Isaya 6:7 - KITABU KITAKATIFU

⁷ na ya dira munwa gwange nelianda zana, na ya mbolera, Henza, yili li ku diye minwa gyigyo; ubudamano bubwo bu twu lidzeywi, nobwoni bubwo bu same heywi.

Isaya 6:7 ပူးပေါင်းရင်းမြစ်များ

Isaya 40:2

Mu volere Yerusalemi agokuleminya; mu hanzuke kulyo, mu vole, ubulwani bwalyo bu heri, mahyolo gege ga sameheywi, u vuguye mu mukono gwa Yahova hali kaviri kigira ubwoni bwibwe bwosi.

Isaya 43:25

Inze, yee, inze niye weyanga mahyolo gogo kigira mwoyo gwange; na si ndidzulitsa ubwoni bubwo.

Isaya 53:10

Navutswa ga yanzidza Yahova kumukuya; ya mu vereridza: lwa u kola mwoyo gwigwe kuva kyokusayasayira ubwoni, a la lola kisukululwi kikye, a la meda madiku gege, na ga Yahova a yanza ga la gasidzwa mmukono gwigwe.

Isaya 53:5

Navutswa ya tumitwa kigira ubwoni bwetu, na ya kindukira budamano bwetu; nelikuywa lyemirembe gyetu lya gwa kuye, ku tsinkavaala tsitsye kwinye ku honnywa.

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Isaya 57:19

Inze mbeye mulombi wa makuyu geminwa: Mirembe, mirembe, ku uyu u veye ihale noku uyu u veye ahimbi, Yahova a vola; nda mu honnya.

Jeremia 1:9

Hene yaho nonoho Yahova ya nyira mukono gwigwe nokudira munwa gwange; Yahova ya mbolera, Henza, mbikanga makuva gange mrnunwa gugwo:

Danyeli 10:16

Na henza mulala wa fwana avana va avandu ya dira minwa gyange: ma nda kunula munwa gwange, nokuvolera uyu wa singira imbiri wange, O mwami wange, kigira lilola, liverera lyange lirani ku inze, na si mbeye netsingulu kandi mba.

Zefania 3:9

Kigira inyinga yeyo nda galukidzira avandu ululimi lulahi, vosi va duke kwanira lieta lya Yahova, va mu tumekire neliva lilala.

Zekaria 3:4

Naye ya tivula na a volera ava li ni va singiye imbiri wewe, na a vola, Mu navule tsingubo tsindamano tsi veye kuye. Naye ya mu volera, Henza, ubudamano bubwo mmali kubutwulidza ku ive, na nda ku vika tsingubo tsyobuguli budinyu.

Livalidza 16:46

Na Musa ya volera Haruni, Vugula kituva kikyo, u vike muliru gwobwali kukyo, u vike kimuli ku muliru, u tsie bwangu nakyo mu livugana, u va lombere kyokukunika ubwoni: kigira ubutima bu twuli ku Yahova; na iplegi i tangi.

Matayo 9:2

Kandi henza, va mu letera mundu wa fwogoya na a gona ku kitali: na Yesu lwa ya lola lisuuvira lyavo ya volera wa fwogoya, U leme mwoyo, mwana wange, u sameheywi bwoni bubwo.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.