuye lieta lyange, inze mwene, lihya.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.