Isaya 59:18 - KITABU KITAKATIFU

¹⁸ Kuli likola lyavo, ni ndiyo a la tunga, ubululu ku yavo ava hing'ana naye, litunga ku avasigu veve; visulu a la vi tunga litungwa.

Isaya 59:18 ပူးပေါင်းရင်းမြစ်များ

Ayubu 34:11

Kigira a la tunga mundu miyinzi gyigye, Na mundu sa mulala a la mu kola kunyola kuli tsinzira tsitsye.

Zaburi 62:12

Kandi tsimbabasi tsyobuyanzi tsi veye tsitsyo, O Mwami; Kigira u tunganga ku avandu sa mulala kuli miyinzi gyigye.

Isaya 1:24

Kigira yaga Yahova a vola, uyu Yahova wa amahe, uyu Wanyala wa Israeli, O, inze ndeyahula ku yavo avasigu vange, nokuvanza kisalya kuvo ava hing'ana ninze;

Isaya 35:4

Mu volere ava veye nomwoyo gwobutii, Mu ve avagulu, mu ta tia mba: henza, Nyasaye wenyu a ladza nekisalya, halala ne litunga lya Nyasaye; a ladza kumuhonya.

Isaya 40:10

Henza, Mwami Nyasaye a ladza kuli Wanyala, na mukono gwigwe gu leyamehira mwene: Henza, madanyi gege a veye nago halala, na litunga lilye li veye imbiri wewe.

Isaya 49:4

Navutswa inze nda vola, Nda nyankana vutswa ku miyinzi, nda tumekira tsingulu tsyange vutswa, bugira kukonya kindu; halala na yaga likalagirwa lyange li veye ku Yahova, litungwa lyange li veye ku Nyasaye wange.

Isaya 63:3

Inze mali ku duvaga kyokumina iwaini tsyeng'ine; na ku avandu si ha li nomundu halala na inze: yee, nda va duvaga nobutima bwange, nokuvaduvaga ligali nobu tima bwange bululu; na masahi geli vamwoyo lyavo ga salikira ku ingubo yange, na mmali kwononnya tsingubo tsyange tsyosi.

Isaya 63:6

Na nda duvaga avandu nobutima bwange, nokuvahambikidza nobutima bwange bululu, na nda tsuka masahi gelivamwoyo lyavo ku lirova.

Isaya 65:6

Henza, likuva yili li ng'odeywi imbiri wange: si nda kiring'ana, navutswa nda tunga amaanyi, yee, nda tunga amadanyi gavo mu viritu vyavo,

Isaya 65:7

ubudamano bwenyu avene, nobudamano bwa va dada venyu halala, Yahova a vola, mwinye ava vuyidzi kimuli ku vigulu, nokunyegera mu tugulu: kunangwa kigira yaga nda tanga kuvagerera miyinzi gyavo mu viritu vyavo.

Isaya 66:14

Mu la lola yaga, na mwoyo gwenyu gu la sangala, nevigumba vyenyu vi la dedema kuli bunyasi budoto: na mukono gwa Yahova gu la manyekana ku vatumekiri veve; naye a la va nobutima ku avasigu veve.

Isaya 66:15

Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.

Isaya 66:6

Mwoyo gwekivihiri gu twulanga mu lidala, mwoyo gu twulanga mu litempeli, mwoyo gwa Yahova wa vanziranga kisalya yavo avasigu veve.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 32:19

a veye munene wamakuva, nomunyali mu likola; wetsimoni tsitsye tsyakunuka ku tsinzira tsyosi tsyavana vavandu; kuha sa mulala kuli tsinzira tsitsye, kuli makuyu gelikola lilye:

Jeremia 50:15

Mu hanzuke kulyo tsimbega tsyosi; yegehidzi; vitaradzi vyalyo vi gwiye, madigi galyo ga tsomwa hasi; kigira ni livanza kisalya lya Yahova: mu vanze kisalya kuye; kuli ya kola, u mu kolere ndiyo.

Jeremia 50:29

Mu vugannye halala ava tumekiranga ubuta nemibano ku Babuloni, yavo vosi ava nyira ubuta; mu singeridza mahema kumukumbiridza tsimbega tsyosi; mu ta leka mulala kulyo a hone: mu mu tunge kuli miyinzi gigye; kuli gosi aga ya kola, mu mu kolere ndiyo: kigira yegingira ku Yahova, ku Mutakatifu wa Israeli.

Lisyoma lya Jeremia 4:11

Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

Ezekieli 23:49

Na va la mu tunga tsiganagani tsindamano ku mwinye, na mwinye mu la ginga ubwoni bwevifwananyi vyenyu; na mu la manya inze mbeye Mwami Nyasaye.

Ezekieli 38:18

Ga la va ku lidiku yilyo Goga, lwa yanegira kwingira mkivala kya Israeli, Mwami Nyasaye a vola ubutima bwange bu la nina ku inze mu amolo gange.

Ezekieli 5:13

Ni ndiyo ubutima bwange bu la dukidzwa, na nda malira ubutima bwange kuvo, na nda leminywa mwoyo: navo va la manya inze, Yahova, mbola mu likendeka lyange lwa ndi twekidza ubutima bwange kuvo.

Ezekieli 6:12

U veye ihale ligali a la kudza ku bulwaye zana; na u veye himbi a la gwa ku kivavi; na u tigala nokwigalirwa mu lidala a la kudza kigira inzala: ni ndiyo ndi twekidza ubutima bwange kuvo.

Joeli 3:4

Yee, mwinye, Turo, na Sidone, na vivala vyosi vya Filisitia, mu veye ikindu ki ku inze? Mu la ntungira mutungu? Kandi ni mu ntunga inze, bwangu ndirannya mitungu gyenyu ku mutwe gwenyu netsimbiru.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Nahum 1:2

Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Luka 19:27

Navutswa avasigu vange yava ava ta yanza inze nzamihe kuvo, mu va lete hano, mu viitire imbiri wange.

Luka 21:22

Kigira yaga na madiku gokumala kisalya, vyosi vi ng'odeywi vi nyole kuduka.

Varumi 2:6

Kigira a li ha avandu vosi kuli miyinzi gyavo:

Kwidzulitsa 32:41

Nokuhyagala ubwogi bwekivavi kyange, Nomukono gwange gu gumiranga likalaga; Nda vanza avasigu vange kisalya, Nda tunga ava ndunyiranga.

Kwidzulitsa 7:10

nokutunga mmoni mwavo ava mu dunyiranga a duke kuvononya: si yegadahalidza ku uyu u mu dunyiranga, a la mu tunga mmoni mwimwe.

Likunula 16:19

Kandi lidala linene lyavukanywa vi twula mu, vidieli vivaka, kandi amadala getsihiri ga gwa: kandi Babuloni lidala linene lidzulitswa imbiri wa Nyasaye, li hebwe kikombe kyewaini yobululu bwobutima bwibwe.

Likunula 19:15

Kandi kivavi kyogi ki twula mu munwa gwigwe, a duke kuduya tsihiri nakyo: kandi a la vameha nempimbo yekivya: kandi a duvaga kinu kyewaini yobululu bwobutima bwa Nyasaye, Wanyala Vyosi.