Isaya 6:9 - KITABU KITAKATIFU

⁹ Naye ya mbolera, Tsia, u volere avandu yava, Mu hulire ligali, navutswa mu ta manya; mu henze ligali, navutswa mu ta lola mba.

Isaya 6:9 ပူးပေါင်းရင်းမြစ်များ

Tsing'ano 28:5

Avandu avadamano si va manya likalaga; Navutswa yavo avenyenga Yahova, va manya vyosi.

Isaya 28:13

Kigira yaga likuva lya Yahova li la va kuvo ndi, lilaga ku lilaga, lilaga ku lilaga; luvaso ku luvaso, luvaso ku luvaso; yiyi kikekeke, na yiyi kikekeke; va duke kutsia, nokugwa mugongo, nokuvunanywa, nokuhambwa nomutego, nokuvugulwa.

Isaya 29:10

Kigira Yahova u tsuki ku mwinye roho gwetsindolo tsinene, na u vakulidzi tsimoni tsyenyu avaproieti; na mitwe gyenyu, avaioli, u gyi kuniki.

Isaya 29:13

Na Yahova ya vola, Kigira avandu yava visundi ku inze, na va nzidzominya nomunwa gwavo neminya gyavo, navutswa myoyo gyavo va gyi sundi ihale kutwula ku inze, nelitia lyavo lya va tidzanga inze li veye lilaga lyavandu lya vegidzwa:

Isaya 29:14

kunangwa kigira yaga, henza nda kola kandi miyinzi gyeligenya hagati ha avandu yava, miyinzi gyeligenya, likuva lyokugenya nokuhuga; nobugeeri bwavageeri vavo bu la gota, nelimanya lyavetsiganagani vavo li la viswa.

Isaya 42:20

Ive u lola vindu vinyingi, navutswa si u vi vikanga ku mwoyo mba; amatu gege galami, navutswa si a huliranga.

Isaya 43:8

Leta avaboku ava va veye netsimoni, na va hana amatu ava veye namatu.

Jeremia 5:21

Mu hulire likuva yili, mwinye avandu avasiru, ava ta li nelimanya; ava veye netsimoni, na si mu lolanga; ava veye namatu, na si mu huliranga:

Ezekieli 12:2

Ive mwana womundu, u menyanga hagati henyumba yobwebaali, avandu vetsimoni tsyokulola, navutswa si va lolanga mba, avandu vamatu gokuhulira navutswa si va huliranga mba; kigira ni inyumba yobwebaali.

Hosea 1:9

Yahova ya vola, U mu gulike lieta lilye Loammi; kigira mwinye si mu veye avandu vange mba, na inze si nda va Nyasaye wenyu mba.

Marko 4:12

lihenza va henza va vula kulola; lihulira va hulira va vula kumanya; gase va leganira va samefwe ubwoni bwavo.

Luka 8:10

Ya vola, Mwinye mu hebeywi kumanya aga viswa gobwami bwa Nyasaye: navutswa avandi va kupangwa tsing'ano; lihenza va henza va ta lola, kandi lihulira va hulira va ta manya.

Yohana 12:40

Ya va fuma tsimoni tsyavo, kandi ya dinnya mwoyo gwavo; Gase va la lola netsimoni tsyavo, ni va manya nomwoyo gwavo, Ni veganira, Na inze mba honnye.

Varumi 11:8

kuli wa ga ng'odwa, Nyasaye ya va ha mwoyo gwetsindolo tsinene, tsimoni tsi vula kulola, namatu ga vula kuhulira, kali kuduka lidiku lya lero.

Kwidzulitsa 29:4

navutswa Yahova si ya mu ha mwoyo kumanya, kinga tsimoni kulola, kinga amatu kuhulira, kuduka lero.