Isaya 59:9 - KITABU KITAKATIFU

⁹ Kigira yaga likalaga lyobulungi li veye ihale nekwinye, kandi ubulungi si bu ku nyola: kwenyanga bulavu, navutswa henza, ni kisundi; kwenyanga ubwaku, navutswa, ku gendanga mkisundi kinene.

Isaya 59:9 ပူးပေါင်းရင်းမြစ်များ

Ayubu 19:8

Wigaliye inzira yange mbule kuvita Nokuvika kisundi mu tsinzira tsyange.

Ayubu 30:26

Lwa ndenya bulahi, ma ubuda mano bwa duka; Na lwa nda lindira ubulavu, kisundi kya duka.

Zaburi 82:5

Si va manya, kandi si va manyiridza; Va gendanga yiyi na yiyi mu kisundi: Mise gyosi gyelirova gyi degeridzwa.

Tsing'ano 4:19

Inzira yomudamano i fwanananga nekisundi: Si va manya kya vikigitalidza.

Isaya 5:30

Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Isaya 59:11

Kwosi kufwumanga kuli tsiduba, na ku liranga kuli makulu: kwenyanga likalaga lyobulungi, navutswa si li veye ho; kwenyanga ubuhonnyi, navutswa bu veye ihale ku kwinye.

Isaya 59:14

Likalaga li girunkanywa kutsia inyuma, na bulungi bu singiye ihale; kigira ageligali ga gwiye mu lihasi, na bulungi si bu nyala kwingira.

Isaya 59:8

Si va manya inzira yemirembe; si ha veye nelikalaga lilungi mu tsing'endo tsyavo: velombeye tsinzira tsyobukyamu; ku vosi u genda kutsyo si a manya mirembe mba.

Isaya 8:21

Va la vita hagati havyo, ni va tameywi, ni va veye nenzala, kandi ga la va, lwa va la va nenzala, va la vihirirwa, na va laama ku mwami wavo noku Nyasaye wavo, nokuginga tsimoni tsyavo ku henza igulu:

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Jeremia 14:19

Ive u mali kusula Yuda ligali? Mwoyo gugwo gu dunyira Zioni? Kigira ki u ku kuyi, na si ku veye nobuhonnyi? Kwa li ni kwenya mirembe, navutswa bulahi si bwadza mba; ku enya inyinga yobuhonnyi, na, lya li litimuka enkolo

Jeremia 8:15

Kwa henza ku nyole mirembe, navutswa ubulahi si bwadza mba: kwa henza inyinga yeli honya, nayo ya li ligenya.

Lisyoma lya Jeremia 3:2

Ya nzimirira nokung'endidza mu kisundi, si mwa li mu bulavu.

Lisyoma lya Jeremia 4:14

Va voyavoya kuli vaboku mu tsinzira, va vikeywi budamano bwa masahi, Kuduka avandu si va nyala kudira tsingubo tsyavo.

Amosi 8:9

Na ga la duka mu lidiku yilyo, Mwami Nyasaye a vola, Nda yeridza liuva mbasu hagati, na nda mwaminya kivala inyinga yombasu gu valanga.

Mika 1:12

Kigira u menyanga Marothu a lindiriranga kunyola bulahi; kigira ubudamano bwiki kutwula ku Yahova kuduka ku kiribwa kya Yerusalemi.

Habakuk 1:13

Ive u veye netsimoni tsindahi, tsi ta nyala kulola ubudamano, na u ta nyala kulola ubukyamu, kigira ki u henzanga yavo ava kolanga ubu gadi, na ive u kiring'ananga inyinga mudamano a miranga mundu wobulungi bu vita bwo mwene uyu;

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.