Isaya 59:16 - KITABU KITAKATIFU

¹⁶ Na ya lola si ha veye nomundu, na ya genya kuvasi ha veye nomundu u saala: kigira yaga mukono gwigwe mwene gwa mu letera ubuhonnyi, nobulungi bwibwe bwamudinyeridza.

Isaya 59:16 ပူးပေါင်းရင်းမြစ်များ

Zaburi 106:23

Kunangwa ya vola a la va dividza Na a ta li Musa mutovole wewe ya singira ha huduka imbiri wewe, Kugirunkannya ubutima bwibwe gase a la ra dividza.

Zaburi 94:16

Ibwaha u li singirira inze ku avadamano? Na ibwaha a la mwanira ku va kola ubudamano?

Zaburi 98:1

Mwimbire Yahova ulwimbu luya Kigira u koli vindu vyokugenya: Kigalo kikye kilungi, na mukono mutakatifu gwigwe gu mu koleye ubuhonnyi.

Isaya 33:2

O Ya hova, u ku vera tsimbabasi; ku ku lindiriye: u ve mukono gwetu migamba gyosi, nobuhonnyi bwetu inyinga yekivi.

Isaya 33:3

Tsihiri tsyavandu tsi mali kwiruka kigira liyoga lyekivihiri; lwa weginga mwene tsihiri tsya salana.

Isaya 40:10

Henza, Mwami Nyasaye a ladza kuli Wanyala, na mukono gwigwe gu leyamehira mwene: Henza, madanyi gege a veye nago halala, na litunga lilye li veye imbiri wewe.

Isaya 41:28

Na lwa mbenza, ndola, si ha veye nomundu kali mulala; kali hagati havo si ha veye ho mvoli mulala, kuduka, lwa mba teva, u nyala kutivula kindu.

Isaya 50:2

Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Isaya 51:5

Ubuhonnyi bwange bu veye ahimbi, ubuhonnyi bwange bu twuli, na makono gange ga la kalagira avandu; na visulu vi la lindi rira inze, vi lidira ku mukono gwange.

Isaya 51:9

Vuka, vuka, wivike ubunyali, O mukono gwa Yahova; vuka, kuli ga li mu madiku ga kale, mu makula goku matsyambiri. Si a li ive wa kalaga Rahabu vidonye, nokuhudula gunani?

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Isaya 53:1

Ni bwaha u bugirira makuva getu? Na mukono gwa Yahova gwa vuulirwa bwaha?

Isaya 62:8

Yahova wisuhi nomukono gwigwe mulungi, nomukono gwetsingulu tsitsye, Ligali inze si nda haana kandi ku vasigu vovo ubuswage bubwo kuva vyokulia vyavo; avageni si va la nwa iwaini yoyo, ya mwinye mwa yinzira:

Isaya 64:7

Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.

Jeremia 5:1

Mu nyagule yiyi na yiyi mu tsinzira tsya Yerusalemi, mu lole kalunu, nokumanya, nokwenya mu migidze gyalyo migalamu, nu u va nu u nyala kunyola musatsa mulala, na a va na a veye ho mulala u kolanga agobulungi, wenyanga ageligali; na inze nda sameha lidala yilyo.

Ezekieli 22:30

Na ndenya nduke kulola mundu musatsa mu avandu yavo, u nyala kweba lugaga, nokusingira ha huduka imbiri wange kigira kivala yikyo, ni nta ki dividza: navutswa si nda nyola kali mulala mba.

Marko 6:6

Ya genya kigira va vula kusuuvira. Na a vodonkana mu madala ni yegidza.