Isaya 6:1 - KITABU KITAKATIFU

¹ Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

Isaya 6:1 ပူးပေါင်းရင်းမြစ်များ

1 Avami 22:19

Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

2 Avami 15:7

Na Azaria ya gona halala navaguga veve; na va mu ta halala navaguga veve mu lidala lya Daudi: na Jotham mwana wewe yameha bugono bwibwe.

2 Kyetsinyinga 18:18

Na Mikaia ya mu volera, Kunangwa mu hulire likuva lya Yahova: Nda lola Yahova ni yikaye ku intebe yeye yobwami, nelihe lyosi lyomigulu va singiye ha mukono gwigwe mu lungi na ha mukono gwigwe mmosi.

Ayubu 42:5

Nda li ni mbuliranga makuva gogo nelihulira lyogutu; Navutswa kalunu imoni yange i lola ive:

Zaburi 108:5

U nenehidzwe, O Nyasaye, igulu womigulu, Na ubukumi bubwo igulu welirova lyosi.

Zaburi 113:5

Ibwaha u leng'ana na Yahova Nyasaye wetu U veye nentebe yeye igulu

Zaburi 46:10

Mu kiring'ane, mu manye inze mbeye Nyasaye: Nda nenehidzwa mu tsihiri, nda nenehidzwa mu lirova.

Kutwula 24:9

Hene yaho Musa, na Haruni, na Nadabu, na Abihu, na avakulundu makumi gatano na gaviri va Israeli vanegira:

Isaya 1:1

Yaga na malola ga Isaya mwana wa Amozu, ya lola ku makuva ga Yuda na Yerusalemi, mmadiku ga Uzia, na Jotham, na Ahazu, na Hezekia, avami va Vayuda.

Isaya 12:4

Na mu lidiku yilyo mu la vola, Mu santidze Yahova, mwa nire lieta lilye, mu landidze vikolwa vivye mu tsihiri, mu vole lieta lilye lya nenehidzwa ligali.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 66:1

Yahova a vola yaga, Ligulu li veye intebe yange yobwami, na lirova li veye intebe yevirenge vyange: mu la nyombakira inyumba yo lugano ki? Kandi ni haliha ha duka kuva hango hange hokusosa?

Ezekieli 1:1

Ma ga duka ku muhiga gwa makumi gavaka, mweli gwegyine, lidiku lya gatano lyomweli, lwa nda li hagati ha yavo avadikidzwa, ahimbi nomugera gwa Kebari, ligulu ligulika, na nda lola malola ga Nyasaye.

Ezekieli 10:1

Hene yaho nda lola, henza, mu bwerefu bwa li igulu womutwe gwa vakerubi ha loleka igulu wavo kindu kuli ligina lya isafiro, na liloleka lyalyo lya li kuli intebe yobwami.

Ezekieli 10:4

Ubukumi bwa Yahova bwa nina igulu kutwula ku mukerubi, na bwa singira ku mukingi gwenyumba; nenyumba yizula lilesi, nomugidzi gwizula ubung'ering'anu bwobukumi bwa Yahova.

Danyeli 10:17

Kigira, mutumekiri womwami wange uyu, a nyala ndi kuvolerana na uyu mwami wange? Kigira ku inze mwene, nonoho tsingulu tsyange tsya vula, kandi mwika si gwa tigala mu inze.

Danyeli 7:9

Na inze nda henza kuduka inyinga tsintebe tsyobwami tsya vikwa, na mulala wa li Muhindira wa madiku, yikala ku: tsingubo tsitsye tsya li tsindavu kuli likonza na lisu lyoku mutwe gwigwe lya li kuli bwoya bweligondi bwere; intebe yeye ya li kuli ulumemo lwomuliru, na tsingida tsyayo tsya li muliru gwaakanga.

Livalidza 12:8

na inze nda volerana naye munwa na munwa, kali havulavu, si ga veye ku livola lya hamwamu; naye a la lola lifwana lya Yahova: kunangwa kigira ki si mwa tia kuvola limonya ku mutumekiri wange, Musa?

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 12:41

Vindu yivi Isaya ya vola kigira ya lola ubukumi bwibwe; kandi ya vola kuye.

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

Likunula 15:8

Kandi litempeli lizula mwoki gwa twula ku bukumi bwa Nyasaye, noku tsingulu tsitsye; kandi si ha li nomundu wa nyala kwingira mu litempeli, ki luhe ki duke kiheri kyamaduya gatano na gaviri getsingelosi vatano na vaviri.

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.

Likunula 3:21

Uyu u guutanga, kuli inze nda guuta, nokwikala halala na Dada mu intebe, nda mu ha yikale halala na inze mu intebe yange.

Likunula 4:10

avakulundu makumi gaviri na vane va la gwa imbiri wa uyu wikaye ku intebe, nokusigamira uyu u veye mwoyo mihiga nemihiga, nokuta hasi tsitaji tsyavo imbiri wentebe, ni va vola,

Likunula 4:2

Nonoho nda li mu Roho; kandi henza, intebe ya vikwa migulu, nomulala yikala ku intebe;

Likunula 4:3

kandi uyu wikala ku ya li neligondo kuli ligina lya ijasipi nelya isadio: kandi kya li ho kisahi kya kumbiridza intebe, kya li neligondo lyezumaradi.

Likunula 4:9

Kandi vilombe vi veye mwoyo lwa vi li ha uyu wikaye ku intebe ubukumi, nelidzominya, nelisantidza uyu u veye mwoyo mihiga nemihiga,

Likunula 5:1

Kandi nda lola mu mukono mulungi gwa uyu wikaye ku intebe, kitabu kya ng'odwa mugati nokwigulu, kya vikwa mihuri gyitano na gyiviri.

Likunula 5:7

Yadza na a vugula kitabu mu mukono mulungi gwa uyu wikaye ku intebe.

Likunula 6:16

navo va volera vigulu namagina, Ku gwiri nokukuvisa imbiri wa uyu wikaye ku intebe, kandi ku butima bwo Mwana Weligondi;