Isaya 6:10 - KITABU KITAKATIFU

¹⁰ Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe.

Isaya 6:10 ပူးပေါင်းရင်းမြစ်များ

Zaburi 119:70

Mwoyo gwavo gu komera kuli maguta; Navutswa inze nsangalira mu itorati yoyo.

Zaburi 17:10

Mwoyo gwavo mudamano va hani ligali: Nomunwa gwavo va vola agobuhaga.

Zaburi 69:23

Va vakulidzwe tsimoni tsyavo, va vule kulola; Vikenge vyavo vi degeridzwe kazozo.

Kutwula 10:27

Navutswa Yahova ya dinyeridza mwoyo gwa Farao, naye ya sula kuvalakula va tsie.

Kutwula 11:10

Na Musa na Haruni va kola vyokugennya yivi vyosi imbiri wa Farao: na Yahova ya dinyeridza mwoyo gwa Farao, na si ya lakula avana va Israeli va twule mu kivala kikye.

Kutwula 14:17

Na inze nda dinyiridza myoyo gya Avaegepeti, navo va lingira inyima wavo, na inze nda nyola lidzominywa ku Farao, noku lihe lyosi, noku magari gelihe gege, noku avetsiparasi veve.

Kutwula 7:3

Na nda dinyeridza mwoyo gwa Farao na nda meda vilolekidzu vyange na vyokugenya vyange mu kivala kya Egepeti.

Tsing'ano 16:30

Uyu u mwolidzanga tsimoni tsitsye a kolanga kuganagana vikyamu: Uyu u sunnyanga minwa gyigye a kolanga vidamano.

Kohelethu 3:3

inyi nga yokwiita, nenyinga yokuhonnya; inyinga yokusambula, nenyinga yo kwombaka;

Isaya 19:22

Na Yahova a la kuya Egepeti, kukuya nokuhonnya; navo va lirana ku Yahova, naye a la bugirira lisaala lyavo, nokuvahonnya.

Isaya 28:13

Kigira yaga likuva lya Yahova li la va kuvo ndi, lilaga ku lilaga, lilaga ku lilaga; luvaso ku luvaso, luvaso ku luvaso; yiyi kikekeke, na yiyi kikekeke; va duke kutsia, nokugwa mugongo, nokuvunanywa, nokuhambwa nomutego, nokuvugulwa.

Isaya 29:10

Kigira Yahova u tsuki ku mwinye roho gwetsindolo tsinene, na u vakulidzi tsimoni tsyenyu avaproieti; na mitwe gyenyu, avaioli, u gyi kuniki.

Isaya 29:14

kunangwa kigira yaga, henza nda kola kandi miyinzi gyeligenya hagati ha avandu yava, miyinzi gyeligenya, likuva lyokugenya nokuhuga; nobugeeri bwavageeri vavo bu la gota, nelimanya lyavetsiganagani vavo li la viswa.

Isaya 29:9

Mu lindirire mu genye; mwesangalidze mu ve avoboku: yavo va hambiki, navutswa si i veye iwaini; va yekayeka, navutswa si ga veye nelihambika.

Isaya 44:18

Si va manya, kandi si va gana gana: kigira u va vakulidzi tsimoni tsyavo, va vule kulola; na myoyo gyavo va ta nyala kurnanya.

Isaya 63:17

O Yahova, kigira ki u ku gotidzanga ku tsinzira tsitsyo, nokukola myoyo gyetu kuva miliduhu mu litibwa lilyo? Yirana kigira avatumekiri vovo, tsihiri tsye miyandu gyigyo.

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Jeremia 5:21

Mu hulire likuva yili, mwinye avandu avasiru, ava ta li nelimanya; ava veye netsimoni, na si mu lolanga; ava veye namatu, na si mu huliranga:

Jeremia 6:10

Inze mbolerane na bwaha nokumulolekidza, va hulire? Henza, gutu gwavo si gu veye gwa kevwa, na si va nyala kuhulira: henza, likuva lya Yahova li gwiye linyega kuvo; si va veye nobuyanzi kulyo.

Lisyoma lya Jeremia 3:65

U la va ha budinyu bwomwoyo, vilaamo vivyo kuvo.

Zekaria 11:15

Na Yahova ya mbolera, U vugule kandi viju vyomwayi musiru.

Zekaria 7:11

Navutswa va sula ku hulira, na vegirunkannya haluvega, va hannya amatu gavo, va vule ku hulira.

Matayo 13:15

Kigira mwoyo gwavandu yava gu gwiye mudamano, Kandi amatu gavo si ga hulira bulahi Va hannyi tsimoni tsyavo; Gase va la lola netsimoni tsyavo, Nokuhulira namatu gavo Nokumanya mmwoyo gwavo, Nokweganira, Na inze mba honnye.

Yohana 12:40

Ya va fuma tsimoni tsyavo, kandi ya dinnya mwoyo gwavo; Gase va la lola netsimoni tsyavo, ni va manya nomwoyo gwavo, Ni veganira, Na inze mba honnye.

Vikolwa 28:27

Kigira mwoyo gwa vandu yava gu gwiye mudamano, Kandi amatu gavo ga hani, Kandi tsimoni tsyavo va mwolidzi; Gase va la lola netsimoni tsyavo, Kandi gase va la hulira namatu gavo, Kandi gase va la manya nomwoyo gwavo, Veganire, Mba honnye.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

2 Vakorintho 2:16

ha luvega lulala mwayu kutwula ku likudza kuduka ku likudza; ha luvega lundi mwayu kutwula ku livamwoyo kuduka ku livamwoyo. Kandi ibwaha a dukana nevindu yivi?

Kwidzulitsa 2:30

Navutswa Sihon mwami wa Heshibon si ya ku ha munwa kumuvita; kigira Yahova Nyasaye wowo ya dinyeridza roho gwigwe, na a vika mmwoyo gwigwe kirage, a duke kumbika mu makono gogo, kuli ga veye lero.

Kwidzulitsa 29:3

amageridzwa manene agetsimoni tsitsyo tsya lola, vilolekidzu, nevyokugennya vinene:

Kwidzulitsa 29:4

navutswa Yahova si ya mu ha mwoyo kumanya, kinga tsimoni kulola, kinga amatu kuhulira, kuduka lero.

Kwidzulitsa 31:20

Kigira lwa mmali kuvaleta mkivala kya ndisuhira avaguga vavo, ki gangalukanga amaveere nobwuki, navo lwa va mali kulia nokwiguuta, nokukomera; hene yaho va la girunkana ku vanyasaye vandi, nokuvatumekira, nokulega inze, nokwononya lilagana lyange.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.