Isaya 59:17 - KITABU KITAKATIFU

¹⁷ Nayeyivika bulungi kuli isalamba yomkiritu, na igudwa yobuhonnyi yekivya ku mutwe gwigwe; na yivika lyevika lyekisalya kuva tsingubo tsitsye, na ya vikwa ubugulu kuva kuli ijoho.

Isaya 59:17 ပူးပေါင်းရင်းမြစ်များ

Ayubu 29:14

Ndivika ubulungi, nabwo bwa nkunika: Ubulungi bwange bwa li kuli ijoho na igudwa.

Zaburi 69:9

Kigira lididikana lyenyumba yoyo li mali kundia; Na manyego ga va nyeganga ive ga duka ku inze.

Zaburi 94:1

O Yahova, ive Nyasaye umbanzi wekisalya Ive Nyasaye umbanzi wekisalya, u ng'ereng'ane.

Isaya 11:5

Musipi gwomulwena lwilwe gu la va ubulungi, nomusipi gwekikenge kikye gu la va ubusuuvirifu.

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Isaya 37:32

Kigira li la va ho litigala li twula Yerusalemi, na va hona kutwula kigulu kya Zioni: Lididikana lya Yahova wa mahe li la kola yaga.

Isaya 42:13

Yahova a la twula kuli mundu wanyala: a la vukidza ubugulu kuli mundu wobulwani: a la hanzuka, yee, a la kupa lwanga; a la kola vindu vyetsingulu ku vasigu veve.

Isaya 51:9

Vuka, vuka, wivike ubunyali, O mukono gwa Yahova; vuka, kuli ga li mu madiku ga kale, mu makula goku matsyambiri. Si a li ive wa kalaga Rahabu vidonye, nokuhudula gunani?

Isaya 63:15

Henza hasi kutwula migulu ha u veye, u lole kufwula ubumenyo bwo butakatifu bubwo nobukumi bubwo: ubugulu bubwo nelikola lyetsingulu lilyo li veye haliha? Lyenya lyomwoyo gugwo nelivererera lilyo ku inze li gayeywi li vula kuduka ku inze.

Isaya 63:2

Ki gira ki u veye netsingubo tsinzakanyu kandi kigira ki tsi ingubo tsitsyo tsi veye kuli tsyomundu u duvaganga mu kyokumina iwaini?

Isaya 63:3

Inze mali ku duvaga kyokumina iwaini tsyeng'ine; na ku avandu si ha li nomundu halala na inze: yee, nda va duvaga nobutima bwange, nokuvaduvaga ligali nobu tima bwange bululu; na masahi geli vamwoyo lyavo ga salikira ku ingubo yange, na mmali kwononnya tsingubo tsyange tsyosi.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Ezekieli 5:13

Ni ndiyo ubutima bwange bu la dukidzwa, na nda malira ubutima bwange kuvo, na nda leminywa mwoyo: navo va la manya inze, Yahova, mbola mu likendeka lyange lwa ndi twekidza ubutima bwange kuvo.

Zekaria 1:14

Ma ingelosi wa volerana ninze ya mbolera, Kupa lwanga, u vole, Yahova wa mahe a vola, Inze nkendekera Yerusalemi na Zioni nelikendeka linene.

Yohana 2:17

Navegidzwi veve vidzulitsa ga ng'odwa, Lididikana lyenyumba yoyo li la ndia.

2 Vakorintho 6:7

mu likuva lyeligali, mu tsingulu tsya Nyasaye ku vyuma vyobulungi kuluvega lwomukono mulungi nomukono mmosi,

Vafeso 6:14

Kunangwa singiri, mu mali kubofwa ulukova lweligali mu kikenge, kandi mu mali kwivika isalamba yomukiritu, nayo i veye ubulungi,

Vafeso 6:17

Kandi mu vugule igudwa yobuhonnyi, kandi kivavi kya Roho, nakyo ki veye likuva lya Nyasaye:

1 Vatesalonike 5:8

Navutswa kwinye kigira ku veye avombasu, ku ve nobu geeri bwetu, kwivike isalamba yomu kiritu yelisuuvira neyobuyanzi; negu dwa yekivya yelisuuvira lyobuhonnyi.

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Vahebraina 10:30

Kigira ku manya uyu wa vola, Isira ni yange, nda tunga. Kandi agandi, Mwami a la kalagira avandu veve.

Likunula 19:11

Kandi nda lola ligulu ni ligulika; kandi henza, iparasi indavu, na uyu wa nina ku a langwa Musuuvirifu no Weligali; kandi mu bulungi a kalaga nokukola lihe.