Isaya 60:11 - KITABU KITAKATIFU

¹¹ Viribwa vivyo vi ligulwa madiku gosi; si vi la hanwa mbasu kinga budiku avandu va duka kukuletera ubutugi bwa vetsihiri, na avami vavo va limi rirwa va li avahambe.

Isaya 60:11 ပူးပေါင်းရင်းမြစ်များ

Nehemia 13:19

Na ga duka, lwa viribwa vya Yerusalemi vya tanga kuva kisundi imbiri welidiku lyelisabato, nda laga viliango vi hanwe, kandi nda laga vi vule kwigulwa; kuduka inyima weli sabato li vita: na nda vika avalala ku vatumekiri vange kulinda viribwa, musigo kali mulala gu vule kuletwa mu ku lidiku lyelisabato.

Zaburi 149:8

Kuboha avami vavo neminyororo, Na avanene vavo neminyororogyekivya;

Isaya 24:21

Na ga la va mu lidiku yilyo, Yahova a la kalagira kiduma kya yavo aveginga igulu, navami velirova ava veye ku lirova.

Isaya 26:2

Mwigule viribwa, ihiri yobulungi i lindanga geligali i duke kwingira.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Isaya 60:18

Kirage ki la vula kuhulirwa kandi mu kivala kikyo, kandi litigala hatswa, nobwoneku si vi la va mu tsinzako tsitsyo mba; navutswa madigi gogo u la ga gulika lieta yili, Ubuhonnyi, neviribwa vivyo u la vi gulika lieta Lidzominya.

Isaya 60:5

Hene yaho u la lola nokung'ereng'anywa, na mwoyo gugwo gu la vukidzwa nokuneneha; kigira ubunyingi bwenyanza bu la girunkanywa budze ku ive, buhinda bwavetsihiri bu ladza ku ive.

Isaya 61:6

Navu tswa mwinye mu la langwa avasalisi va Yahova; avandu va la langa mwi nye avatumekiri va Nyasaye wetu: mu la lia ubutugi bwa vetsihiri, rnu leyidzominya nobukumi bwavo.

Isaya 62:10

Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera.